Dɛ Yeesu cheɡɛ Korowii Dea bela dɛɛ bol wa. Aa ba ɡɛ la o kpɔ takpeɡ ŋɔ, “He jem mɛ dɛ jemɛ bela maa lea. N ɡbaɡba kpeɡri ne laa n ba. Korowii waa ɛ kasinteŋ te laanee tom mɛ. Haa on jemɛ.
Anee o ŋɔ, “Tɔpere bɛlbwaa mɛɛ baɡla nɛra baah ta ba bwa ɛɛ no. Korowii Dea ne cheremi deene ya Juu tena bwa aa dɛ cheme a bini la, belaa mɛɛ baɡla. N ta sɔeh dɛ baɡle wobɛlbwa ɡe bwa.
Ba Kukure tɔpera la dii ta tɔpere waa baa ka mun dɛ ɛ tɔpejen tenten la, Yeesu iro che dɛ kpɔ takpeɡ ŋɔ, “Nomɛlbwa nyɔɡre aa dɛ kpoo la, ó ba n be ń tɛo nee ó nyɔ.
A habɔɔ la, Yeesu na baa la Korowii Dea asɛ dɛ ŋɔ o be ŋɔ, “He nao kenɛ, taraken haa dɔ bokpeɡa nɔ, ɡel wechɔɡa ɛɛ, ásɛ anɔ la aa ɡwaa loɡla kwaa la bɛ he nɛɛ ba chiɡ kpa.”
Anee Yeesu pɛɛ nɛra la ŋɔ, “Ŋwɛɛree men he kpɔ keri ne ɡule dɛɛ ba dɛ́ ba laɡ mɛ naa? Tɔpere bɛlbwaa n ne heyaa yon so Korowii Dea bela, ásɛ mɛɛ baɡle nɛra wa, kɛ he ta men bela lawɛ.
Yeesu kaa tel Korowii Dea bobɛl, asɛ dɛ doŋi kon-yoɡra ne nɛra baa dɛ yawɛ kwaa la bwa, dɛ beɡre nɛra baa dɛ peɡri suuɡare la ne banɔ la baa dɛ yoɡ borɔnomare la teeburre piiɡi,
Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”