Amanesoma Jɔn Aa Chwera Tɔn 3:23 - mzwDBL

²³ Dɛ Jɔn ɡe dɛ sɔ nɛra Korowii nee bwɛɛ bɛl baa dɛ yerɔ Aenɔn o ne Salim aa wola jaŋɛ la ta. Dɛ nee lɔ Aenɔn taeh, asɛ nɛra ɛɛ ba Jɔn be wɛɛ sɔ ba Korowii ne.

Amanesoma Jɔn Aa Chwera Tɔn 3:23 Referans Kwoze

Amanesoma Luk Aa Chwera Tɔn 3:7

Belaa Jɔn ŋɔ nɛnlaa baa lea ba o be ŋɔ ó sɔ ba nee la be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa! Umee ŋɔ he be ŋɔ hɛɛ wonoo chwa le Korowii bandia ta nɔ?

Ɛsekeɛl 43:2

asɛ n na Korowii Israel tena aa dɛ tomɔ la jirima o le wee leebɔr dɛɛ ba. O taa do kɛŋɔ chuubu sii ken, asɛ o jirima chaah kohona harɛ la ta bwa.

Ɛsekeɛl 19:10

He nya fa do kɛŋɔ ɡrepo daa dɛ che nee nyoa. Nee aa lɔ bela kohona nomanta, o dɔ papooni kɛrɛdɛ dɛ won nɔna ɡe.

Jeremia 51:13

Babelɔn tena, he nɛra haa soɡe neerare aa wara nyoo dɛ dɔ kondɔɔh kohona, he serewa telo.

1 Samoɛl 9:4

Baa lea la, ba kpɔ Efrem deŋɡarere harɛ ta, dɛ ka le Salisa harɛ ta, kɛ ba ta an nae. Ba ɡaaɡɔ ka le Saalim harɛ ta ɡe, ba ta an nae, dɛ berɛ le bela ka kpɔ Bɛnjamen dea harɛ ta, kɛ ba ta keeɡo beŋkpoŋ kwaraa nae.

Mumpar 33:18

Waa le Mɛsopoteemea la, o kaa bwɛjen Sɛkem waa lɔ Keenan harɛ ta, dɛ ka baŋre o tɛnte dea bɛne bwɛjen la.

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.

Wepila 14:2

Asɛ n no ɡbɔɡa nyundua kɛŋɔ chuubu aa dɛ si ken, a berɛ do kɛŋɔ bwaala aa kɔra kohona la. Dɛ o dɛ si kɛŋɔ baa dɛ lɔ janjela la.

Wepila 1:15

O nakpale ɡe swɛɛrɔ kɛŋɔ baa kpɔ ayaawa do nii ta wɛɛ nyɛɡle la. Asɛ o taa ɡe do kɛŋɔ chuubu aa dɛ si la.

Amanesoma Jɔn Aa Chwera Tɔn 3:22

A habɔɔ la, Yeesu ne o habɔteŋra la la Juda harɛ ta, asɛ o ka di tɔpera anɛ ba be dɛɛ sɔ nɛra Korowii nee bela.

Amanesoma Jɔn Aa Chwera Tɔn 3:24

A ɡɛ saŋ la dɛ ba ta Jɔn lawɛ do dea mɔɔ.