Amanesoma Jɔn Aa Chwera Tɔn 8:23 - mzwDBL

²³ Belaa Yeesu chaŋ ba ŋɔ, “Harɛ nɔ ta nɛraa heya, asɛ n ɡe le nyundua. He le harɛ nɔ ta, kɛ n te, harɛ nɔ ta laa n le.

Amanesoma Jɔn Aa Chwera Tɔn 8:23 Referans Kwoze

Amanesoma Jɔn Aa Chwera Tɔn 3:31

Nɛn waa le nyundua la ɡwaa nomɛlbwa. Nɛn waa le harɛ bonɔ la, harɛ waa o jemɛ, a waa ɡee o won bola. Kɛ nɛn waa le Korowii be nyundua la te ɡwaa nomɛlbwa.

Amanesoma Jɔn Aa Chwera Tɔn 17:16

Gɛ maa wola nɛra baa dɔ harɛ nɔ ta ɡbo liire nɛɛ jae la, ɡɛɛ ba ɡe aa wola ba nɛɛ jae.

Amanesoma Jɔn Aa Chwera Tɔn 17:14

Maa bol he Amanesoma la baɡ ba la, a ɡelɔ ba ta nɛra baa dɔ harɛ nɔ ta ɡbo liire nɛɛ jae kpa, ɡɛ maa wola ba nɛɛ jae la. Anomanta, ba hah ba.

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.

Yela 17:4

Wobochɔɡaa n nyoa le, ɡɛ bane aa dɛ bol la, n no he Korowii waa la. N ta naɡra we-ɛɛla bane aa dɛ ɛ la ta teŋɛ.

Amanesoma Jɔn Aa Chwera Tɔn 3:13

Dɛ Men Nɛn Bie laa aa, nomɛlbwa ta Korowii be nyundua laŋɛ mɔɔ. N ɡboo le o be nyundua dɛ tu ba harɛ.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.