Amanesoma Jɔn Aa Chwera Tɔn 8:12 - mzwDBL

¹² Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

Amanesoma Jɔn Aa Chwera Tɔn 8:12 Referans Kwoze

Amanesoma Jɔn Aa Chwera Tɔn 12:46

N ba harɛ nɔ ta kɛŋɔ kandea dɛ baa chaah nɛra bwa, ásɛ nomɛlbwa waa yarada mɛ la bɛ biro ta do kpa.

Amanesoma Jɔn Aa Chwera Tɔn 9:5

N taa lɔ harɛ nɔ ta bonɔ nɔ, menee kandea dɛɛ chaah nɛra bwa.”

Amanesoma Jɔn Aa Chwera Tɔn 12:35

Anee Yeesu ŋɔ ba be ŋɔ, “Bɔr taa dɛ chaah he nɛɛ tɔpera anɛ nɔ, hɛ́ɛ valɛ o ta. Dɛ ɡɛ laa aa, bɔr ɛɛ biruu he nɛ. Nomɛlbwa waa dɛ valɛ biro ta la aa bela waa dɛ kaa jemɛ.

Matiu 5:14

He do kɛŋɔ nii waa dɛ chaah bɔr nɛwɛnyina bwa bini. Bwɛjen waa dawɛ deŋɡare doa la aa won sɔh.

Job Tɔn 33:28

O lɛɛ mɛ le seo nyoa, n ta so le dɛɛ na som nɔ.’

Amanesoma Jɔn Aa Chwera Tɔn 3:19

Ba bolchɔɡe pae munii kɛŋɔ nii waa dɛ chaah bɔr la ba harɛ nɔ ta, kɛ nɛwɛnyini berɔ dɛɛ nyin biro ɡwaa nii la, dɛkalkɛŋɔ ba wobɛlbwa ɛ wechɔɡa.

Yela 18:28

N Naa Korowii, henee ɡela bɔr chaah n sie mɛɛ na, he ɡelɔ n le biro ta ba bochaah ta.

Aesaya 9:2

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.

2 Pita 2:4

Nyundua toroma ba fa aa ɛ wechɔɡa la, Korowii ta ban ɡelɛ. O kpɔ ba ta deŋnetɛra bɔr waa ɛ bɔluŋluŋ dɛ bir kpirikpiri la dɛ ka tel awola waa ba bol nɛra bwa waa dɛ́ pa bole la.

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

We-ɛɛla 13:47

dɛkalkɛŋɔ ɡɛɛ ya Dɔɔ ŋɔ ya be ŋɔ, ‘N le heyaa ŋɔ hé ɛ nii dɛɛ chaah nɛra baa wola Juu tena ɛɛ la bwa, ásɛ nɛra baa lɔ harɛ jaɡa bwa che he nɛɛ dɛ́ no Korowii Waa aa dɛ ba ba lɛɛ la he be.’ ”

Yela 97:11

Nii dɛ chaah nɛra ba wa aa toɡra sie, nɛra ba wa aa wera ɡe ɛɛ dɔ silɛɛ.

We-ɛɛla 26:23

Anee kɛŋɔ a chɛ kɛ Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la na wahala, dɛ́ tɔ sie ir seo ta lala bwa nɛ, dɛ́ won che o seo ta ira la ta, dɛ́ baɡle Juu tena ne nɛra baa wola Juu tena ɛɛ la kɛŋɔ ya toole seo nɔn ta ne biro ta kpa, dɛkalkɛ nii chaah ya nɛ.”

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Wepila 21:24

Harɛ nɔ ta nɛra ɛɛ ba valɛ o bochaah la taa, ásɛ koranar baa lɔ harɛ nɔ ta ɡe kpɔ ba jirima baa dɔa la ba jo o ta.

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Hosia 6:3

Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Tɔn Jud Aa Chwera 1:13

Ba do kɛ mpo nehɛma a nyoa aa kpeɡa kohona ken. Gɛ a yon dɛɛ vuuɡi, a fufuɡ doŋa ɛɛ le baŋ la, ɡɛɛ baa vuuɡi wa, ásɛ ba sihihwa ɛɛ le baŋ. Ba do kɛ weweela aa wola chebɔr beŋkpoŋ dɔe, baa wola hwɛɡa kpɔe dɛɛ do a nɛɛ dɛɛ valɛ jwaana la. Biro kpirikpirii Korowii kwaa ba cheɡ bá ka do bela saŋ bɛlbwa.

2 Pita 2:17

He dɛ hwɛɡɛ ba nɛ aa, he hwɛɡa ta pɛɛ. Ba do kɛ nenabɔɔ nee aa wola toole o ta, dɛ do kɛ baama peu aa ir a ne aa kaa ken. Biro kpirikpirii Korowii kwaa cheɡ ba.

Tɔn Jud Aa Chwera 1:6

Nyundua toroma ɡe aa wola ɡelɛ bela Korowii aa tɛɛ ba ŋɔ bá di kpeɡri maɡre ba ne, dɛ́ le ba dobɔr la, ó tɔ ba do biro ta, dɛ́ do ba jɔɡrɔre waa wola ban foo ta bwa, dɛ́ ka tel kɛŋɔ o tɔpejen waa dɛ ba nɛra waa bola dɛ́ pa bole la.

Yela 49:19

wɛɛ sewɔɔ ka pu o naawa, waa wola bɔr chaahnaa na kpa.

Amanesoma Jɔn Aa Chwera Tɔn 12:36

Bɔr taa dɛ chaah he nɛɛ nɔ, hé yarada bochaah la dɛ berɛ bochaah nɛra.” Yeesu aa bol ɡɛ waa nɔ tonɛ la, o le ba baah asɛ dɛ ka sɔh.

1 Jɔn 1:6

Anomanta, dɛ ya ŋɔ ya ne o ɛ beŋkpoŋ, kɛ dɛ berɛ dɛɛ ɛ biro bini wa aa, ya teŋe nyosone. Ya we-ɛɛla dɛ baɡle kɛ ya waa ta kasinteŋ dɔe.