Amanesoma Jɔn Aa Chwera Tɔn 6:20 - mzwDBL

²⁰ Belaa waa na ɡɛ la, o ŋɔ ba be ŋɔ, “Menee! He bɛ ɔmɛ!”

Amanesoma Jɔn Aa Chwera Tɔn 6:20 Referans Kwoze

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Amanesoma Mak Aa Chwera Tɔn 6:50

Ba bwa sekwara aa nao la, ba jum jaoh. Asɛ Yeesu bol waa ba be warane ŋɔ, “Hé lawɛ bambile. Menee! He bɛ ɔmɛ.”

Amanesoma Mak Aa Chwera Tɔn 16:6

O ŋɔ ba be ŋɔ, “He bɛ ɡel he bwara yɔr,” dɛ bɔɔ ba ŋɔ, “Yeesu waa le Nasarɛt baa kpaaro pɛl daɡaɡre ta la lalee hɛɛ nyin nɔ naa? O toole bonɔ kpa. Waa sewa la, o iro. Hé na bela baa huɡo la.

Yela 35:3

Kpɔ he lampea ne kpanfɛ, dɛ́ yo nɛra baa dɛ ti mɛ la. Baɡɛ nyoa kɛŋɔ, hɛɛ lɛɛ mɛɛ.

Amanesoma Jɔn Aa Chwera Tɔn 6:19

O habɔteŋra la aa tawa dɛ kaa dɛ ɛ kwansini atoro kɛɛ anaarɛ la, ba nao kɛŋɔ Yeesu aa valɛ nee la sie dɛɛ ba ba be, asɛ ɔmee laɡ ba taeh.

Amanesoma Jɔn Aa Chwera Tɔn 6:21

Baa naa kɛ Yeesuu la, ba sie lɛo, asɛ ba ɡel o ba jo ɡbera la bini. A ta biɡre bɛlbwa ba tel bela baa dɛ kaa.