Amanesoma Jɔn Aa Chwera Tɔn 7:16 - mzwDBL

¹⁶ Belaa o chaŋe ŋɔ, “Waa maa dɛ baɡle nɔ ta n ɡbaɡba be leɛ, a bwa le Korowii waa tom mɛ la be.

Amanesoma Jɔn Aa Chwera Tɔn 7:16 Referans Kwoze

Amanesoma Jɔn Aa Chwera Tɔn 14:24

Nomɛlbwa waa wola men nyin la, waa n webaɡla ta teŋɛ. Waa haa dɛ no nɔ ta n be leɛ, a bwa le n Mɛɛ waa tom mɛ la be.

Amanesoma Jɔn Aa Chwera Tɔn 14:10

Haa yarada kɛŋɔ n ne n Mɛɛ la pɛo dɛ ɛ beŋkpoŋ, o joo mɛ n ɡe joo kɛɛ? N waa maa bol la bwa ta n ɡbabir be leɛ. N Mɛɛ laanee joo mɛ asɛ mɛɛ ɛ o toma.

Amanesoma Jɔn Aa Chwera Tɔn 17:8

N bol waa haa baɡ mɛ la baɡ ba, asɛ ba sɛh a ta. Ba jemɔ kɛrɛdɛ kɛŋɔ he bee n le ba, dɛ yarada kɛ henee tom mɛ.

Amanesoma Jɔn Aa Chwera Tɔn 5:30

Yeesu berɔ ŋɔ, “N ɡbo aa won ɛ wobɛlbwa n bambile ta, nemenɛ anɔ la Korowii aa chaɡ mɛ la. A taa n che dɛ bol nɛra waa dɛɛ pa bole. An ɡela n bole pae toɡre nɔ, dɛkalkɛ waa n Mɛɛ waa tom mɛ la aa kpɔa tɛ mɛ la ɡboo mɛɛ ɛ dɛ ɡel n bambile wa.

Amanesoma Jɔn Aa Chwera Tɔn 17:14

Maa bol he Amanesoma la baɡ ba la, a ɡelɔ ba ta nɛra baa dɔ harɛ nɔ ta ɡbo liire nɛɛ jae kpa, ɡɛ maa wola ba nɛɛ jae la. Anomanta, ba hah ba.

Amanesoma Jɔn Aa Chwera Tɔn 8:28

Anomanta, o ŋɔ ba be ŋɔ, “Awola haa ɡɔɔ Men Nɛn Bie nyundua la, belaa hɛɛ ba n nae kɛŋɔ Menee Men kpela, ásɛ dɛ jemɛ kɛŋɔ n ɡbaɡba kpeɡri ne laa mɛɛ ɛ wa, kɛ anɔ la n Mɛɛ la aa ŋɔ n be laanee mɛɛ bol.

Amanesoma Jɔn Aa Chwera Tɔn 3:11

Kasinteŋ, n dɛ ŋɔ he be, waa yaa jema la, ne waa ya sie aa naa la, anee yaa bol, kɛ haa ya be no.

Amanesoma Jɔn Aa Chwera Tɔn 6:44

Nomɛlbwa aa won ba n be nemenɛ n Mɛɛ la ɡbaɡba waa tom mɛ la tɛro ba n be, ásɛ tɔpera bwa jaɡa wee la, ń iru seo ta.

Amanesoma Jɔn Aa Chwera Tɔn 3:31

Nɛn waa le nyundua la ɡwaa nomɛlbwa. Nɛn waa le harɛ bonɔ la, harɛ waa o jemɛ, a waa ɡee o won bola. Kɛ nɛn waa le Korowii be nyundua la te ɡwaa nomɛlbwa.

Wepila 1:1

Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.

2 Jɔn 1:9

Nomɛlbwa waa dɛ baɡle Yeesu Kristo waa la dɛ kpɔ o ɡbabir nyu bini liire dɛɛ ja la, amɔ dɛ Korowii ta naate nɛɛ teŋɛ. Nomɛlbwa waa jemɛ Yeesu Kristo webaɡla la dɛɛ baɡla ɡɛ aa doa la, dɛ Korowii ne o Bie la teŋɛ o nɛɛ kɛrɛdɛ.