Amanesoma Jɔn Aa Chwera Tɔn 19:9 - mzwDBL

⁹ Anomanta, o berɔ jo koodem bela, asɛ dɛ ka bɔɔ Yeesu ŋɔ, “Lepetenee he leɔ?” Kɛ o ta on chaŋɛ.

Amanesoma Jɔn Aa Chwera Tɔn 19:9 Referans Kwoze

Amanesoma Jɔn Aa Chwera Tɔn 18:33

Asɛ Paelet berɛ jo o koodem bela, dɛ yerɛ Yeesu ba o be, dɛ bɔɔro ŋɔ, “Henee Juu tena kooro ɛ?”

Felepae 1:28

dɛ́ berɛ dɔ bambile haa wola he dɔma ɔmɛ tamaa bɛlbwa bwa. He bambile dɔe la taa bá che jemɛ kɛŋɔ Korowii ɡbaɡba ɛɛ lɛ heyaa dɛ́ chɔɡ ba.

Amanesoma Jɔn Aa Chwera Tɔn 8:14

Anee o ŋɔ, “Akai. A lole kɛ n dɛ di n ɡbaɡba danseɛ te, kɛ kasinteŋii mɛɛ bol, dɛkalkɛ n jemɛ bela maa lea ne bela maa dɛ kaa. Haa n leebɔr ne n kaabɔr jemɛ.

Matiu 26:63

Yeesu mwaa o ne, o ta wobɛlbwa chaŋɛ. Anee Sɔfonomoa la berɛ ŋɔ o be ja ŋɔ, “N ŋwɛɛ Korowii waa lole saŋ bɛlbwa nɔ kɛŋɔ, dɛ henee o Bie Kristo la waa baɡɛ yaa nyoa ŋɔ wɛɛ tomɔɔ ó ba lɛ yaa la aa, ɡel ya jemɛ fini.”

Aesaya 53:7

Ba ɛo hɔhɔrɔwa, kɛ o helɔ, o ta nyoa pile. O tɔ nyoa kɛŋɔ baa lawɛ pebie dɛɛ kaa kpobɔr la. O ɛo jeiih kɛŋɔ penee baa dɛ fonɛ o pona ken. O ta nyoa pile dɛ bol wobɛlbwa sese.

Sitɔɔla 13:6

Asɛ haah la la o jaa be ka ŋɔ, “Korowii nɛn bɛl ba n be. O le Korowii nyundua torome, o ɔma kɛrɛdɛ. N ta on bɔɔrɛ bela waa lea, o ta men o sɔn ɡe baɡlɛ.

Amanesoma Jɔn Aa Chwera Tɔn 18:37

Yeesu aa ŋɔ ɡɛ la, anee Paelet bɔɔro ŋɔ, “Amɔ kooroo hen kpela kenɛ?” Asɛ o chaŋo ŋɔ, “Henee ŋɔa kooroo men. Kasinteŋ bola waa ba lol mɛ. A waa n ba harɛ nɔ ta dɛ ba bol kasinteŋ la nɛra bwa be. Nomɛlbwa waa dɛ nyin kasinteŋ la, on dɛɛ no n be.”

Matiu 27:27

Asɛ soojare la kpɔ Yeesu le kaa nomoa Paelet dem, dɛ yerɛ ba bala soojare la bwa ba ba baro cheme,

Amanesoma Luk Aa Chwera Tɔn 23:9

Kooro Hɛrɔd bɔɔro waa taeh, asɛ o mwaa o ne.

Amanesoma Jɔn Aa Chwera Tɔn 18:28

Tomun aa dɛ kpɔ la, Juu tena nomonome la kpɔ Yeesu la Kaefas be, dɛ ba o ne Rom nomoa waa dɛ nyiŋi ba harɛ ta la be koodem. Dɛ Galekaa Tɔpejen dii telo, anomanta, Juu tena nomonome la te ta dem bela joɛ, dɛkalkɛ dɛ ba jo bela aa, baa kah doŋaa baa wola won di Galekaa kondikwaa la.

Amanesoma Jɔn Aa Chwera Tɔn 18:34

Belaa o chaŋo ŋɔ, “He ɡbaɡbaa na waa nɔ dɛɛ bɔɔ mɛ kɛɛ nɛra banee bol n waa he be nɔ?”

Amanesoma Jɔn Aa Chwera Tɔn 19:8

Paelet aa no ɡɛ waa nɔ la, a taa o berɛ ɔmɛ kohona kwara.

Amanesoma Jɔn Aa Chwera Tɔn 19:10

Anee o berɛ bɔɔro ŋɔ, “Haa men chaŋe kɛɛ? Haa jemɛ kɛŋɔ n dɔ kpeɡri dɛ́ won ɡel ba foori ta, dɛ́ berɛ won ɡel ba kpaare pɛl daɡaɡre ta kɛɛ?”