Amanesoma Jɔn Aa Chwera Tɔn 19:11 - mzwDBL

¹¹ Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”

Amanesoma Jɔn Aa Chwera Tɔn 19:11 Referans Kwoze

Tɔn Pɔɔl Aa Chwerɛ Rom Tena 13:1

A chɛ kɛ nomɛlbwa siwi su o harɛ nomonome dɛɛ teŋɛ ba mmara ɡe ta, dɛkalkɛŋɔ Korowii ta ŋwɛnɛ tɛɛ yaa, nomonome aa lee do. Korowiirii cheɡ ba.

Amanesoma Jɔn Aa Chwera Tɔn 3:27

Belaa Jɔn ŋɔ, “Nomɛlbwa toole dɛ́ won dɔ komɛl dɛ Korowii laa tɛo.

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

Daneɛl 4:17

Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”

We-ɛɛla 3:13

Gɛ laa. Korowii ya nabaala Abraham ne Aesek dɛ Jekɔb aa tomɔ la, on tɛ o bonɔɔ Yeesu sɔn ɡɛ la. Onee he kpɔ tɛ nomonome ŋɔ bá bol o waa dɛ kpoo la. Harɛ nomoa Paelet aa ŋɔa ó tao la, he ta ŋɔe ŋɔ haa sɛah?

Amanesoma Jɔn Aa Chwera Tɔn 7:30

Anɔ nomanta, ba fe dɛ lawɔ, asɛ ba ta wone, dɛkalkɛ dɛ o tɔpere ta tele mɔɔ.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Daneɛl 4:25

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Jems 4:17

Anomanta, nomɛlbwa waa jemɛ waa aa wera kɛŋɔ o ɛ, dɛ vɛh ɛɛ la, dɛ o ɛ wechɔɡa.

Tɔn Pɔɔl Aa Chwerɛ Rom Tena 11:36

O ta nomɛlbwa kem dii, dɛkalkɛŋɔ on ta kon te bɛlbwa. O nɛɛ komɛlbwa che dɛ do le, o waa ɡee a do le. O chɛ jirima saŋ bɛlbwa. Aamen.

We-ɛɛla 4:28

Ba bwa chemo dɛ ɛ waa he ɡbaɡba aa kpɔ he kpeɡri ne he tetoora vɔrɔwe ŋɔ aa ɛo la.

Matiu 27:2

dɛ vɔrɔwe o nɔɔra, dɛ kpɔɔ ka tɛ Rom nomoa Paelet waa dɛ nyiŋi bela harɛ ta.

Yela 62:11

N noɔ Korowii aa bola keraŋwɛnɛ bwa kɛŋɔ onee dɔ kpeɡri,

Amanesoma Mak Aa Chwera Tɔn 14:44

Baa dɛ ba la, Judas ŋɔ ba be ŋɔ, “Naate maa ɡbaaro pɛl n bambile dɛ mo o lwɛɛma la, hé lawɔ dɛ nyiŋu kɛrɛdɛ o bɛ won lɛ o te dɛ chwa.”

Daneɛl 5:21

Korowii doŋu le nɛra bini asɛ o liire do kɛŋɔ ol liire ken. O ne kpɔɡ bini keeɡore kaa so, wɛɛ chwe kpɔɡa kɛŋɔ nao ken. Mɛn ta o nɛɛ o bwara pweh, ka tel kɛŋɔ waa baa na kɛŋɔ Nemenɛ Korowiirii dɔ kora nɛwɛnyina aa dɛ di la kpeɡri, dɛɛ kpɔ nɛn waa dɛ nyin.

Daneɛl 4:32

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”

Amanesoma Jɔn Aa Chwera Tɔn 18:3

Anomanta, Judas na Sɔfonomonome ne Farisii tena, asɛ ba tɛo soojare ne nɛra baa dɛ daah Korowii Dea la bane. Asɛ ba kpɔ kandere ne kapɛle ne dɔmkwa, asɛ Judas kpɔ ba la bodɛɛɡe baa du daa la baah bela.

Amanesoma Jɔn Aa Chwera Tɔn 9:41

Anee Yeesu chaŋe ŋɔ, “Dɛ he fe sɛoh kɛŋɔ he ɛ nyoŋa kwaraa naa, wechɔɡa fe toole he nɛ, kɛ haa ŋɔa he dɛ na nomanta, he ta lɔ wechɔɡa ta.”

Amanesoma Luk Aa Chwera Tɔn 22:53

N ne haa lɔ Korowii Dea tɔpere bɛlbwa la, ɛrɛɛ haa wola men lawɛ bela ɔ? Taraken nɔ bɔr aa bira nɔ he dɔ ŋwɛnɛ kɛ he ba laɡ mɛ.”

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Wiile 3:37

Umee dɛ́ bol waa aa won chiɡ, dɛ Korowii laa sɛah kɛ a chiɡo?

Matiu 26:65

Belaa Sɔfonomoa la laa o ɡbaɡba laala waa doa la laa kɛɛ dɛ ŋɔ, “Hé no musu wa! Bɔkwa danseɛ yá berɛ dɛɛ nyin jaɔ? Kɛ he bwa no musu waa nɔ waa dena bol nɔ?

Yela 39:9

N tɔ nyoa name, maa wobɛlbwaa bol kpa, henee ɛɛ mɛ ɡɛ.

1 Webena 29:11

Henee kana dɛ do kpeɡri, dɛ dɔ jirima dɛ dɔ sɔn kohona, dɛkalkɛ kwaa aa lɔ nyundua ne harɛ bwa ɛ he kwa. Henee dɛɛ di kora, dɛ ɡwaa nomɛlbwa.

Amanesoma Jɔn Aa Chwera Tɔn 18:13

dɛ tɔ sie la o ne Anas be. Dɛ Kaefasee Sɔfonomoa a ɡɛ bena la ta. Dɛ o mo Anas bie.

Amanesoma Jɔn Aa Chwera Tɔn 19:10

Anee o berɛ bɔɔro ŋɔ, “Haa men chaŋe kɛɛ? Haa jemɛ kɛŋɔ n dɔ kpeɡri dɛ́ won ɡel ba foori ta, dɛ́ berɛ won ɡel ba kpaare pɛl daɡaɡre ta kɛɛ?”