Amanesoma Jɔn Aa Chwera Tɔn 4:32 - mzwDBL

³² Belaa Yeesu ŋɔ, “N dɔ kondikwaa ane haa wola a waa jemɛ.”

Amanesoma Jɔn Aa Chwera Tɔn 4:32 Referans Kwoze

Job Tɔn 23:12

N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Yela 119:103

He waa la som n be kohona, a som dɛ ɡwaa tooh kwara.

Jeremia 15:16

Korowii Waa Ɛ Kpeɡri Bwa Dɔɔ, haa bol waa n be la, n cheɡ deŋne dɛ́ noa. A ɛɛ mɛ silɛɛ n bambile lawa, dɛkalkɛ henee dɔɔ mɛ.

Sɛɡla 18:20

He bol wedɛɛɡaa, he dɛ vaɡɛ kɛŋɔ haa di kondikondɛɛɡa ken, wobol aa wera ɡelɔ he baah ɛɛ sɔɔhne.

Sɛɡla 14:10

Nomɛlbwa toole dɛ jemɛ waa aa dɛ ha o dɔŋ, kɛɛ ɡɛ o silɛɛ aa doa.

Yela 63:5

N sie ɛɛ lɛo kɛ maa di silɛɛ kondikonjena dɛ vaɡɛ ken, dɛ́ ɡo silɛɛ yela kpɛɛ he sɔn.

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Amanesoma Jɔn Aa Chwera Tɔn 4:31

Haah la aa kaa bwɛɛ la ta la, Yeesu habɔteŋra la soŋo jande jande ŋɔ, “Nomoa, lɛ kondikwaa di!”

Amanesoma Jɔn Aa Chwera Tɔn 4:33

Anee o habɔteŋra la ɛɛ pɛɛ dɔŋa ŋɔ, “Nomɛl baa tɛo kondikwaa o di ɡbaɔ?”