Amanesoma Jɔn Aa Chwera Tɔn 19:26 - mzwDBL

²⁶ Yeesu aa na o nya ne o habɔteŋre waa dɛ nyinu kohona la kɛŋɔ baa cheɡɛ dɔŋa jwɛh, asɛ o ŋɔ o nya be ŋɔ, “N nya, he biee la,”

Amanesoma Jɔn Aa Chwera Tɔn 19:26 Referans Kwoze

Amanesoma Jɔn Aa Chwera Tɔn 21:24

A ɡɛ habɔteŋre nɔɔ baɡle ɡɛ waa nɔ dɛ chwerɛ a bwa bil. Ya jemɔ kɛŋɔ a ɛ kpela.

Amanesoma Jɔn Aa Chwera Tɔn 20:2

Waa na ɡɛ la, o chwao la Seemɔn Pita ne o dɔŋ Yeesu aa dɛ nyinu kohona la be dɛ ka ŋɔ ba be ŋɔ, “Ba laa ya Dɔɔ kpɔ lalbɔɔ la bini, yaa jemɛ bela baa kpɔɔ bil.”

Amanesoma Jɔn Aa Chwera Tɔn 13:23

Dɛ ba bini bɛl Yeesu aa dɛ nyinu kohona la soɡo kpaɡɔ.

Amanesoma Jɔn Aa Chwera Tɔn 2:4

Anee Yeesu bɔɔ o nya ŋɔ, “N nya, aah ɛrɛ waa he berɛ dɛɛ nyiŋi n te siwi ta nɔɔ? Gɛ saŋ maa dɛ ba n toma ɛɛ la ta tele mɔɔ.”

Amanesoma Jɔn Aa Chwera Tɔn 21:7

Anee Yeesu habɔteŋre waa dɛ nyinu kohona la ŋɔ Pita be ŋɔ, “Ya Dɔɔree.” Dɛ Seemɔn Pita foo o batakaare bil. Waa noa kɛŋɔ ba Dɔɔree la, o berɛ kpɔ do, dɛ le nee la ta.

Amanesoma Jɔn Aa Chwera Tɔn 21:20

Baa dɛ kaa la, Pita keo nyiŋi dɛ na kɛŋɔ o dɔŋ habɔteŋre Yeesu aa dɛ nyinu kohona la teŋɛ ba nɛ. Onee fa soɡa kpaɡɛ Yeesu ɡɛ saŋ o ne o habɔteŋra la aa chema tiɡ ta, asɛ dɛ bɔɔro naate waa dɛ ba o lee tɛ la.