Amanesoma Jɔn Aa Chwera Tɔn 21:15 - mzwDBL

¹⁵ Belaa baa di kwaa tonɛ la, o bɔɔ Seemɔn Pita ŋɔ, “Jɔn bie Seemɔn, he dɛ nyin mɛ dɛ ɡwaa banɔ nɔ naa?” Anee Pita ŋɔ, “Ɔɔh, n Dɔɔ, he jemɔ kɛŋɔ n dɛ nyin he wa.” Anee Yeesu berɛ ŋɔ, “Dɛɛ nyiŋi n pebiiri nɛ.”

Amanesoma Jɔn Aa Chwera Tɔn 21:15 Referans Kwoze

Tɔn Pɔɔl Aa Chwerɛ Rom Tena 15:1

Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

1 Jɔn 4:19

Ya dɛ nyin dɔŋa, dɛkalkɛŋɔ Korowiirii tɔ sie nyin yaa.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

1 Jɔn 5:1

Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.

Amanesoma Jɔn Aa Chwera Tɔn 16:27

N Mɛɛ ɡbabir dɛ nyin heya, dɛkalkɛŋɔ he dɛ nyin mɛ, dɛ yarada kɛŋɔ o bee n le ba.

Jeremia 3:15

Mɛɛ kpɔ heyaa do sitɔɔla baa dɛɛ nyiŋi he nɛɛ nɔn taa, ásɛ ba kpɔ wejema ne waa mun noe nyiŋi he nɛ.

Ɛsekeɛl 34:23

Kooro waa do kɛ n bonɔɔ Kooro Devidii mɛɛ ba lee kɛŋɔ peteɡre beŋkpoŋ wɛɛ nyiŋi ba nɛ.

1 Pita 2:25

He fa do kɛ peera aa kpaŋa, kɛ taraken te, he ba he Dɔɔ waa dɛ nyin he nyu la be.

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Amanesoma Luk Aa Chwera Tɔn 22:32

Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Tɔn Pɔɔl Aa Chwerɛ Rom Tena 14:1

Dɛ Kristo te bɛl lole, o yarada aa wola kanɛ wɛɛ nyin o jo he bini naa, hé lɛo do he bini. He bɛ o we-ɛɛla aa korɛ he kwaa ta la dɛɛ tɔŋle.

Matiu 16:17

Yeesu ŋɔ, “Jɔn bie Seemɔn, he na som kɛŋɔ nomɛlbwa aa wola hen waa nɔ baɡlɛ asɛ he jemɛ nɔ. N Mɛɛ waa lɔ nyundua laanee baɡle.

Jeremia 23:4

Mɛɛ berɔɔ le sitɔɔla baa nyiŋi ba nɛ, ásɛ bɛlbwa aa ɔmɛ kɛɛ dɛ́ nyoɡre kpa. Men Korowiirii bola.”

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

1 Pita 2:2

Hé ɡel he siwi swɛɛ Korowii Waa la noe ta kɛŋɔ bechasɔɔhne siwi yon swɛɛ elnee ta la, a che a ta he won kpeɡ he lɛɛ waa la ta.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Amanesoma Jɔn Aa Chwera Tɔn 21:12

Asɛ Yeesu ŋɔ, “Hé ba chɔɔ nyoa.” O habɔteŋra la bɛlbwa ta wone lɔ bambile dɛ pɛɛro o nɛnsoo, dɛkalkɛ dɛ ba jemɔ kɛŋɔ ba Dɔɔree.

Amanesoma Jɔn Aa Chwera Tɔn 21:7

Anee Yeesu habɔteŋre waa dɛ nyinu kohona la ŋɔ Pita be ŋɔ, “Ya Dɔɔree.” Dɛ Seemɔn Pita foo o batakaare bil. Waa noa kɛŋɔ ba Dɔɔree la, o berɛ kpɔ do, dɛ le nee la ta.

