Amanesoma Jɔn Aa Chwera Tɔn 6:30 - mzwDBL

³⁰ Asɛ ba berɛ bɔɔro ja ŋɔ, “Aah bɔkwa nyokpowaa hɛɛ ba ɛɛ ásɛ ya na dɛ yaradae nɔ? Ɛ waane yá na.

Amanesoma Jɔn Aa Chwera Tɔn 6:30 Referans Kwoze

Amanesoma Jɔn Aa Chwera Tɔn 12:37

O ɛ nyokpowaa kohona ba siwi ta, kɛ ane abwa, ba ta on yaradae.

1 Kɔrent 1:22

Juu tena dɛ nyin ya ɛ nyokpowaa baɡ ba, Grik tena ɡe ɛɛ nyin kɛ ya baɡ ba wejema mɔɔ ba yarada.

Amanesoma Jɔn Aa Chwera Tɔn 10:38

Kɛ dɛ n dɛ ɛ o we-ɛɛla aa ɛ nyokpowaa te, dɛ haa men yarada kwaraa naa, hé yarada o nyokpowaa la te, ásɛ dɛ jemɛ kɛ n ne o ɛ beŋkpoŋ bɛlbwa aa wola won daɡre o te o dɔŋ nɛ.”

Amanesoma Jɔn Aa Chwera Tɔn 6:36

N ŋɔ he be ŋɔ he na mɛ, kɛ he ta men yaradae dɛ kpɔ he te tɛ mɛ mɔɔ.

Amanesoma Jɔn Aa Chwera Tɔn 2:18

Belaa Juu tena nomonome la ŋɔ o be ŋɔ, “Bɔkwa nyokpowaa hɛɛ ba wona ɛ dɛ́ chaɡle kɛŋɔ he dɔ ŋwɛnɛ dɛ́ won ɛ a ɡɛ waa nɔɔ?”

Hibru 2:4

Korowii ɡbaɡba cheɡɛ nyokpowaa ne wekpeɡa ɛɛ ta, ne o Domadɛɛɡe waa kpɔa bɔne nɛra ɡɛ waa dɛ nyin la ta dɛ di a danseɛ.

We-ɛɛla 4:30

Tɛɛ ba kpeɡri bá won dɛɛ chah weela, dɛ́ ɡel ba che he ɡbaɡba bonɔndɛɛɡe Yeesu nɛɛ dɛ́ ɛ wekpeɡa ne nyokpowa.”

Amanesoma Mak Aa Chwera Tɔn 15:32

He nɛn haa ŋɔa henee Israel tena kooro Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la, le daɡaɡre la doa tu harɛ yá na dɛ́ won yaradae.” Asɛ ŋwɛɛra baa kpaa ba pɛl daɡaɡra ta ja o nɛɛ la ɡee chɛɡro.

Amanesoma Mak Aa Chwera Tɔn 8:11

Belaa Farisii tena bane ba Yeesu be dɛ ba tɔŋlo dɛ daahno na dɛɛ nyin o ɛ nyokpowaane bá na dɛ́ jemɛ o waa kɛŋɔ o le Korowii be kpela.

Aesaya 5:19

Hé bwɛɛlɛ he banɔ la haa dɛ bol ŋɔ, “Korowii, ɛ warane dɛ́ ɛ he toma ya na. Israel Nɛŋɡoroŋ, baɡle he ŋwɛnɛre ya jemɛ.”

1 Koranar 13:5

Saraha kon la ɡe pero tɔɔ aa dawɛ o ta la fuɡe ɡɛ Korowii aa cheɡɛ o keame la nɛɛ dɛ bol la.

1 Koranar 13:3

Awola tenten, keame la baɡle waane aa dɛ ba ɛɛ dɛ ŋɔ, “Kon baa dɛ ɛ saraha o ta nɔ bini ɛɛ peroo anɛ, ásɛ tɔɔ aa dawɛ o ta la fuɡe he jemɛ kɛŋɔ Korowiirii cheɡɛ n nɛɛ dɛɛ bol.”

Kaala 4:8

Korowii bol o be ŋɔ, “Dɛ ba ta hen yaradae nyokpowe-ɛɛla aa tɔ sie la ta tenaa, ba ken ɛɛ yarada anɔ aa teŋa nɛɛ nɔ ta tenee.

Amanesoma Jɔn Aa Chwera Tɔn 4:8

Dɛ Yeesu habɔteŋra la kaa bwɛɛ la ta dɛ́ ka nyin kondikwaa ba.

Kaala 7:9

“Dɛ Ijipt kooro dɛ nyin kɛ he ɛ nyokpo waane o na naa, he ŋɔ Arɔn be ŋɔ ó kpɔ o daŋɡbala ta kooro sie. Wɛɛ berɛ harɛkonee.”

Amanesoma Jɔn Aa Chwera Tɔn 6:2

Belaa nɛnlaa tenten teŋɛ o nɛ, dɛkalkɛ ba nao kɛ waa ɛ nyokpowaa weela tena chaeh ta ka.

Amanesoma Jɔn Aa Chwera Tɔn 6:14

Nɛnlaa la aa na a ɡɛ nyokpowaa nɔ Yeesu aa ɛa la, ba ŋɔ dɔŋa be ŋɔ, “Kpelaa! Onɔɔ Korowii keame baa ŋɔa ŋɔ wɛɛ bao la.”