Amanesoma Jɔn Aa Chwera Tɔn 8:24 - mzwDBL

²⁴ A waa n ŋɔ he be ŋɔ, hɛɛ sewɛ he wechɔɡa taa la. Dɛ nomɛlbwa ta men yaradae kɛŋɔ Menee Men te naa, hɛɛ sewɛ he wechɔɡa taa.”

Amanesoma Jɔn Aa Chwera Tɔn 8:24 Referans Kwoze

Amanesoma Jɔn Aa Chwera Tɔn 3:36

Nomɛlbwa waa yarada Korowii Bie la waa la, wɛɛ dɔ mkpa aa wola jaɡa dɔe bwaa. Nomɛlbwa waa wola Korowii Bie la waa yaradae la, waa mkpa dɔe ba. Korowii bandia ɛɛ do o nɛɛ saŋ bɛlbwaa.”

Amanesoma Jɔn Aa Chwera Tɔn 3:18

Nomɛlbwa waa yarada n waa la, Korowii aa o waa bol á ba ɛ kɛ wɛɛ di bolchɔɡee. Kɛ nomɛlbwa waa wola n waa yaradae la, Korowii pao bolchɔɡe tonɛ, dɛkalkɛŋɔ o ta o Bibeŋkpoŋ la waa yaradae.

Amanesoma Mak Aa Chwera Tɔn 16:16

Nomɛlbwa waa yarada ásɛ ba sɔɔ nee la, Korowii ɛɛ kpɔ o wechɔɡaa kɛo. Kɛ naate waa wola yaradae la, wɛɛ di bolchɔɡee.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Sɛɡla 8:36

Nomɛlbwa waa wola men nae la, o ɛ o te, nomɛlbwa waa hah mɛ la pɛla lawɛ seo.”

Amanesoma Jɔn Aa Chwera Tɔn 13:19

N pu sie dɛɛ baɡle heyaa mɔɔ ásɛ dɛ ɡɛ waa nɔ baa ba naa, he jemɛ dɛ́ yarada kɛ menee Kristo la.

Amanesoma Jɔn Aa Chwera Tɔn 4:26

Asɛ Yeesu ŋɔ, “Onee he ne wɛɛ bol waa la. Kristo laanee men.”

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Amanesoma Jɔn Aa Chwera Tɔn 8:21

Asɛ Yeesu berɛ bol waa baɡle nɛra la ja ŋɔ, “Mɛɛ ba kaaloo he ɡaaɡe dɛɛ nyin n bɔr, kɛ haa men na. He wechɔɡa taa hɛɛ ba sewa. Bela maa kaa la, haa won ba bela.”

We-ɛɛla 4:12

Dɛ Yeesu laa aa, nomɛlbwa toole dɛ́ won lɛ yaa. Nomɛlbwa toole harɛ nɔ ta bobɛlbwa yá yerɔ o won lɛ yaa ka ja Yeesu nɛ.”

Amanesoma Mak Aa Chwera Tɔn 13:6

Nɛra ɛɛ warɔɔ dɛ́ kpɔ n sɔn ba dɛ́ ba ŋɔ banee men. Ba bɛlbwa ɛɛ ŋɔɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛra la, dɛ́ neɡre nɛra pirim.

Amanesoma Luk Aa Chwera Tɔn 21:8

Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. Nɛra pirim ɛɛ kpɔ n sɔnee ba dɛ́ ba ŋɔ banee men, dɛ́ ŋɔ tɔpere la telo. He bɛ ba nɛɛ teŋɛ.

Kaala 3:14

Anee Korowii ŋɔ o be ŋɔ, “Menee Men. Kenii chɛ kɛ he ŋɔ ba be kɛŋɔ naate baa dɛ yerɔ, ‘Menee Men laanee tom mɛ he be.’ ”

Matiu 24:5

Nɛra ɛɛ warɔɔ taeh dɛ́ ba neɡre heya, dɛ́ kpɔ n sɔn dɛɛ bol wa, hale dɛ́ ŋɔ banee Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la, dɛ́ neɡre nɛra kɛrɛdɛ bwa.

Amanesoma Jɔn Aa Chwera Tɔn 8:25

Belaa ba bɔɔro ja ŋɔ, “Henee ume o?” Asɛ o chaŋe ŋɔ, “Anee n ŋɔ he be chɔɔ bwa la.

Amanesoma Jɔn Aa Chwera Tɔn 8:28

Anomanta, o ŋɔ ba be ŋɔ, “Awola haa ɡɔɔ Men Nɛn Bie nyundua la, belaa hɛɛ ba n nae kɛŋɔ Menee Men kpela, ásɛ dɛ jemɛ kɛŋɔ n ɡbaɡba kpeɡri ne laa mɛɛ ɛ wa, kɛ anɔ la n Mɛɛ la aa ŋɔ n be laanee mɛɛ bol.

Amanesoma Jɔn Aa Chwera Tɔn 8:58

Anee o ŋɔ, “Kasinteŋ, n dɛ ŋɔ he be, baa wola Abraham lolɛ mɔɔ la dɛ n lole.”