Amanesoma Jɔn Aa Chwera Tɔn 20:17 - mzwDBL

¹⁷ Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”

Amanesoma Jɔn Aa Chwera Tɔn 20:17 Referans Kwoze

Amanesoma Jɔn Aa Chwera Tɔn 16:28

O bee n le dɛ ba harɛ nɔ ta, taraken n berɔ dɛɛ le bonɔ dɛ kaa o be.”

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.

Galaasia 3:26

He ɡbabir na, haa yarada Yeesu Kristo la nomanta, he bwa ɛ Korowii bii.

Amanesoma Jɔn Aa Chwera Tɔn 17:11

N dɛ ba he be bela. Maa harɛ nɔ taa biɡri, kɛ ba te ɛɛ ka harɛ nɔ taa. Anomanta, n Mɛdɛɛɡe, kpɔ sɔn haa tɛ mɛ la kpeɡri tɔ ba nɛɛ kɛrɛdɛ ásɛ ba ɛ beŋkpoŋ ɡɛ n ne haa ɛ beŋkpoŋ la.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Amanesoma Mak Aa Chwera Tɔn 16:19

Ya Dɔɔ Yeesu aa bol waa ba be tonɛ la, Korowii kpɔɔ kaa nyundua, o ka so nomombɔr o diɡ ta.

Yela 68:18

O teehnɔ kaa nyundua, dɛ lawɛ nɛra waa laɡ ba laa ta kaa, asɛ deŋnekpeɡ tena kpɔ koŋkɛɛla baa tɛo dɛ ŋɔ, Korowii ɛɛ ba so belaa.

Wepila 21:3

Asɛ n no takpeɡ bɛl o le kookara la ta, dɛ ŋɔ “Hɛ́ɛ no! Taraken Korowii dobɔree nɛwɛnyini bini. O ne banee dɛ́ so, bá ɛ o nɛra ásɛ o ɡe ɛ ba Korowii, ba ne o so.

2 Kɔrent 6:18

dɛ́ ɛ he Mɛɛ, ásɛ he ɛ n bii.’ Men Nemenɛ Korowiirii bola.”

Tɔn Pɔɔl Aa Chwerɛ Rom Tena 8:29

Nɛra Korowii aa jemɛ ba waa cheɡ wubwa la, waa wola ban tae mɔɔ la, dɛ o tɔ sie lee ba ŋɔ bá ba do kɛŋɔ o Bie la ken, ásɛ ba bwa ɛ o Bie la nimanar, ásɛ o ɡe ɛ ba Dɔɔ.

Amanesoma Jɔn Aa Chwera Tɔn 17:25

N Mɛdɛɛɡe, nɛra baa dɔ harɛ nɔ ta ɡbo liire aa hen jemɛ, kɛ n te jemɛ, asɛ banɔ nɔ ɡe jemɛ kɛŋɔ henee tom mɛ.

Matiu 28:7

ásɛ dɛ ɛ warane dɛ́ la ka baɡle o habɔteŋra be kɛŋɔ o ir seo ta, dɛ́ berɛ ŋɔ o tɔ ba sie dɛɛ kaa Galilia harɛ ta. Belaa baa ba o nae. Waa maa dɔa dɛ bol he be laanee la.”

Matiu 12:50

Nomɛlbwa waa dɛ ɛ waa n Mɛɛ waa lɔ nyundua aa dɛ nyin kɛ ó ɛ laanee n nime ne n nimambie ne n nya.”

Wepila 21:7

Naate waa wona yo le la ɛɛ dɔ kwaa nɔ bwaa. Mɛɛ ɛ Korowii waa dɛ tom mɛ, ásɛ o ɡe ɛ n bie.

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

Amanesoma Jɔn Aa Chwera Tɔn 20:27

Asɛ dɛ ŋɔ Tɔmas be ŋɔ, “Kpɔ he nonii ba do n nɔɔra bɔɔne la ta, dɛ́ kpɔ he nɔn do n loŋi bɔɔ la ɡe ta, dɛɛ yarada mɛ, dɛ́ ɡel aahna aahna la haa dɛ ɛ la.”

Amanesoma Jɔn Aa Chwera Tɔn 17:5

Anomanta, n Mɛɛ, maa cheɡɛ he sie taraken nɔ, tɛ mɛ jirima n ne haa dɔa wubwa mɔɔ dɛ ta harɛ nɔ la.

