Amanesoma Jɔn Aa Chwera Tɔn 7:38 - mzwDBL

³⁸ Nomɛlbwa waa dɛ yarada mɛ la, mɛɛ ɛo ɡɛ Korowii Tɔn aa baɡla laanee. Dɛ, ‘Nee waa dɔ mkpa la ɛɛ dɛɛ le o nɛɛ saŋ bɛlbwaa kɛŋɔ moo aa dɛ palɛ la.’ ”

Amanesoma Jɔn Aa Chwera Tɔn 7:38 Referans Kwoze

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Aesaya 58:11

Dɛ he ɛ ɡɛ naa, anee dɛ́ ɡel men Korowii baɡle heya ŋwɛnɛ saŋ bɛlbwa dɛɛ la, dɛ́ berɛ tɛ heya kondɛɛɡa pua hɛŋle ɡbo harɛ ta he di, dɛ́ do kpeɡri. Dɛ́ berɛ ɡel he do kɛŋɔ bodɛɛɡe haa du daa sɔn do o ta saŋ bɛlbwa ken, kɛɛ bule waa wola hweeh bwa la.

Aesaya 44:3

Mɛɛ ɡeloo nee chɔ harɛ waa hola ta, ásɛ nenabɔɔne chɔ dɛɛ palɛ. Mɛɛ ɡeloo n Doma ba so he bii nɛ, dɛ́ swee andɛɛɡa tɛ he naanar.

Aesaya 12:3

Gɛ nyɔɡre dɛ kpo nɛn o dɔ kɔlɔŋ nee nyɔ, o sie lɛ la, ɡɛɛ dɛ Korowii lɛ nɛra aa, ba sie ɛɛ lɛ.

Amanesoma Jɔn Aa Chwera Tɔn 4:10

Anee Yeesu ŋɔ o be ŋɔ, “Dɛ he fe jemɛ kon Korowii aa dɛ nyin he tɛɛ nɔ, dɛ jemɛ naate waa dɛ soŋe nee nɔ naa, he fe ɛɛ soŋoo ásɛ o fee tɛɛ nee aa won tɛɛ mkpa.”

Sɛɡla 10:11

Nɛn o wa aa toɡra wobol dɛ́ ba mkpa ne, kɛ nɛnchɔɡe te mur, waa yoi waa bol á le baŋ.

Sekaria 14:8

Awola tɔpere la, nedɛɛɡe ɛɛ palɔɔ le Jerusalam, o pera kaa Yar Mpo ta, o pera berɛ kaa Mɛdetereenea Mpo ta bɔwɔb ne waa saŋ bwa.

Sɛɡla 18:4

Nɛn nyoa wobol do kɛŋɔ nee waa luŋa ken, wejema leebɔr do kɛŋɔ nee waa dɛ palɛ.

Aesaya 59:21

Fɔo n ne haa fɔwɛ laanee kɛŋɔ, ń tɛ he ne he bii ne he naanar n Doma ne n webaɡla, á chɔ le tɛ heyaa saŋ bɛlbwa.”

Mmarare 18:15

Korowii haa dɛ tomɔ nɔ ɛɛ tomɛ o keamee ó ba bol o waa dɛɛ tɛ heya ɡɛ waa tom mɛ nɔ. He ɡbaɡba dwee binii wɛɛ ba o lee. A chɛ kɛŋɔ hé cheɡ deŋne dɛ́ no o wobol.

Ɛfesos 5:9

Bochaah ta we-ɛɛlaa wedɛɛɡa ne wekaih dɛ kasinteŋ wa.

Aesaya 35:6

Ásɛ boobie ir che, dɛɛ jah kɛŋɔ kweɡli ken, amumure ɡe ɡo yela silɛɛ ne. Nee ɛɛ pili pua hɛŋle ɡbo harɛ taa, ásɛ nenabɔɔne chɔ harɛ waa hola ta dɛɛ palɛ.

Aesaya 55:1

Korowii ŋɔ, “Hé banɔ la nyɔɡre aa dɛ kpo heyaa la, nee lole, hé ba nyɔ! He ta suuɡa dɔe yaa, hé ba, hɛɛ dɔ kondikwaa di pɛɛpɛɛ! Sen ne na-elnee lole, suuɡa ne laa baa yawa, yoɡ ɡe toole a ta!