Amanesoma Jɔn Aa Chwera Tɔn 3:11 - mzwDBL

¹¹ Kasinteŋ, n dɛ ŋɔ he be, waa yaa jema la, ne waa ya sie aa naa la, anee yaa bol, kɛ haa ya be no.

Amanesoma Jɔn Aa Chwera Tɔn 3:11 Referans Kwoze

Amanesoma Jɔn Aa Chwera Tɔn 8:38

Waa n Mɛɛ aa baɡ mɛɛ mɛɛ bol he be la, asɛ he ɡe ɛɛ ɛ anɔ la he mɛɛ aa bola he no.”

Amanesoma Jɔn Aa Chwera Tɔn 14:24

Nomɛlbwa waa wola men nyin la, waa n webaɡla ta teŋɛ. Waa haa dɛ no nɔ ta n be leɛ, a bwa le n Mɛɛ waa tom mɛ la be.

Amanesoma Jɔn Aa Chwera Tɔn 12:49

Dɛkalkɛ n ɡbabir kpeɡri ne laa mɛɛ bol waa nɔ. N Mɛɛ waa tom mɛ laanee do mɛ dɛ chaɡ mɛ ɡɛ maa bol o wa.

Amanesoma Jɔn Aa Chwera Tɔn 8:14

Anee o ŋɔ, “Akai. A lole kɛ n dɛ di n ɡbaɡba danseɛ te, kɛ kasinteŋii mɛɛ bol, dɛkalkɛ n jemɛ bela maa lea ne bela maa dɛ kaa. Haa n leebɔr ne n kaabɔr jemɛ.

Amanesoma Jɔn Aa Chwera Tɔn 7:16

Belaa o chaŋe ŋɔ, “Waa maa dɛ baɡle nɔ ta n ɡbaɡba be leɛ, a bwa le Korowii waa tom mɛ la be.

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

Aesaya 65:2

Saŋ bɛlbwaa n paɡri n nɔɔra kɛŋɔ ń lɛ n nɛra ba deŋne aa kpeɡa, dɛɛ ɛ waa baa dɛ nyin.

Amanesoma Jɔn Aa Chwera Tɔn 1:11

O ba o ɡbaɡba harɛ ta, asɛ o ɡbaɡba nɛra vɛoh.

Amanesoma Luk Aa Chwera Tɔn 10:22

Yeesu berɔ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ nemenɛ n ne nɛra maa dɛ nyin kɛ ń ɡel ba jemɔ la.”

Aesaya 53:1

Anee nɛra la chaŋe ŋɔ, “Umee dɛ́ fe yarada waa yaa dɛ bol nɔɔ? Umee dɛ́ fe jemɛ kɛŋɔ Korowiirii ɛaɔ?

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

We-ɛɛla 22:18

N na n Dɔɔ Yeesu, asɛ o ŋɔ n be ŋɔ, ‘Le Jerusalam warane. N waa nɔ haa dɛ di a danseɛ nɔ, Jerusalam tena aa a noe ba.’

Amanesoma Jɔn Aa Chwera Tɔn 5:43

N Mɛɛ Korowii sɔn nee n ba he vɛɛh mɛ, kɛ dɛ nomɛlee fe bala o ɡbaɡba sɔn ta naa, he fe ɛɛ no o bee.

Amanesoma Jɔn Aa Chwera Tɔn 3:13

Dɛ Men Nɛn Bie laa aa, nomɛlbwa ta Korowii be nyundua laŋɛ mɔɔ. N ɡboo le o be nyundua dɛ tu ba harɛ.

Amanesoma Jɔn Aa Chwera Tɔn 3:5

Asɛ Yeesu ŋɔ, “Kasinteŋ, n dɛ ŋɔ he be, dɛ ba ta nomɛlbwa lolɛ nee ne Korowii Domadɛɛɡe ne naa, waa Korowii Kora ta jae ba.

Amanesoma Jɔn Aa Chwera Tɔn 3:3

Belaa Yeesu chaŋo ŋɔ, “Kasinteŋ, n dɛ ŋɔ he be, nomɛlbwa waa dɛ nyin Korowii Kora la ta dɛ́ ja la, nemenɛ bá berɛ lolɔ ja.”

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Aesaya 55:4

Menee ɛo harɛre nɛra sitɔɔ ne nomoa, ásɛ a che o nɛɛ ń baɡle n kpeɡri.

Wepila 3:14

Tɔn nɔ dɛ kaa nyundua torome waa cheɡa tɛ asɔre tena baa lɔ Laodisia la be. “Kenii men maa ɛ Aamen, dɛ che tɛ Korowii, n waa dɔ kasinteŋ, Korowii che n nɛɛ ta komɛlbwa la ŋɔ,

Amanesoma Jɔn Aa Chwera Tɔn 3:12

Aah dɛ maa dɛ bol waa aa lɔ harɛ ta bonɔɔ haa wola men yarada nɔ, dɛ n bol waa aa lɔ Korowii doa aa, ɛrɛɛ hɛɛ ba ɛɛ dɛ won yarada a te nɔ?

Amanesoma Jɔn Aa Chwera Tɔn 8:26

N fe dɔ he waa dɛ bol kohona he di bolchɔɡe a ta, kɛ maa bol. Naate waa tom mɛ la waa dɔ kasinteŋ nomanta, n wobɛlbwa maa bol nɛra be la ɛ waa aa le o be.”