Amanesoma Jɔn Aa Chwera Tɔn 5:43 - mzwDBL

⁴³ N Mɛɛ Korowii sɔn nee n ba he vɛɛh mɛ, kɛ dɛ nomɛlee fe bala o ɡbaɡba sɔn ta naa, he fe ɛɛ no o bee.

Amanesoma Jɔn Aa Chwera Tɔn 5:43 Referans Kwoze

Amanesoma Jɔn Aa Chwera Tɔn 10:25

Anee o chaŋe ŋɔ, “N ŋɔ he be wubwa, kɛ haa men yarada. N we-ɛɛla bwa maa ɛa la, n Mɛɛ la kpeɡri nee mɛɛ ɛa asɛ aa di mɛ danseɛ.

Matiu 24:5

Nɛra ɛɛ warɔɔ taeh dɛ́ ba neɡre heya, dɛ́ kpɔ n sɔn dɛɛ bol wa, hale dɛ́ ŋɔ banee Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la, dɛ́ neɡre nɛra kɛrɛdɛ bwa.

Amanesoma Jɔn Aa Chwera Tɔn 6:38

dɛkalkɛŋɔ n ɡbaɡba tetoowa waa laa n le nyundua ba. Naate waa tom mɛ la tetoowa waa n ba.

Amanesoma Jɔn Aa Chwera Tɔn 12:28

Asɛ o ŋɔ, “N Mɛɛ, ɡel he sɔn dɔ jirima!” Belaa ba no taa bɛl le nyundua kɛŋɔ, “N ɡelɔ n sɔn dɔ jirima, kɛ mɛɛ berɔɔ ɡel o dɔ ja.”

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

We-ɛɛla 21:38

Jamɔ Ijipt te la waa bala baah bɛl ta, dɛ ba wetɔŋla ne, dɛ yo Abane nomonome asɛ dɛ jo nɛŋkpoora kaɡboŋa banaarɛ baa kpoŋe dɔmkwaa la ne kpɔɡ bini laanee hen kɛɛ?”

Ɛsekeɛl 23:21

Oholiba, ɡɛɛ a do he lii he toli saŋ haa lɔ Ijipt harɛ ta dɛɛ pɛlɛ baala nɛ. Baala jaɡre he ela a bwa sɔɔh.

Amanesoma Jɔn Aa Chwera Tɔn 5:42

He te, n jemɛ heyaa dɛ jemɛ kɛŋɔ he bambile ta Korowii waa lawɛ.