Amanesoma Jɔn Aa Chwera Tɔn 19:42 - mzwDBL

⁴² Dɛ lalbɔɔ la bɛne bela, asɛ ba Ona Tɔpere ɡe telo tonɛ, anomanta, ba denɔ kpɔ Yeesu ka huɡe o bini.

Amanesoma Jɔn Aa Chwera Tɔn 19:42 Referans Kwoze

Amanesoma Jɔn Aa Chwera Tɔn 19:31

Dɛ awola tɔpere la ɛ tɔpere Juu tena aa dɛ kpɔ ba te, dɛkalkɛ tɔɔ peraa dɛ ba jo Ona Tɔpere waa ɛ ba tɔpejen tenten la ta. Dɛ baa nyin kɛŋɔ Yeesu ne nɛra la saɡɛ ka tel tɔpejen la ta. Anomanta, ba kaa soŋe Paelet ŋɔ ó ɡel soojare kuuɡi ba nakpale bá sewɛ warane, ásɛ ba dɔ bɔr laa ba kpɔ daɡaɡre la ta.

Amanesoma Jɔn Aa Chwera Tɔn 19:14

Awola tɔpere la ɛ tɔpere Juu tena bwa aa dɛ kpɔ ba te, dɛ́ daa kondikwaa cheɡ, dɛ́ won di Ona Tɔpere waa lɔ ba Galekaa la ta la. Dɛ wee tel nyufala tonɛ, asɛ Paelet ŋɔ ba be ŋɔ, “He kooro laanee la!”

Amanesoma Jɔn Aa Chwera Tɔn 19:41

Bela baa kpo Yeesu la, dɛ bodɛɛɡe bɛl baa du daa lɔ bela, asɛ ba forɛ lalbɔɔ bwe bɛl ta kɛŋɔ dea ken. Dɛ ba ta nomɛlbwa o bini huɡe bwa.

Aesaya 53:9

O ne wechɔɡ-ɛɛraa ba pɛ huɡe, dɔɔhna lalbɔɔ binii o chɔ. A lole kɛ o ta wechɔɡa ɛɛ, kɛɛ dɛ teŋe nyosone bwa.”

Kolosi 2:12

Korowii nee ba fa aa sɔ heyaa la, anee baɡla kɛ he ne Yeesu Kristo bwaa ba pɛ huɡe. Asɛ a berɛ che yarada haa dɛ yarada Korowii ne kpeɡri waa kpɔa ir Yeesu seo ta la ta, he ne o bwa pɛ ir dɛ dɔ mkpa.

1 Kɔrent 15:4

Ba huɡo, asɛ a tɔpetooro wee la Korowii iru seo ta. Gɛɛ Korowii Tɔn baɡle mɔɔ a ɛ.

We-ɛɛla 13:29

Baa ɛo ɡɛ Korowii Tɔn aa baɡla ŋɔ baa ɛo bwa tonɛ la, ba kpɔɔ le daɡaɡre la doa dɛ ka huɡo.

Amanesoma Jɔn Aa Chwera Tɔn 19:20

Dɛ bela ne bwɛjen Jerusalam aa jaŋɛ, anomanta, Juu tena kɛrɛdɛ bwa na ɡɛ waa la dɛ kura. Ba chwera Juu tena wobol ne Rom tena wobol ne Grik tena wobol ta.

Matiu 12:40

Gɛ Jona aa di tɔpebire atoro pɛŋejen la tea bini la, ɡɛɛ Men Nɛn Bie la ɡee ba tɔpebire atoro dii lalbɔɔ bini.

Yela 22:15

N ta bokpeɡa dɔe kɛŋɔ kaŋli ken, n nyondoŋe marɛ n nyoa, hé ɡel mɛ ń sewɛ ka chɔ lalabwɛ.