Amanesoma Jɔn Aa Chwera Tɔn 3:12 - mzwDBL

¹² Aah dɛ maa dɛ bol waa aa lɔ harɛ ta bonɔɔ haa wola men yarada nɔ, dɛ n bol waa aa lɔ Korowii doa aa, ɛrɛɛ hɛɛ ba ɛɛ dɛ won yarada a te nɔ?

Amanesoma Jɔn Aa Chwera Tɔn 3:12 Referans Kwoze

Hibru 5:11

Waa yaa dɔa dɛ bol he be dɛ le ɡɛ waa nɔ ta la warɔ, kɛ a bini baɡla kpeɡri, dɛkalkɛŋɔ haa waa mun no.

Amanesoma Jɔn Aa Chwera Tɔn 3:8

Bela peu aa dɛ nyin laanee o ta dɛɛ kaa. O dɛ ta aa, he dɛ no o ɡbɔɡa kɛ haa on na, haa won jemɛ bela waa lea ne bela waa dɛ kaa. Gɛɛ nomɛlbwa Korowii Domadɛɛɡe aa lolɔ la do. Dɛ o we-ɛɛla laa aa, komɛlbwa toole dɛɛ baɡle kɛ Korowii Domadɛɛɡe lolɔ.”

Amanesoma Jɔn Aa Chwera Tɔn 3:5

Asɛ Yeesu ŋɔ, “Kasinteŋ, n dɛ ŋɔ he be, dɛ ba ta nomɛlbwa lolɛ nee ne Korowii Domadɛɛɡe ne naa, waa Korowii Kora ta jae ba.

1 Jɔn 4:10

Anɔɔ dɛɛ baɡle ɡɛ nyina tenten aa doa. Ya te nyina yaa dɛ nyin Korowii la aa bobɛlbwa tel, kɛ o ɡe ɡarɔ dɛɛ nyin yaa. Hé na ɡɛ Korowii aa ɡela o Bibeŋkpoŋ la koh ya wechɔɡa waa dɛ ba harɛ nɔ ta, dɛ sewɛ dɛ kwaa ya ne Korowii baah.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Amanesoma Jɔn Aa Chwera Tɔn 3:3

Belaa Yeesu chaŋo ŋɔ, “Kasinteŋ, n dɛ ŋɔ he be, nomɛlbwa waa dɛ nyin Korowii Kora la ta dɛ́ ja la, nemenɛ bá berɛ lolɔ ja.”

Amanesoma Jɔn Aa Chwera Tɔn 3:11

Kasinteŋ, n dɛ ŋɔ he be, waa yaa jema la, ne waa ya sie aa naa la, anee yaa bol, kɛ haa ya be no.