Matiu 18:10

Yeesu berɔ ŋɔ, “Hé nyiŋi kɛrɛdɛ dɛ bɛ n bechajeɡre nɔ bɛlbwa nyiŋi vah. N dɛ ŋɔ he be kɛŋɔ, nyundua toroma baa dɛ nyiŋi ba nɛɛ la won n Mɛɛ sie laŋa saŋ te bɛlbwa.

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

1 Kɔrent 8:11

He ɡelɔ he dɔŋ waa wola kiŋkiŋ cheɡɛ, Yeesu Kristo aa koh o waa sewɛ, ɛɛ ba he wejema ne daŋra dɛ́ nyoɡre aa?

Amanesoma Jɔn Aa Chwera Tɔn 8:42

Yeesu ŋɔ ba be ŋɔ, “Dɛ he Mɛɛ Korowii kpela aa, he fe dɛ nyin n wa, dɛkalkɛ o bee n le ba, dɛ do bonɔ taraken nɔ. N ɡbaɡba kpeɡri ne laa n ba, onee tom mɛ.

Amanesoma Mak Aa Chwera Tɔn 14:29

Anee Pita ŋɔ o be ŋɔ, “Dɛ n bala nɔ bwa chwao ɡele kwara naa, n te aa chwa ɡele!”

Amanesoma Luk Aa Chwera Tɔn 12:32

Anee Yeesu berɛ ŋɔ, “Anomanta, Korowii toroma, haa kanɛ, kɛ he bɛ dɛɛ ɔmɛ, dɛkalkɛ a dɛ ɛ he Mɛɛ waa lɔ nyundua la silɛɛ kɛ he ja o Kora la ta.

Mumpar 33:13

Jekɔb ɡe berɔ ŋɔ o be ŋɔ, “He nao kɛŋɔ n bii nɔ nɔn kao, asɛ n peera ne nae ne a bii aa dɛ ɔr la bwa ɡe waa hiah mɛ. Maa won kpɔa valɛ kohona tɔpebir a ba serewe.

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

2 Samoɛl 7:20

Bɔkwaa men Devid dɔ dɛ́ bol he be jaɔ? Nemenɛ Korowii, he ɡbabir jemɛ men maa ɛ he bonɔɔ wa.

Amanesoma Jɔn Aa Chwera Tɔn 13:37

Belaa o pɛɛro ja ŋɔ, “N Dɔɔ, ɛrɛ waa maa wola won teŋɛ he nɛɛ taraken ɔ? Dɛ seo kwaraa yaa, mɛɛ koh he waa sewɛ.”

Amanesoma Jɔn Aa Chwera Tɔn 1:42

O la Seemɔn ne Yeesu be. Belaa Yeesu nyiŋu dɛ ŋɔ, “He sɔne Seemɔn. Jɔn biee hen. Taraken baa dɛɛ yerɛɛ Sefas.”

Matiu 26:35

Anee Pita ŋɔ, “Dɛ seo kwaraa yaa, n ne hɛɛ sewɔɔ, kɛ maa tɔh ŋɔ maa hen jemɛ bwa.” Asɛ Yeesu habɔteŋra baa jaa la bwa ɡe bol ɡɛ.

Matiu 26:33

Anee Pita ŋɔ, “Dɛ n bala nɔ bwa chwao ɡele naa, n te aa chwa ɡele bwa.”

We-ɛɛla 20:29

N jemɔ kɛŋɔ maa dɛ kaa nɔ, nɛnchɔɡa ɛɛ jo he binii kɛŋɔ peteɡre toole naa, ɡboli yon jo peera baah dɛɛ larawa la.

Ɛsekeɛl 46:24

Baa la ŋɔ n be ŋɔ, “Bonɔɔ Korowii Dea tom-ɛɛra la ɛɛ ba saraha kwaa nɛra aa kpɔa dɛɛ ba la daala.”