Amanesoma Jɔn Aa Chwera Tɔn 4:20 - mzwDBL

²⁰ Bwe nɔ taa ya Samaria tena naawa faa tomɛ Korowii saŋ la. Aah ɛrɛ waa he Juu tena ŋɔ Jerusalamee chɛ Korowii toma nɔɔ?”

Amanesoma Jɔn Aa Chwera Tɔn 4:20 Referans Kwoze

Mmarare 27:12

“Dɛ he baa ɛɡɛ Jɔɔdan Moo la le tonaa, Simeon ne Lewi ne Juda, ne Isaaka ne Josef dɛ Bɛnjamen deene tena che Geresim Bwejen ta, dɛ́ soŋe andɛɛɡa tɛ nɛra la bwa.

Mmarare 11:29

Dɛ Korowii baa tel he ne harɛ haa dɛ́ la ka kpɔ so la ta naa, hé bol wedɛɛɡa waa Geresim Bwejen ta, dɛ́ berɛ bol nyotaahna waa Ebal Bwejen la ɡe ta.

2 Webena 7:12

Korowii ba o be deera ta jwaana dɛ ba ŋɔ o be ŋɔ, “N no he wesoŋa la, n sɛoh kɛŋɔ Dea nɔ binii bá kpo kwaa ɛ sarahare dɛɛ tɛ mɛ.

Amanesoma Luk Aa Chwera Tɔn 9:53

O sie aa chaɡɛ Jerusalam la nomanta, bela tena ta on lɛɛ.

Yela 132:13

Korowii le Saayɔn cheɡ, dɛ kpɔ bela ɛ o soŋnibɔr.

Yela 78:68

Kɛ Juda dea nɛraa o le, ne Saayɔn Bwejen waa dɛ nyin bela kohona la.

2 Webena 7:16

dɛkalkɛ n le Dea nɔ cheɡ dɛ ɡel o do ɡoroŋ, ásɛ baa tom mɛ o bini saŋ bɛlbwa dɛɛ la. Mɛɛ dɛɛ daahno n sie do o ta.

2 Webena 6:6

Kɛ taraken te, n ŋɔ baa tom mɛ Jerusalam, ásɛ hen Kooro Devid ɡe ɛ ba nomoa dɛɛ nyiŋi ba nɛ.’ ”

1 Webena 22:1

Belaa Kooro Devid ŋɔ, “Korowii Dea la ne kon Israel tena aa dɛɛ fuh saraha kwaa o ta la chɛ kɛŋɔ ó che bonɔ.”

1 Webena 21:26

Kooro Devid ma kon waa ɛ saraha o ta tɛ Korowii bela, dɛ kpoo kwaa ɛ sarahare baa fuah ne deŋnesɔɔhna sarahare tɛo. O soŋe Korowii asɛ o ɡel nii le nyundua, dɛ ba fuh saraha kwaa la bwa.

1 Koranar 9:3

Korowii ŋɔ o be ŋɔ, “N no he wesoŋa ne waa haa kpɔa bil n sie la. N le Dea haa doa tɛ mɛ cheɡ dɛ ɡel o do ɡoroŋ tɛ mɛ ŋɔ baa tom mɛ o ta saŋ bɛlbwa dɛɛ la. Mɛɛ ɡeloo n sie ne n bambile do bela mɛɛ daahno saŋ bɛlbwa.

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

Amanesoma Jɔn Aa Chwera Tɔn 4:12

He dɛ lii kɛ he ɡwaa ya naa Jekɔb waa tɛ yaa a ɡɛ bule nɔ la kɛɛ? O ne o bii ne o kondɛɛra bwaa fa dɛ nyɔ nee bule nɔ ta.”