Amanesoma Jɔn Aa Chwera Tɔn 4:5 - mzwDBL

⁵ O baa le Samaria bwɛɛ bɛl baa dɛ yerɔ Seka la ta. Dɛ a ɡɛ bwɛɛ la ne harɛ la Jekɔb aa kpɔa tɛ o bie Josef la aa jaŋɛ.

Amanesoma Jɔn Aa Chwera Tɔn 4:5 Referans Kwoze

Josua 24:32

Gɛ saŋ baa le Ijipt harɛ ta dɛɛ ba la, ba kpɔ Josef hoɡa kaa dɛ ka huɡe Sɛkem. Harɛ Jekɔb aa yawa le Sɛkem bibaa Hamɔ bibaala be suuɡapoŋa lafa la ta. Harɛ la baa ɛ Josef naanar kapɛrɛ kon.

Mumpar 33:19

O yawɛ harɛ waa baŋre o tɛnte dea o ta la suuɡapoŋa lafa le Sɛkem mɛɛ Hamɔ bii be.

Mumpar 48:22

N kpɔ Sɛkem harɛ waa wera la dɛɛ tɛɛ, he dɔɔranar laa n kpɔ dɛɛ tɛ. N dɔmkwaa nee n yo dɛ lɛ le Amɔre tena be.”

Amanesoma Jɔn Aa Chwera Tɔn 4:12

He dɛ lii kɛ he ɡwaa ya naa Jekɔb waa tɛ yaa a ɡɛ bule nɔ la kɛɛ? O ne o bii ne o kondɛɛra bwaa fa dɛ nyɔ nee bule nɔ ta.”

1 Koranar 13:32

Korowii waa waa bola saraha kon baa kpo kwaa o ta dɛɛ fuah Bɛtel bonɔ, ne voɡare aa lɔ deŋɡarere ta Samaria bwɛɛre ta bwa waa la ɛɛ chiɡuu kpela.”

Amanesoma Luk Aa Chwera Tɔn 9:52

O tomɛ nɛra bane ŋɔ bá tɔ o sie dɛ́ la Samaria harɛ bwɛɛ bɛl ta dɛ́ ka nyin bɔr tɛo ó choɡ.

Amanesoma Jɔn Aa Chwera Tɔn 4:6

Dɛ Jekɔb kɔlɔŋ bɛl lɔ bela. Yeesu aa vala dɛ koh la, o kaa so kɔlɔŋ la nyoa. Dɛ wee cheɡɛ nyufala.

Amanesoma Jɔn Aa Chwera Tɔn 4:8

Dɛ Yeesu habɔteŋra la kaa bwɛɛ la ta dɛ́ ka nyin kondikwaa ba.

Amanesoma Jɔn Aa Chwera Tɔn 4:39

Samaria tena baa lɔ bwɛɛ la ta kɛrɛdɛ yarada Yeesu, dɛkalkɛŋɔ haah la ŋɔ ba be ŋɔ, “O bol waa maa dɛ ɛ bwa n be.”