Amanesoma Jɔn Aa Chwera Tɔn 19:14 - mzwDBL

¹⁴ Awola tɔpere la ɛ tɔpere Juu tena bwa aa dɛ kpɔ ba te, dɛ́ daa kondikwaa cheɡ, dɛ́ won di Ona Tɔpere waa lɔ ba Galekaa la ta la. Dɛ wee tel nyufala tonɛ, asɛ Paelet ŋɔ ba be ŋɔ, “He kooro laanee la!”

Amanesoma Jɔn Aa Chwera Tɔn 19:14 Referans Kwoze

Matiu 27:62

Awola tɔpere la, dɛ Juu tena dɛ kpɔ ba te ásɛ tɔɔ peraa, bá di ba Ona Tɔpere. Tɔ aa pera la, Sɔfonomonome ne Farisii tena la kaa cheme nomoa Paelet dem,

Amanesoma Jɔn Aa Chwera Tɔn 19:5

Anomanta, o ɡelɔ Yeesu le buse, dɛ sɔɔhne kooɡbɛrɛ piu, asɛ o do wurswɛm la. Asɛ Paelet ŋɔ ba be ŋɔ, “Onee la.”

Amanesoma Jɔn Aa Chwera Tɔn 19:42

Dɛ lalbɔɔ la bɛne bela, asɛ ba Ona Tɔpere ɡe telo tonɛ, anomanta, ba denɔ kpɔ Yeesu ka huɡe o bini.

Amanesoma Mak Aa Chwera Tɔn 15:25

Koola nenyɔɔ saŋee ba kpaa Yeesu pɛl daɡaɡre ta.

Amanesoma Jɔn Aa Chwera Tɔn 19:3

Dɛ ba dɛ ba o be dɛɛ si, “Woowo, Juu tena kooro!” dɛɛ kpaa o lwɛrɛme.

Amanesoma Luk Aa Chwera Tɔn 23:54

Dɛ awola ɛ Fiara, asɛ baa kpɔ ba te dɛ́ di Ona Tɔpere la.

Amanesoma Mak Aa Chwera Tɔn 15:42

Awola tɔpere la taa baa nyin ba kwaa bwa dɛɛ cheɡ ásɛ dɛ tɔɔ peraa, bá di Ona Tɔpere la.

Matiu 27:45

Wee aa baa che nyufala la, bɔr biro jumaa ken dɛ ka tel wekee saŋ mɔɔ dɛ berɛ chaah ja.

Amanesoma Luk Aa Chwera Tɔn 23:44

Wee aa baa che nyubaah la, bɔr biro jumaa ken dɛ ka tel wekee saŋ,