Amanesoma Jɔn Aa Chwera Tɔn 21:5 - mzwDBL

⁵ Belaa o yer ba ŋɔ, “Bwɛɛla, he ta pɛŋa dɔe yaa?” Anee ba ŋɔ, “Ɔɔh, ya ta komɛlbwa dɔe.”

Amanesoma Jɔn Aa Chwera Tɔn 21:5 Referans Kwoze

Felepae 4:19

N Naa Korowii ɛɛ cha heyaa komɛlbwa haa nyaa la taa dɛ le o kondɔɔh tenten la ta, pɛɛ he ne Yeesu Kristo aa pɛa la wa.

1 Jɔn 2:13

Nomonome, n chwerɛ waa nɔ dɛɛ tɛ heya, dɛkalkɛ heyaa jemɛ naate waa lole le mumpar bwa la. Bonɔɔna, n chwerɛ waa nɔ dɛɛ tɛ he ɡe, dɛkalkɛ he pɔ Bɔnsam nɛ.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Yela 37:3

Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

1 Jɔn 2:18

N bidɛɛɡa, wobɛlbwa jaɡa saŋ telo. He noɔ kɛŋɔ Yeesu Kristo dɔm tenten la ɛɛ bao. Hale taraken o dɔma dɔɔ warɛ dɛ ba. Anomanta, ya jemɔ kɛŋɔ wobɛlbwa jaɡa saŋ telo.

Matiu 14:15

Bɔr aa dɛ jo la, o habɔteŋra la baa ŋɔ o be ŋɔ, “Nomoa, bonɔ ɛ kpɔɡ baah, bɔr ɡe dɛ jo. Anomanta, ŋɔ ba be bá kaa bwɛɛre nɔ aa bar bonɔ nɔ ta, dɛ́ ka yawɛ kwaane di.”

1 Koranar 19:6

Elaeja iro nyiŋi dɛ na paanoo ne loŋ bɛl ne nee o nyu bɔr, dɛ kpɔ di dɛ nyɔ nee la, dɛ berɛ kwaa chɔ ja.

Amanesoma Mak Aa Chwera Tɔn 8:7

Dɛ ba dɔ pɛŋa tama ɡe, asɛ o kpɔa jam Korowii dɛ ŋɔ bá bɔne a ɡe tɛɛ ba. Ba bɔnɔ tɛɛ ba,