Amanesoma Jɔn Aa Chwera Tɔn 20:9 - mzwDBL

⁹ Dɛ ba ta waa aa lɔ Korowii Tɔn bini bobɛl dɛ baɡle kɛŋɔ a chɛ kɛ Yeesu ir seo ta la mun noɛ mɔɔ.

Amanesoma Jɔn Aa Chwera Tɔn 20:9 Referans Kwoze

Yela 16:10

tɔe haa dɛ tɔ mɛ ɡbemɡbe, dɛɛ le seo ta la wa. Haa he Bidɛɛɡe waa soeh ba lalabwɛ, haa ɡel ó chɔ bɔɔ bini pɔh.

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

1 Kɔrent 15:4

Ba huɡo, asɛ a tɔpetooro wee la Korowii iru seo ta. Gɛɛ Korowii Tɔn baɡle mɔɔ a ɛ.

Amanesoma Luk Aa Chwera Tɔn 24:26

A ta chɛɛ kɛŋɔ Kristo la Korowii aa ŋɔa ŋɔ wɛɛ tomɔɔ ó ba lɛ yaa la na ɡɛ wahala nɔ bwa mɔɔ ásɛ dɛ dɔ Korowii Kora la di kɛɛ?”

Matiu 22:29

Anee Yeesu chaŋ ba ŋɔ, “He kono kwaraa! Haa wola Korowii Waa baa chwera ne o kpeɡri waa jemɛ la waa.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Amanesoma Jɔn Aa Chwera Tɔn 2:22

Anomanta, Korowii aa ir Yeesu seo ta la, belaa o habɔteŋra la lii kɛŋɔ Yeesu fa bol a ɡɛ waa nɔ. A ɡelɔ ba yarada waa baa chwera Korowii Tɔn bini la, ne waa Yeesu aa bola la.

Amanesoma Luk Aa Chwera Tɔn 9:45

O habɔteŋra la ta waa la mun noɛ, dɛkalkɛŋɔ Korowii kpɔɔ sɔɔh ba. Dɛ ba ɡe dɛ ɔmɛ, anomanta, ba bɔɔro waa la mun kahonɛ.

Yela 22:15

N ta bokpeɡa dɔe kɛŋɔ kaŋli ken, n nyondoŋe marɛ n nyoa, hé ɡel mɛ ń sewɛ ka chɔ lalabwɛ.

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

We-ɛɛla 17:3

Dɛ o dɛ baɡ ba Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛwɛnyina la waa Korowii Tɔn bini, ásɛ ba jemɛ kɛ Korowii keamere fa baɡlɔ kɛŋɔ Kristo la ɛɛ na wahalaa dɛ́ sewɛ, dɛ́ ir seo ta. Gɛ baa chwera la chɛ kɛ a ɛ. Waa bol ɡɛ tonɛ la, o ŋɔ ba be ŋɔ, “Yeesu nɔ n yon dɛɛ bol o waa nɔ, onee Kristo la.”