Biblia Todo Logo
Bib sou entènèt

- Piblisite -




Amanesoma Jɔn Aa Chwera Tɔn 3:36 - mzwDBL

36 Nomɛlbwa waa yarada Korowii Bie la waa la, wɛɛ dɔ mkpa aa wola jaɡa dɔe bwaa. Nomɛlbwa waa wola Korowii Bie la waa yaradae la, waa mkpa dɔe ba. Korowii bandia ɛɛ do o nɛɛ saŋ bɛlbwaa.”

Gade chapit la Kopi




Amanesoma Jɔn Aa Chwera Tɔn 3:36
38 Referans Kwoze  

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.


Kɛ nɛra la te bwa baa lɛo dɛ yaradao la, o tɛɛ ba kpeɡri kɛŋɔ bá ɛ Korowii bii.


Korowii ta yaa tae ŋɔ yá ba di bolchɔɡe o sie. O ta yaa ŋɔ yá che ya Dɔɔ Yeesu Kristo nɛɛ dɛ́ dɔ ya nyu.


He bɛ ɡel nomɛlbwa kpɔ wepuu neɡre heya. A ɡɛ waa nɔ bwa waa Korowii baah di deŋnekpeɡ tena nɛɛ wɛɛ ba ba deŋne tɛra la.


Yeesu Kristo seo taa a che asɛ Korowii ɡel ya ɛ nɛndɛɛɡa ya waa su o siwi. Aah dɛ Korowii bwaawee baa ir nɛra nɛ aa, a te taa Yeesu Kristo aa wola won lɛ yaa aa?


Kasinteŋ, n dɛ ŋɔ he be, nomɛlbwa waa no n waa nɔ dɛ teŋɛ a ta la aa sewɛ bwa.”


asɛ mɛɛ tɛa mkpa aa wola jaɡa dɔe bwa. Aa sewɛ bwa ɡe. Nomɛlbwa ɡe aa won toa le n nɔn ta.


Belaa Yeesu chaŋo ŋɔ, “Kasinteŋ, n dɛ ŋɔ he be, nomɛlbwa waa dɛ nyin Korowii Kora la ta dɛ́ ja la, nemenɛ bá berɛ lolɔ ja.”


Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”


dɛ so kpa o Bie Yeesu waa dɛ ba nyundua lee dɛ ba la. Onee o chum seo ta la. Onee lɛ yaa le Korowii bandia waa dɛ ba bala la ta.


‘Baala baa le Ijipt harɛ ta ba, dɛ dɔ bene fifraanɛ ne a habɔɔ la aa harɛ maa ŋwɛɛra, dɛ baɡɛ nyoa ŋɔ n kpɔɔ tɛ Abraham ne Aesek dɛ Jekɔb naanar laanee na, ba ta n nɛɛ teŋɛ bambile bwa ne.


Nɛra baa kpɔ sie dawɛ Mosis Mmara ɡbo ta kɛŋɔ a taa ba che Kórowii lɛɛ ba la, bá bwɛɛlɛ, dɛkalkɛŋɔ a lɔ Korowii Tɔn bini kɛŋɔ, “Nomɛlbwa waa koni Mosis Mmara la bɛlbwa saŋ bɛlbwa wee la, ó bwɛɛlɛ.”


Taraken nɔ nɛra ba ne Yeesu Kristo aa pɛa la te aa bolchɔɡe dii ba ba tɛr ba deŋne.


Nɛwɛnyina bwa ɛɛ nao ɡɛ lɛɛ Korowii aa dɛ ba yaa lɛɛ la aa doa.”


wɛɛ sewɔɔ ka pu o naawa, waa wola bɔr chaahnaa na kpa.


He nɛɛ ya che dɛɛ dɔ mkpa, he nii laanee ɡela bɔr chaah yaa na.


Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?


A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.


Wepila laanee nɔ, Babelɔn tena baa ɛ nyubinikpeɡ tena aa ba nyuu dɔ, kɛ naate o waa aa toɡra dɛɛ su Korowii siwi la, wɛɛ yaradao dɛ́ dɔ o nyu.


Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.


O lɛɛ mɛ le seo nyoa, n ta so le dɛɛ na som nɔ.’


Mmara laanee dɛɛ ba Korowii bandia ne nɛra nɛ. On lole nɛra ɡee konu waa Korowii baah ɛɛ di nɛra nɛ. Dɛ Mmara fe toole naa, nɛra fe aa on koni.


Banɔ te ɛɛ kaa weweele aa wola jaɡa dɔe bwa la taa, ásɛ wedɛɡ-ɛɛra la te dɔ Korowii mkpa aa wola jaɡa dɔe bwa la.”


Nomɛlbwa waa yarada ásɛ ba sɔɔ nee la, Korowii ɛɛ kpɔ o wechɔɡaa kɛo. Kɛ naate waa wola yaradae la, wɛɛ di bolchɔɡee.


Nɛn waa komɛ kwaa dɛɛ tɛ Korowii la dɛ dɔ o kembɔr. Nɛwɛnyinaa naate ɛɛ komɛ, dɛɛ lɛɛ ba ásɛ ba dɔ Korowii mkpa aa wola jaɡa dɔe bwa la, ásɛ naate ne nɛn waa dua la bwa sie lɛ.


Kondikwaa aa le nyundua ba dɛɛ tɛ mkpa laanee nɔ, o ta do kɛŋɔ he naawa kondikwaa baa dɛ yera maana baa dia mkpa aa wola toole a ta ba serewe la. Nomɛlbwa waa di kondikwaa nɔ la ɛɛ dɔ mkpa aa wola jaɡa dɔe.”


Kɛ bela Juu tena baa wola Yeesu waa yarada la te chɔɡ Pɔɔl ne Banabas sɔn, dɛ ir nɛra baa wola Juu tena ɛɛ la bwaawee, asɛ ba baah di nɛra baa yarada Yeesu waa la nɛ.


Korowii aa ŋwɛɛra ŋɔ baa ona waa tɛɛ ba ŋɔ bá ba onɛ la dɔe ba la, dɛ lepetena bee o ŋɔ ɡɛ nɔɔ? Nɛra baa ɛ deŋnekpeɡ la bee o ŋɔ ɡɛ.


He ta nae kɛŋɔ ba yarada bɛ dɔe waa Korowii aa wola ban ŋwɛnɛ tɛɛ ba dɔ ona waa dɔa tɛɛ ba la aa?


Swiv nou:

Piblisite


Piblisite