Amanesoma Jɔn Aa Chwera Tɔn 8:6 - mzwDBL

⁶ Ba pɛɛro ɡɛ waa nɔ dɛ́ kpɔ daahno na kɛŋɔ wɛɛ bol waanee ásɛ ba fee dɔ o nyoa lawɛ. Belaa Yeesu joŋi asɛ dɛ kpɔ o nonii dɛɛ chwerɛ harɛ.

Amanesoma Jɔn Aa Chwera Tɔn 8:6 Referans Kwoze

Jeremia 17:13

N Naa Korowii, he nɛɛ Israel tena sie dawɛ, sihiih ɛɛ kpo nɛra baa berɛ habɔɔ kpoe bwaa. Nɛra baa chwaa le he be bwa sɔna ɛɛ nyoɡroo kɛŋɔ nɛra baa serewa ken. Dɛkalkɛ ba vɛh hen haa do kɛ nee waa dɛ bule saŋ bɛlbwa dɛɛ tɛ Israel tena.

Amanesoma Luk Aa Chwera Tɔn 10:25

Tɔnjereme bɛl balɔ dɛ ba kpɔ wobol kɛ wɛɛ daah Yeesuu dɛ́ jemɛ o liire, dɛ bɔɔro ŋɔ, “Nomoa, ɛrɛɛ mɛɛ ba ɛɛ dɛ́ dɔ Korowii mkpa aa wola jaɡa dɔe bwa nɔ?”

Matiu 19:3

Asɛ Farisii tena bane ba bela dɛ ba kpɔ webɔɔra dɛɛ haɡro bela dɛ́ fe dɔɔ lawɛ. Ba bɔɔro ŋɔ, “Mmara dɛ tɛ yaa ŋwɛnɛ kɛŋɔ baa won che wobɛlbwa ta vɛh o haah naa?”

Emɔs 5:10

Hé hah nomɛlbwa waa wola nyosone teŋe, dɛɛ bol kasinteŋ kɔɔto dea.

Wejereme 3:7

yal kɛɛra saŋ lole, o tae dɛ́ pɛ saŋ ɡe do le, nɛn hela dɛ́ so tɔpere lole, tɔpere waa bol waa la ɡe do le.

1 Kɔrent 10:9

Ya bɛ Korowii daah dɛɛ na ɡɛ bane fa aa daahno na, asɛ o ɡel harɛ kpɔ ba ba serewe la.

Amanesoma Mak Aa Chwera Tɔn 10:2

Farisii tena bane ba bela dɛ baa haɡro bela dɛ fe ɛɛ nyin dɛ́ lawɔ. Ba bɔɔro ŋɔ, “Mmara dɛ tɛ ŋwɛnɛ kɛŋɔ baa vɛh o haah naa?”

Amanesoma Mak Aa Chwera Tɔn 8:11

Belaa Farisii tena bane ba Yeesu be dɛ ba tɔŋlo dɛ daahno na dɛɛ nyin o ɛ nyokpowaane bá na dɛ́ jemɛ o waa kɛŋɔ o le Korowii be kpela.

Matiu 26:63

Yeesu mwaa o ne, o ta wobɛlbwa chaŋɛ. Anee Sɔfonomoa la berɛ ŋɔ o be ja ŋɔ, “N ŋwɛɛ Korowii waa lole saŋ bɛlbwa nɔ kɛŋɔ, dɛ henee o Bie Kristo la waa baɡɛ yaa nyoa ŋɔ wɛɛ tomɔɔ ó ba lɛ yaa la aa, ɡel ya jemɛ fini.”

Matiu 22:35

asɛ ba bini Tɔnjereme bɛl pɛɛ Yeesu waane, dɛ́ kpɔ harɔ bel.

Matiu 22:18

Yeesu tɔ sie jemɛ ba liichɔɡa, anomanta, o ŋɔ ba be ŋɔ, “He nɛra haa nyiŋi nɛra sie mɔɔ dɛɛ ɛ wa! Ɛrɛɛ hɛɛ nyin dɛ́ har mɛ bel nɔɔ?

Matiu 16:1

Farisii tena bane ne Saduki tena bane ba Yeesu be dɛ ba daahno na dɛɛ nyin ó ɛ nyokpowaane bá na ásɛ dɛ won jemɛ kɛ Korowii bee o le kpela.

Matiu 15:23

Yeesu ta on chaŋɛ, asɛ o habɔteŋra la ba o be dɛ soŋo ŋɔ, “Gel haah nɔ kaa kɛ waa teŋɛ ya nɛɛ dɛɛ do yaa ɡbɔɡa la!”

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Emɔs 5:13

Anomanta, nɛn waa jemɛ waa la tɔ nyoa, a ɡɛ wechɔɡa saŋ nɔ waa aa do ɡɛ nɔ ta.

Daneɛl 5:5

Buɡ la ta, dɛ nɛn nɔn ba dɛ chwerɛ koodem danjwɛɛ baa maalo ta, dɛ kandea cheɡɛ bela dɛɛ chaah. Asɛ Kooro Bɛlsasa ɛɛ nyiŋi ɡɛ nɔn la aa doa dɛɛ chwerɛ la.

Sɛɡla 26:17

Nɛn waa kpɔ o nyoa ɛɛ do nɛra waa aa wola o waa ɛɛ ta la, o do kɛŋɔ waa la fɔɡbaah, dɛ ka lawɛ nyoate deŋne.

Nɛra Kura 14:22

nɛra la baa na n jirima ne nyokpowe-ɛɛla maa ɛa Ijipt harɛ ta ne pua hɛŋle ɡbo harɛ ta, ba ta n waa noe dɛ ta daah mɛ dɛɛ na hale kera fi bwa la,

Mumpar 49:9

Juda do kɛŋɔ nyujente ken. Kpaahna taa he che dɛ kpeɡ. O chɔ harɛ kɛ nyujente aa, umee dɛ wonu wɔ?

Amanesoma Jɔn Aa Chwera Tɔn 8:2

Bɔr aa dɛ chaah chɔmbibi la, o berɛ kaa Korowii Dea. Belaa nɛnlaa ba o be dɛ ba baro cheme, asɛ o so harɛ dɛɛ chaɡ ba Korowii Wa.

Amanesoma Luk Aa Chwera Tɔn 11:16

Dɛ bane ɡe dɛ nyin dɛ daahno na, dɛ ŋɔ o be ŋɔ ó ɛ we-ɛɛla ane, ásɛ a baɡle kɛ o le Korowii be kpela.

Amanesoma Mak Aa Chwera Tɔn 12:15

Dɛ Yeesu jemɛ ba wepɛɛre la mun dɛ ŋɔ, “Ɛrɛɛ hɛɛ haɡre mɛ bela nɔɔ? Hé kpɔ suuɡa bwe ba ń na.”

Yela 39:1

N lii n nyu bini ŋɔ, “Mɛɛ nyiŋi n ŋwɛnɛre ta kɛrɛdɛɛ, maa ɡel a che n nyoa wobol ta, n ɛ wechɔɡa. Nɛnchɔɡa bɛn mɛ naa, maa wobɛlbwaa bol.”

Amanesoma Mak Aa Chwera Tɔn 3:2

Dɛ nɛra bane lɔ bela dɛɛ nyin dɛ́ kpɔ waa dawɛ Yeesu nɛ. Asɛ baa nyiŋi kɛ wɛɛ chah baa laanee Ona Tɔpere la ta ásɛ ba dɔ o waa dɛ́ bol.