Amanesoma Jɔn Aa Chwera Tɔn 6:39 - mzwDBL

³⁹ N Mɛɛ Korowii waa tom mɛ la tetoowaa kɛŋɔ nomɛlbwa waa kpɔa tɛ mɛ la bɛ n nɔn ta le, asɛ tɔpera bwa jaɡa wee la, ń iru seo ta.

Amanesoma Jɔn Aa Chwera Tɔn 6:39 Referans Kwoze

Amanesoma Jɔn Aa Chwera Tɔn 17:12

N fa aa lɔ ba be la, n kpɔ sɔn haa tɛ mɛ la kpeɡri tɔ ba nɛ, ba bɛlbwa ta n nɔn ta nyoɡrɛ, nemenɛ onɔ la baa chwerɛ o waa he Tɔn bini ŋɔ wɛɛ nyoɡroo la, o ɡbosoroo nyoɡra, ásɛ he Tɔn bini waa la ɛ kpela.

Amanesoma Jɔn Aa Chwera Tɔn 6:40

Dɛkalkɛ ɡɛ n Mɛɛ la aa dɛ nyin laanee kɛŋɔ, nomɛlbwa waa na men maa ɛ o Bie la dɛ yarada mɛ dɛ kpɔ o te tɛ mɛ la, wɛɛ dɔ mkpa aa wola jaɡa dɔe, ásɛ n iru seo ta, tɔpera bwa jaɡa wee.”

Amanesoma Jɔn Aa Chwera Tɔn 18:9

Gɛ aa ɛ asɛ waa o fa aa bol o Mɛɛ be la ɛ kasinteŋ kɛŋɔ o fa aa ŋɔa ŋɔ, “N Mɛɛ, nɛra haa tɛ mɛ la bɛlbwa ta n nɔn ta nyoɡrɛ” la, a waa o bol ɡɛ.

Amanesoma Jɔn Aa Chwera Tɔn 6:54

Nomɛlbwa waa di n bo-ol ásɛ dɛ nyɔ n chal ɡe la dɔ mkpa aa wola jaɡa dɔe, ásɛ tɔpera bwa jaɡa wee la, ń iru seo ta.

Amanesoma Jɔn Aa Chwera Tɔn 6:44

Nomɛlbwa aa won ba n be nemenɛ n Mɛɛ la ɡbaɡba waa tom mɛ la tɛro ba n be, ásɛ tɔpera bwa jaɡa wee la, ń iru seo ta.

Amanesoma Jɔn Aa Chwera Tɔn 6:37

Nomɛlbwa n Mɛɛ Korowii aa kpɔ tɛ mɛ la ɛɛ ba n bee dɛ́ ba teŋɛ n nɛ. Maa nomɛlbwa ɡe waa ba n be laanee doŋi ta bwa,

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.

Tɔn Pɔɔl Aa Chwerɛ Rom Tena 8:11

Korowii waa ir Yeesu Kristo seo ta la, dɛ o Domadɛɛɡe lɔ he nɛ aa, ɡɛ Korowii aa iru seo ta la, wɛɛ che o Domadɛɛɡe la taa, dɛ́ tɛ he bwadabii aa dɛ ba pɔeh kerekere nɔ mkpa.

Amanesoma Luk Aa Chwera Tɔn 12:32

Anee Yeesu berɛ ŋɔ, “Anomanta, Korowii toroma, haa kanɛ, kɛ he bɛ dɛɛ ɔmɛ, dɛkalkɛ a dɛ ɛ he Mɛɛ waa lɔ nyundua la silɛɛ kɛ he ja o Kora la ta.

Matiu 18:14

Gɛɛ a do he Mɛɛ waa lɔ nyundua la aa wola nyin kɛŋɔ bechale nɔ bini bɛlbwa nyoɡre.”

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

Amanesoma Jɔn Aa Chwera Tɔn 12:48

Kɛ nɛn waa vɛh n ne n waa maa dɛ bol la ɛɛ di bolchɔɡee. N waa maa dɛ bol nɔɔ dɛ́ pao bolchɔɡe tɔpere bwa jaɡa wee.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Amanesoma Jɔn Aa Chwera Tɔn 5:28

He bɛ ɡel anɔ ɛ heyaa nyokpoa, dɛkalkɛ tɔpere bɛl dɛ́ ba ásɛ nɛra baa serewa la no n taa,

1 Samoɛl 25:29

Hale dɛ nomɛl dɛ nyini dɛ́ kpo kwara naa, Korowii haa dɛ tomɔ la ɛɛ kpɔ nɔnee tɔ he nɛ, kɛŋɔ nomɛl aa dɛ nyiŋi kondɛɛɡe bɛl o waa hiah la ken. Kɛ he dɔma te, wɛɛ viɡ baa kɛŋɔ vamtor bwea ken.

Jeremia 23:4

Mɛɛ berɔɔ le sitɔɔla baa nyiŋi ba nɛ, ásɛ bɛlbwa aa ɔmɛ kɛɛ dɛ́ nyoɡre kpa. Men Korowiirii bola.”

Matiu 10:15

Kasinteŋ, awola Korowii aa ba pa nomɛlbwa bole la, waa Sodom ne Gomoora tena aa naa la ɡba ɛɛ bɔ a ɡɛ bwɛɛ la tena waa.”

Amanesoma Jɔn Aa Chwera Tɔn 17:2

He tɛ mɛ kpeɡri nɛra bwa nɛ, asɛ n won kpɔ mkpa aa wola jaɡa dɔe tɛ nɛra haa kpɔ ba tɛ mɛ la.

Amanesoma Jɔn Aa Chwera Tɔn 17:6

Nɛra haa lee ba le harɛ nɔ ta nɛra bini dɛ kpɔ ba tɛ mɛ la, n ɡelɔ ba jemɛ kɛrɛdɛ. Henee dɔɔ ba dɛ kpɔ ba tɛ mɛ, asɛ ba sɛh dɛɛ teŋɛ he waa la ta.

Amanesoma Jɔn Aa Chwera Tɔn 17:9

N dɛ soŋe dɛɛ tɛɛ ba. Harɛ nɔ ta nɛra bwa laa n soŋe dɛɛ tɛ. Banɔ la haa kpɔ ba tɛ mɛ laanee n soŋe dɛɛ tɛ, dɛkalkɛ henee dɔɔ ba.

Amanesoma Jɔn Aa Chwera Tɔn 17:24

N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.

1 Kɔrent 6:14

Gɛ Korowii aa kpɔ o kpeɡri ir ya Dɔɔ Yeesu Kristo seo ta la, ɡɛɛ wɛɛ ba o kpeɡri la kpɔe dɛ́ ir ya ɡe seo ta.

Jems 5:15

Dɛ ba kpɔ yarada dɛ soŋe Korowii aa, weela te la ɛɛ dɔ bokpeɡaa. Ya Dɔɔ la ɛɛ ɡeloo o bwara do kpeɡri. Dɛ wechɔɡa anee o ɛ kwaraa naa, Korowii ɛɛ kpɔɔ kɛo.