Amanesoma Jɔn Aa Chwera Tɔn 18:8 - mzwDBL

⁸ Anee o ŋɔ, “N ta ŋɔe ŋɔ menee nɔ naa? Dɛ n bɔree hɛɛ nyin aa, amɔ hé ɡel nɛra baa ja n nɛɛ nɔ te kaa.”

Amanesoma Jɔn Aa Chwera Tɔn 18:8 Referans Kwoze

1 Pita 5:7

Wobɛlbwa aa dɛ ha heyaa la, hé kpɔa bil Korowii sie, dɛkalkɛŋɔ he waa lɔ o bambile ta.

Ɛfesos 5:25

Baala, hɛ́ɛ nyin he haahna kɛrɛdɛ kɛŋɔ ɡɛ Yeesu Kristo aa dɛ nyin asɔre tena dɛ koh ba waa sewɛ la.

2 Kɔrent 12:9

asɛ o ŋɔ, “Chae maa sune he nɛɛ dɛ chae nɔ ɡbo maɡre he ne. Bela nɛn aa ɡwɛɡra la, belaa baa na n kpeɡri kohona.” Anomanta, a do n som kohona kɛ maa dɛ maŋkura n te n ɡwɛɡra ta, dɛkalkɛŋɔ a taa mɛɛ na Yeesu Kristo kpeɡri n nɛ.

1 Kɔrent 10:13

Nomɛlbwa dɛ na wekpeɡa. Anomanta, dɛ he dɛ na wekpeɡa aa, he laa bɔ bere. Korowii waa dɔ yarada. Waa ɡel wekpeɡa bɛlbwa ɡwaa he nɛɛ ásɛ he horɛ. Wɛɛ baɡle heyaa ŋwɛnɛ haa kpɔ dɛ́ won lawɛ bambile ka tel kɛŋɔ haa le a nyoa.

Amanesoma Jɔn Aa Chwera Tɔn 16:32

Tɔpere bɛl dɛ ba, o joɔ tonɛ, he bwa dɛ ba chwae peɡre kaa he deremi ásɛ a ka n ɡbo. N ne n Mɛɛ aa lole saŋ bɛlbwa nomanta, aa n ɡbo kae ba.

Amanesoma Jɔn Aa Chwera Tɔn 13:36

Anee Seemɔn Pita pɛɛro ŋɔ, “N Dɔɔ, leperaa hɛɛ kaalɔ?” Asɛ Yeesu chaŋe ŋɔ, “Taraken nɔ, haa won teŋɛ n nɛɛ la bela maa dɛ kaa nɔ, kɛ he ta ɛɛ ba ti mɛɛ.”

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 10:28

asɛ mɛɛ tɛa mkpa aa wola jaɡa dɔe bwa. Aa sewɛ bwa ɡe. Nomɛlbwa ɡe aa won toa le n nɔn ta.

Matiu 26:56

Anɔ bwa ɛo ásɛ waa Korowii keamere la aa chwera Korowii Tɔn bini la ɛ kpela.” Belaa Yeesu habɔteŋra la bwa chwa peɡre a kao.

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Amanesoma Jɔn Aa Chwera Tɔn 18:7

Belaa o berɛ kwaa pɛɛ ba ŋɔ, “Ume bɔree hɛɛ nyin ɔ?” Asɛ ba ŋɔ, “Yeesu waa le Nasarɛt la.”

Amanesoma Jɔn Aa Chwera Tɔn 18:9

Gɛ aa ɛ asɛ waa o fa aa bol o Mɛɛ be la ɛ kasinteŋ kɛŋɔ o fa aa ŋɔa ŋɔ, “N Mɛɛ, nɛra haa tɛ mɛ la bɛlbwa ta n nɔn ta nyoɡrɛ” la, a waa o bol ɡɛ.