Amanesoma Jɔn Aa Chwera Tɔn 19:36 - mzwDBL

³⁶ Anɔ ɡelɔ waa baa chwera Korowii Tɔn bini ŋɔ, “Baa o hoɡ beŋkpoŋ kwaraa ku” la ɛ kpela.

Amanesoma Jɔn Aa Chwera Tɔn 19:36 Referans Kwoze

Yela 34:20

Korowii dɛ nyiŋi ba nɛɛ kɛrɛdɛ, ba hoɡ beŋkpoŋ kwara aa ku.

Nɛra Kura 9:12

Ba bɛ ane kpɔ cheɡ tɔɔ per a ta, ba bɛ pebie la hoɡa ɡe bɛlbwa paɡre. Bá di Galekaa Tɔpejen la aŋwɛnɛ ta, dɛ́ teŋɛ o we-ɛɛla bwa ta.

Kaala 12:46

“Hé dɛ ba a dii yaa, dembeŋkpoŋ taa chɛ kɛŋɔ hé dia, dɛ bɛ ol la bɛlbwa kpɔ le fɔɡ. He bɛ a hoɡa ɡe paɡre.

Yela 22:14

N bokpeɡa tonɔ kɛŋɔ, baa fuɡe nee ta harɛ ken, asɛ n hoɡa bwa soɡre, n bambile chɔɡ, n ta hwɛɡa bɛlbwa dɔe kpa.

Amanesoma Jɔn Aa Chwera Tɔn 19:28

A habɔɔ Yeesu aa naa kɛŋɔ o wobɛlbwa tonɔ la, o ŋɔ, “Nyɔɡre dɛ kpo mɛ,” ásɛ waa aa lɔ Korowii Tɔn bini la ɛ kpela.

Matiu 1:22

A ɡɛ waa nɔ bwa chiɡo dɛ ɡel waa Korowii aa ɡela o keame bol la ɛ kpela kɛŋɔ waa ŋɔa ŋɔ,

Yela 35:10

Mɛɛ le n bambile bini bwaa dɛ ŋɔ, “N Naa Korowii, umee do kɛ hen ɔ? He lɛ nɛŋɡwɛɡra dɛɛ le nɛŋkpeɡa nɔn ta, dɛ lɛ nyaara dɛɛ le nɛra baa dɛ fiɡ ba nɔn ta.”

Amanesoma Jɔn Aa Chwera Tɔn 19:24

Anomanta, soojare la ŋɔ dɔŋa be ŋɔ, “He bɛ ɡel ya kɛɛro. Hé ɡel ya ta chacha, naate waa di la ó kpɔ.” Ba chwerɛ Korowii Tɔn bini ŋɔ, “Baa kpɔ n laalaa bɔne dɔŋa, dɛ́ ta chacha dɛ́ na naate waa di n batakaare.” Gɛ baa chwera laanee soojare la ɛ, dɛ ɡel a ɛ kpela.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

2 Koranar 15:12

Anee Korowii baɡɛ Kooro Jehu nyoa dɛ teŋɛ a ta la. Korowii ŋɔ, “He naanar ɛɛ ɛ koranaree ka tel naanar bele banaarɛ baa ka ba nɛ, dɛɛ di kora Israel harɛ ta.”