Amanesoma Jɔn Aa Chwera Tɔn 8:52 - mzwDBL

⁵² Anee Juu tena la ŋɔ, “Ya ta ŋɔe yaa? Kwaa dɛ ir o nɛ. Ya nabaa Abraham ne Korowii keamere la ɡba serewɔ, ɡɛɛ he te ŋɔ nomɛlbwa waa no he waa nɔ dɛ́ teŋɛ a ta la aa sewɛ bwa naa?

Amanesoma Jɔn Aa Chwera Tɔn 8:52 Referans Kwoze

Hibru 2:9

Kɛ ya dɛ na Yeesu te kɛŋɔ Korowii aa ba o ne harɛ, asɛ nyundua toroma ɡwaalo tama, asɛ waa na wahala dɛ sewɛ la, o tɛo jirima dɛ ɡel komɛlbwa ɛɛ tɛo duure. Korowii alaworomɛɛ o sewɛ tɛ nɛwɛnyini bwa la.

Amanesoma Jɔn Aa Chwera Tɔn 9:24

Ba berɔ yerɛ baa la o fa aa nyoŋa la nɛɛtena, asɛ dɛ ŋɔ o be ŋɔ, “Nyiŋi Korowii dɛ bol kasinteŋ. Ya te jemɔ kɛ baa nɔ waa chaeh nɔ ɛ wechɔɡ-ɛɛ.”

Amanesoma Jɔn Aa Chwera Tɔn 8:48

Belaa Juu tena la bɔɔro ŋɔ, “Nyosonee yaa teŋe kɛ yaa ŋɔa ŋɔ, he ɛ Samaria te kwa ɛɛ ir he nɛɛ la aa?”

Hibru 11:13

Korowii yaradae taa a ɡɛ nɛra nɔ bwa do dɛ ba serewe, dɛ ba ta waa Korowii aa baɡɛ nyoa la nae siwi ne. Kɛ ba yarada nomanta, ba naa bojaŋ ba sie lɛ kɛŋɔ haa na hɔɔhra bojaŋ baa ba he sie lɛ la. Ba sɛoh kɛŋɔ ba ɛ hɔɔhra harɛ nɔ ta.

Amanesoma Jɔn Aa Chwera Tɔn 8:51

Kasinteŋ, n dɛ ŋɔ he be, nomɛlbwa waa no n waa nɔ dɛ teŋɛ a ta la aa sewɛ bwa.”

Matiu 11:18

Jɔn aa bala la, dɛ o dɛ vɔwɛ nyoa, waa sen ɡe nyɔ, asɛ nomɛlbwa ŋɔ kwaa dɛ ir o nɛ.

Amanesoma Jɔn Aa Chwera Tɔn 1:19

A wola bɛl, Juu tena nomonome baa lɔ Jerusalam la tomɛ ba sɔfore ne Lewi dea tena ŋɔ bá ka bɔɔ Jɔn o nɛnsoo. Waa waa bola dɛ kpɔ di Yeesu danseɛ laanee nɔ.

Amanesoma Jɔn Aa Chwera Tɔn 7:20

Belaa nɛnlaa la bane ŋɔ, “Dɛ kpoe nɛ? Jamɔ komɛl ɡale he sie. Umee dɛɛ nyini dɛ́ kpo ɔ?”

Amanesoma Jɔn Aa Chwera Tɔn 8:22

Anee Juu tena nomonome la bɔɔ dɔŋa ŋɔ, “O ŋɔ yaa won la bela waa dɛ kaa! Jamɔ wɛɛ kpo o tenee kɛɛ?”

Amanesoma Jɔn Aa Chwera Tɔn 8:55

Haa on jemɛ, kɛ n te jemɔ. Dɛ n ŋɔ maa on jemaa, dɛ n ɛ nyosonteŋni kɛ heya. N jemɔ asɛ dɛɛ no o deŋna wa.

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

Amanesoma Jɔn Aa Chwera Tɔn 15:20

Hɛ́ɛ lii ɡɛ n fa aa bol he be ŋɔ, yom ta o dɔɔ ɡwaalɛ la. Dɛ ba ɛɛ mɛ hɔhɔrɔwa aa, ɡɛɛ baa ba he ɡe ɛɛ. Dɛ ba teŋɛ n webaɡla ta naa, baa teŋɛ he ɡe kwaa ta ɡɛɛ.

Amanesoma Jɔn Aa Chwera Tɔn 17:6

Nɛra haa lee ba le harɛ nɔ ta nɛra bini dɛ kpɔ ba tɛ mɛ la, n ɡelɔ ba jemɛ kɛrɛdɛ. Henee dɔɔ ba dɛ kpɔ ba tɛ mɛ, asɛ ba sɛh dɛɛ teŋɛ he waa la ta.