Amanesoma Jɔn Aa Chwera Tɔn 6:70 - mzwDBL

⁷⁰ Belaa Yeesu chaŋe ŋɔ, “Menee le he nɛra fi dɛ banɛ nɔ, kɛ he bini bɛl ɛ Bɔnsam nɛn.”

Amanesoma Jɔn Aa Chwera Tɔn 6:70 Referans Kwoze

Amanesoma Jɔn Aa Chwera Tɔn 13:27

Waa tɛr nɔn dɛ lɛ paanoo la, Bɔnsam den ba so o nɛ. Asɛ Yeesu ŋɔ o be ŋɔ, “Ir ka ɛ waa haa dɛ ba ɛɛ la warane.”

Amanesoma Jɔn Aa Chwera Tɔn 13:2

O ne o habɔteŋra aa lɔ tiɡ ta jɔmɔra la, Bɔnsam tɔ sie kpɔ liichɔɡa ba do Seemɔn Eskareɔt bie Judas bini kɛŋɔ ó le Yeesu tɛ.

Amanesoma Jɔn Aa Chwera Tɔn 17:12

N fa aa lɔ ba be la, n kpɔ sɔn haa tɛ mɛ la kpeɡri tɔ ba nɛ, ba bɛlbwa ta n nɔn ta nyoɡrɛ, nemenɛ onɔ la baa chwerɛ o waa he Tɔn bini ŋɔ wɛɛ nyoɡroo la, o ɡbosoroo nyoɡra, ásɛ he Tɔn bini waa la ɛ kpela.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

Amanesoma Jɔn Aa Chwera Tɔn 6:64

Kɛ he bini bane ta yaradae.” Mumpar la bwa dɛ Yeesu te jemɛ ba bini banɔ la baa wola yaradae dɛ kpɔ ba te tɛo, ne naate waa leo tɛ bá kpoo la.

1 Jɔn 3:8

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.

1 Timoti 3:11

Ba haahna chɛ kɛ baa ɛ waa aa dɔ duure, dɛ bɛ nɛra dɛɛ ŋwalɛ. A chɛ kɛ bá won ba te lawa, dɛ́ kpɔ kasinteŋ dɛɛ ɛ wobɛlbwa.

We-ɛɛla 1:17

O fa ja ya nɛ. Ya ne o bwaa fa dɛ ɛ Korowii toma nɔ.”

Amanesoma Jɔn Aa Chwera Tɔn 15:19

Dɛ he fe ɛ ba bini bane aa, ba fe ɛɛ nyin heyaa. Kɛ maa le heyaa le ba bini he ɛ n nɛra la waa ba hah heyaa la.

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Amanesoma Jɔn Aa Chwera Tɔn 13:21

Yeesu aa bol ɡɛ waa nɔ tonɛ la, o bambile chɔɡɔ kohona, o ta wobɛlbwa kpɔe sɔɔh ba kpa, dɛ ŋɔ, “Kasinteŋ, n dɛ ŋɔ he be, he bini bɛlee dɛ́ lee mɛ tɛ.”

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Taetos 2:3

Ŋɔ hanjeni ɡe be báa ɔmɛ Korowii dɛ́ ɡel ba we-ɛɛla do kaih, dɛ bɛ nɛra dɛɛ ŋwalɛ, dɛ bɛ ɡel sen lɛ ba liire. Báa baɡle waa aa wera.

We-ɛɛla 13:10

“Bɔnsam nɛn kohona, he hah wedɛɛɡa bwa kɛrɛdɛ! He lambaara kan ɡa. Bɛ he wechɔɡa la kpɔ tɔ Korowii ŋwɛnɛ.

Amanesoma Jɔn Aa Chwera Tɔn 2:2

Ba yerɛ Yeesu ne o habɔteŋra la bane ɡe hanfale waa la bɔr bela.

Amanesoma Jɔn Aa Chwera Tɔn 6:67

Anee o bɔɔ o habɔteŋra fi dɛ banɛ la ŋɔ, “He ɡe dɛ nyin kaala kɛɛ?”

Amanesoma Jɔn Aa Chwera Tɔn 6:71

Dɛ Seemɔn Eskareɔt bie Judas waa wɛɛ bol la. O habɔteŋra fi dɛ banɛ la bɛlee, kɛ onee dɛ́ ba leo tɛ.

Amanesoma Jɔn Aa Chwera Tɔn 20:24

Dɛ Tɔmas baa dɛ yerɔ Kpar o ɛ Yeesu habɔteŋra la bini bɛl la toole o bala la be ɡɛ saŋ Yeesu aa ba bela la.