Amanesoma Jɔn Aa Chwera Tɔn 3:6 - mzwDBL

⁶ Nɛwɛnyini lola lole, asɛ Korowii Domadɛɛɡe ɡe lola do le. Nɛwɛnyini lola ɛ bwadabii wa, asɛ Korowii Domadɛɛɡe lola ɡe ɛ lileo wa.

Amanesoma Jɔn Aa Chwera Tɔn 3:6 Referans Kwoze

2 Kɔrent 5:17

Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

1 Jɔn 3:9

Nomɛlbwa waa ɛ Korowii bie la aa teŋɛ dɛɛ ɛ wechɔɡa kpa, dɛkalkɛ o ɛ Korowii dwee. Anomanta, waa won teŋɛ dɛɛ ɛ wechɔɡa kpa, dɛkalkɛ o mɛɛɛ Korowii.

1 Kɔrent 6:17

Nomɛlbwa waa kpɔ o te pɛl ya Dɔɔ la ɡe, o ne o bwa dɔ Doma beŋkpoŋ.

Tɔn Pɔɔl Aa Chwerɛ Rom Tena 7:18

N jemɔ kɛŋɔ liidɛɛɡa bɛlbwa toole n bini. N nɛwɛnyini mar nɔ wechɔɡa aa suu nɔɔ n ŋɔ nɔ. Maa dɛ ŋɔ nɔ, n dɛ nyin wedɛɛɡa ɛɛ, kɛ maa won an ɛ.

Mumpar 6:12

Korowii aa nyiŋi nɛra la, o nao kɛ ba bwa ɛ wechɔɡa, dɛkalkɛ bɛlbwa dɛ ɛ ɡɛ waa dɛ nyin dɛ nyoɡre Korowii ŋwɛnɛ.

Yela 51:10

N Naa Korowii, ɡel n bambile bini to, dɛ́ tɛ mɛ dadɛɛɡe.

Job Tɔn 25:4

Ɛrɛɛ nɛn ɛɛ ba wona ŋɔ o waa toɡrɔ Korowii be nɔ? Ɛrɛɛ nɛwɛnyini ɛɛ ba wona ŋɔ doŋa toole o nɛɔ?

Job Tɔn 14:4

Nɛn waa kah doŋa la ɛɛ won lolɛ nɛn waa wola doŋa kaeh yaa? Nɛn toole!

Tɔn Pɔɔl Aa Chwerɛ Rom Tena 8:13

dɛkalkɛŋɔ dɛ nɛn teŋɛ nɛwɛnyini mar wechɔɡa aa suu nɔ pɛla waa ta naa, waa mkpa dɔe ba. Kɛ dɛ nɛn cheɡɛ Korowii Domadɛɛɡe la nɛɛ dɛ vɛh o bwadabii pɛla wobɛlbwa naa, wɛɛ dɔ mkpaa.

Ɛfesos 2:3

Gɛɛ ya bwa faa ɛ, dɛɛ ɛ waa ya nɛwɛnyini mar wechɔɡa aa suu nɔ aa dɛ nyin, asɛ dɛɛ teŋɛ ya bwadabii pɛla ne ya liichɔɡa ta. Ya ne nɛra baa dɔ harɛ nɔ ta liire bwa nɛɛ Korowii baah faa di.

Kolosi 2:11

He ne Yeesu Kristo aa pɛa la, o teŋe he dobene la ta. O ɡe penteŋaa la. He te teŋa nɔ ta ɡɛ nɛwɛnyini aa dɛ teŋe la ɛɛ.

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Amanesoma Jɔn Aa Chwera Tɔn 1:13

Ŋwɛnɛ nɛwɛnyini aa cheɡɛ o ta dɛɛ lolɛ bii la, kɛɛ nɛwɛnyini pɛla, kɛɛ nɛwɛnyini tetoora ta laa ba lol ba ba ɛ Korowii bii. Korowii kpeɡri taa a che ba berɛ o bii.

Tɔn Pɔɔl Aa Chwerɛ Rom Tena 7:5

Saŋ la yaa lɔ wechɔɡa ya nɛwɛnyini mar nɔ wechɔɡa aa suu nɔ aa dɛ nyin la ta dɛɛ ɛ la, dɛ Mmara la dɛ ir ya bambile wechɔɡa ɛɛ ta, asɛ wobɛlbwa yaa dɛ ɛ la, aa kaa ya ne seo ta.

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

Mumpar 5:3

Adam aa di bene lafa fifraatoro la, o lolɛ bibaa o le o ɡbaɡba, asɛ dɛ pa o sɔn Sɛt.

Tɔn Pɔɔl Aa Chwerɛ Rom Tena 7:25

Korowii jam. Ya Dɔɔ Yeesu Kristo alaworomɛ, Korowiirii dɛ́ lɛɛ mɛ. Anomanta, n bambile bini te, Korowii Mmara taa mɛɛ teŋɛ. Kɛ n nɛwɛnyini mar wechɔɡa aa suu nɔ be pera te, wechɔɡa taa mɛɛ teŋɛ.

Amanesoma Jɔn Aa Chwera Tɔn 3:7

He bɛ ɡel waa maa bola ŋɔ a chɛ kɛ ba berɛ lolɛ heyaa la kpo he nyoa.