Amanesoma Jɔn Aa Chwera Tɔn 19:17 - mzwDBL

¹⁷ Ba kpɔ Yeesu le koodem bela dɛ ɡel o che daɡaɡre baa dɛ ba o kpaara pɛl o ta la, dɛ ba tel bobɛl baa dɛ yerɛ bela Nyuhoɡ Bɔr, asɛ Juu tena wobol ta, ba ɡe ɛɛ yerɛ bela Gɔlɡɔta.

Amanesoma Jɔn Aa Chwera Tɔn 19:17 Referans Kwoze

Amanesoma Luk Aa Chwera Tɔn 23:33

Ba kaa tel bobɛl baa dɛ yerɛ bela Nyuhoɡ Bɔr. Belaa ba kpaa Yeesu pɛl daɡaɡre ta, dɛ kpaa wechɔɡ-ɛɛra la ɡe pɛl daɡaɡra ta, dɛ kpɔ bɛl pa Yeesu diɡ ta, bɛl ɡe pa o ɡal.

Amanesoma Luk Aa Chwera Tɔn 14:27

Nomɛlbwa waa wola won kpɔ o te tɛ, dɛ sɛh wahala nae ne seo bwa, dɛ teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la waa won ɛ n habɔteŋre.

Amanesoma Luk Aa Chwera Tɔn 23:26

Soojare la aa kpɔɔ dɛɛ kaa dɛ́ ka kpoo la, ba kaa cheme Seemɔn. Sairini tee. Dɛ o le koo dɛɛ ba, asɛ soojare la lawɔ dɛ lɛ daɡaɡre Yeesu aa cheɡɔɔ la, dɛ ɡel Seemɔn cheo teŋɛ Yeesu nɛ.

We-ɛɛla 7:58

dɛ tuuɡu le bwɛɛ la dahara. Nɛra baa no o wobol la foo ba laala bil bonɔɔ bɛl baa dɛ yerɔ Sɔɔl sie mɔɔ, dɛ la ka foɡre Steeven bwea.

Amanesoma Mak Aa Chwera Tɔn 15:32

He nɛn haa ŋɔa henee Israel tena kooro Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la, le daɡaɡre la doa tu harɛ yá na dɛ́ won yaradae.” Asɛ ŋwɛɛra baa kpaa ba pɛl daɡaɡra ta ja o nɛɛ la ɡee chɛɡro.

Amanesoma Luk Aa Chwera Tɔn 23:38

O nyunduabɔr daɡaɡre la ta la, ba chwerɔ ka pɛl bela ŋɔ, juu tena kooro laanee la.

Amanesoma Luk Aa Chwera Tɔn 9:23

O berɔ ŋɔ ba bwa be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina, dɛ́ kpɔ o te tɛ tɔpere bɛlbwa kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Amanesoma Mak Aa Chwera Tɔn 15:26

Ba chwerɛ o wechɔɡa waa ɛa ba koh a waa kpoo la pɛl o daɡaɡre la ta. A ɡɛ waa laanee, juu tena kooro.

Amanesoma Mak Aa Chwera Tɔn 10:21

Yeesu nyiŋu, o sie lɛ o nɛ, dɛ ŋɔ o be ŋɔ, “A ka he webeŋkpoŋ. La ka yoɡ kwaa haa dɔa bwa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kondɔɔh cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Mak Aa Chwera Tɔn 8:34

Belaa o yerɛ nɛnlaa ne o habɔteŋra la dɛ ŋɔ ba be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina, dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Matiu 27:37

Ba chwerɛ o wechɔɡa waa ɛa ba koh a waa kpoo la pɛl o daɡaɡre la ta o nyundua. A ɡɛ waa laanee, yeesu, juu tena kooroo nɔ.

Matiu 16:24

Asɛ Yeesu ŋɔ o habɔteŋra la be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Matiu 10:38

He naate haa wola he te kpɔe tɛ dɛ sɛh wahala nae ne seo bwa, dɛ baa teŋɛ n nɛ kɛŋɔ nɛn waa kpɔ daɡaɡre che bá ka kpaaro pɛl o ta la ta chɛɛ kɛŋɔ he teŋɛ n nɛ.

1 Koranar 21:13

Nyosonteŋna banɛ la baa so ba ne o sie chaɡɛ dɔŋa, ba haŋɛ o nyoa nɛra la bwa baah ta kɛŋɔ o taah Korowii ne kooro la. Anomanta, ba lawɔ le bwɛjen la ta dɛ ka foɡro bwea kpo.

Lewi Dea Tena 24:14

“Hé lawɛ baa waa bol nɛnhɛlwobol la le kaa bela haa soɡa la dahara. Nomɛlbwa waa noa kɛŋɔ o bol mɛ nɛnhɛlwobol la, bá kpɔ nɔn dawɛ o nyu ta, ásɛ nɛra la bwa foɡro bwea kpo.

Mumpar 22:6

Ate, o laa daa baa ka mar la kpɔ choɡ Aesek, dɛ ɡe kpɔ kere ne nii kpoŋe baa kaa.

Amanesoma Jɔn Aa Chwera Tɔn 5:2

Dɛ tam bɛl chɔ Jerusalam asɛ Juu tena ɛɛ yerɔ Bɛtsata Hibru wobol ta. O chɔɔ bɛne Peera Doonyojen la. Tam la nyoa la, ba ɛ soŋnibɔra bele anue dɛ tɔa.

Amanesoma Jɔn Aa Chwera Tɔn 19:13

Paelet aa no ɡɛ la, o kpɔ Yeesu le buse dɛ ba so bela waa soɡa dɛɛ bol waa dɛɛ pa bole la. Bwea nee ba mao o ir nyundua. Juu tena wobol ta, baa dɛ yerɛ bela ‘Gabata’.