Amanesoma Jɔn Aa Chwera Tɔn 14:28

N bol he be he no kɛŋɔ ‘Mɛɛ kaaloo ásɛ dɛ berɛ ba he be.’ Dɛ he fe dɛ nyin mɛ naa, he sie fe ɛɛ lɛo kɛŋɔ maa kaa n Mɛɛ be, dɛkalkɛ o ɡwaa mɛ.

Amanesoma Jɔn Aa Chwera Tɔn 14:2

Deene lɔ n Mɛɛ Korowii dem taeh. Dɛ ɡɛ laa a do aa, n fe aa he bee ŋɔ n dɛ la ka kwaa sobɔr cheɡ heyaa bela.

Amanesoma Jɔn Aa Chwera Tɔn 13:3

Dɛ Yeesu te jemɔ kɛŋɔ wobɛlbwa kpeɡrii o Mɛɛ Korowii kpɔ tɛo, asɛ dɛ berɛ jemɛ kɛŋɔ ɡɛ waa le o be ba la, ɡɛɛ o berɛ dɛɛ ba o be kaala.

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 7:33

Dɛ Yeesu dɛ bol ŋɔ, “Tɔpera anɛ bɛlee mɛɛ ba he be bonɔ soɡa. Maa biɡri ásɛ dɛ berɛ kaa naate waa tom mɛ la be.

Amanesoma Luk Aa Chwera Tɔn 10:4

He bɛ suuɡa pure kpɔ, he bɛ pure haa kpɔ laala dɛɛ do a bini ɡba kpɔ, he bɛ naŋɡawa bele anɛnɛ kpɔ. He bɛ ka jaɡɛ che ŋwɛnɛ ta dɛɛ jam nɛra wobohweeh ne.

Ɛsekeɛl 37:27

Ba baahnee mɛɛ ba soɡa, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Ɛsekeɛl 36:28

Harɛ maa kpɔa tɛ he naawa laanee n berɛ dɛɛ ba kpɔe tɛ heyaa hé so o ta, ásɛ he ɛ n nɛra, ń ɡe ɛ Korowii haa dɛ tom mɛ.

Jeremia 32:38

Baa ɛ n nɛraa, ásɛ n ɡe ɛ Korowii baa dɛ tom mɛ.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Yela 89:26

Devid ɛɛ yer mɛɛ ŋɔ, ‘Henee n Mɛɛ ne Korowii maa dɛ tomɛ, he do kɛ Bwetal maa chwaa baa marɛ hɛɛ lɛɛ mɛ.’

2 Koranar 7:9

Dɛ ŋɔ dɔŋa be ŋɔ, “Kɛrɛdɛ laa yaa ɛ la, fini ɛ amanesoma tɔpere asɛ ya ɡbo kpɔ so la. Dɛ ya ɡelɔ bɔr chaah a ta naa, yaa dɔ waa. Ya den la kooro dem dɛ́ ka bol a wa.”

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Yela 48:14

dɛkalkɛ ɡɛ Korowii nɔɔ yaa tomɛ saŋ bɛlbwa, wɛɛ tɔ ya siee, dɛɛ baɡle ŋwɛnɛ yaa kpɔ o ta saŋ bɛlbwa dɛɛ la.

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Yela 22:22

Mɛɛ bol he waa haa ɛa n nɛra bee, mɛɛ kpɛɛree ba chema binii.

2 Koranar 4:29

Anee Elaesa ŋɔ Gehasi be ŋɔ, “Gbaa he batakaare dɛ́ vɔwɛ kiriso, dɛ́ kpɔ n daŋɡbala kpoŋe, dɛ́ chwa dɛɛ kaa. He kaa pu nomɛlbwa naa, bɛ waa o be bol. Nomɛlbwa ɡe bol waa he be naa, bɛ on chaŋe. Kpɔ n daŋɡbala la ka bil bie la sie.”

Hibru 11:16

Kɛ ɡɛ laa a do. Harɛdɛɛɡe waa wera ɡwaa bela baa lea la waa baa lii. Harɛ waa lɔ nyundua waa baa lii. Anomanta, a ta Korowii sihiih ɛɛ kɛŋɔ baa dɛ yerɔ ba Korowii, dɛkalkɛŋɔ o kwaa bwɛɛ bɛl cheɡ ba.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Amanesoma Mak Aa Chwera Tɔn 12:26

Nɛra seo ta ira ɡe la nɔ, dɛ he dɛ lii Mosis Tɔn bini waa ane aa dɛ baɡle dawii fuih la wa aa, ba chwerɛ bela ɡɛ Korowii aa ŋɔ Mosis be ŋɔ, ‘Menee Korowii he nabaala Abraham ne Aesek dɛ Jekɔb aa tomɔ la aa?’