Amanesoma Jɔn Aa Chwera Tɔn 3:35 - mzwDBL

³⁵ Korowii nyin o Bie la taeh, dɛ kpɔ wobɛlbwa kpeɡri do o nɔn ta.

Amanesoma Jɔn Aa Chwera Tɔn 3:35 Referans Kwoze

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Amanesoma Jɔn Aa Chwera Tɔn 5:22

Korowii ɡbaɡba aa nomɛlbwa waa bol dɛ́ pa bole. O tɛ o Bie la ŋwɛnɛ ŋɔ ó bol nomɛlbwa waa dɛ́ pa bole.

Amanesoma Jɔn Aa Chwera Tɔn 5:20

Dɛkalkɛ Korowii dɛ nyin o bie asɛ dɛɛ baɡlo o we-ɛɛla dɔŋa wɛɛ ɛ. Anomanta, wɛɛ baɡloo wɛɛ ɛ wejena aa ɡwaa anɔ kwara ásɛ a ɛ heyaa nyokpoa.

Amanesoma Luk Aa Chwera Tɔn 10:22

Yeesu berɔ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ nemenɛ n ne nɛra maa dɛ nyin kɛ ń ɡel ba jemɔ la.”

Amanesoma Jɔn Aa Chwera Tɔn 17:2

He tɛ mɛ kpeɡri nɛra bwa nɛ, asɛ n won kpɔ mkpa aa wola jaɡa dɔe tɛ nɛra haa kpɔ ba tɛ mɛ la.

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Ɛfesos 1:22

Korowii kpɔ komɛlbwa ne nomɛlbwa bil Yeesu Kristo sie o tire ba nɛ, dɛ berɛ ɡel o ɛ asɔre tena bwa nyu,

Amanesoma Jɔn Aa Chwera Tɔn 13:3

Dɛ Yeesu te jemɔ kɛŋɔ wobɛlbwa kpeɡrii o Mɛɛ Korowii kpɔ tɛo, asɛ dɛ berɛ jemɛ kɛŋɔ ɡɛ waa le o be ba la, ɡɛɛ o berɛ dɛɛ ba o be kaala.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

1 Kɔrent 15:27

Ba chwerɛ Korowii Tɔn bini ŋɔ, “Korowii ɡelɔ o dɔ komɛlbwa kpeɡri.” Dɛ ba ŋɔ, “O ɡelɔ o dɔ komɛlbwa kpeɡri” aa, a ta baɡlɛ kɛŋɔ o dɔ o Korowii waa dɔ kpeɡri la dɛ kpɔ tɛo o di la ɡe kpeɡri.

Yela 2:8

Soŋ mɛ, mɛɛ kpɔ harɛre bwaa tɛɛ.

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.

Amanesoma Jɔn Aa Chwera Tɔn 17:26

N ɡelɔ ba jemɛ, mɛɛ ɡeloo baa jemɛ, ásɛ ba won dɛɛ nyin dɔŋa ɡɛ haa dɛ nyin mɛ la, ásɛ n ne ba won pɛ.”

Amanesoma Jɔn Aa Chwera Tɔn 17:23

N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.

Amanesoma Jɔn Aa Chwera Tɔn 15:9

Gɛ n Mɛɛ la aa dɛ nyin mɛ laanee n ɡee nyin heya. Anomanta, he bɛ he te laa kpɔ n nyina maa dɛ nyin heyaa la ta bwa.

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Sɛɡla 8:30

Dɛ n lɔ Korowii jwɛɛh ya bwa pɛ dɛɛ ɛ toma, dɛ n dɛ ɛ waa o bambile aa dɛ nyin tɔpere bɛlbwa, n sie ɛɛ lɛ o be saŋ bɛlbwa.

Mumpar 41:55

Lɔr aa baa pa mun Ijipt harɛ ta bwa ɡe la, bela tena wio no kooro la ŋɔ ó tɛɛ ba kondikwa. Asɛ o ŋɔ bá la Josef be, ásɛ ɡɛ bwa waa ŋɔ la, bá ɛ.

Mumpar 41:44

Asɛ kooro la ŋɔ o be ŋɔ, “Menee kooro te, kɛ nomɛlbwa ta ŋwɛnɛ dɔe kɛ o ɛ wobɛlbwa dɛ le he habɔɔ.”

Daneɛl 7:14

Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.