Amanesoma Jɔn Aa Chwera Tɔn 18:32 - mzwDBL

³² Gɛ waa nɔ chiɡo ásɛ nɛra jemɛ kɛ Yeesu waa waa bola dɛ baɡle seo la soo waa dɛ ba sewa la ɛ kpela.

Amanesoma Jɔn Aa Chwera Tɔn 18:32 Referans Kwoze

Amanesoma Jɔn Aa Chwera Tɔn 3:14

Gɛ saŋ ya naawa aa lɔ pua hɛŋle ɡbo harɛ ta la, Korowii keame Mosis la fa kpɔ buni dɛ loɡɛ harɛkon dɛ kpɔ do daa ta dɛ ɡɔɔro ásɛ nɛra nyiŋu dɛ bɛ dɛɛ sewɛ. Gɛɛ a chɛ kɛ ba ɡɔɔ Men Nɛn Bie la.

Matiu 26:2

“Gɛ haa jema la, kerele ɡbosoroo baa di Galekaa Tɔpejen kondikwaa la. A taa baa ba Men Nɛn Bie lee tɛ nɛra bá kpaa mɛ pɛl daɡaɡre ta, dɛ́ kpo mɛ.”

Matiu 20:19

Baa kpɔ mɛɛ do nɛra baa wola Juu tena ɛɛ la nɔn ta, bá di n loro, dɛ́ cha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ, ásɛ tɔpetooro wee la ń ir seo ta.”

Amanesoma Jɔn Aa Chwera Tɔn 8:28

Anomanta, o ŋɔ ba be ŋɔ, “Awola haa ɡɔɔ Men Nɛn Bie nyundua la, belaa hɛɛ ba n nae kɛŋɔ Menee Men kpela, ásɛ dɛ jemɛ kɛŋɔ n ɡbaɡba kpeɡri ne laa mɛɛ ɛ wa, kɛ anɔ la n Mɛɛ la aa ŋɔ n be laanee mɛɛ bol.

Amanesoma Mak Aa Chwera Tɔn 10:33

dɛ ŋɔ, “Yaa dɛ kaa Jerusalam nɔ, baa ka le Men Nɛn Biee tɛ Sɔfonomonome ne Tɔnjerema la. Baa pa mɛ bolchɔɡee dɛ́ ŋɔ bá kpo mɛ, dɛ́ kpɔ mɛ do nɛra baa wola Juu tena ɛɛ la nɔn ta.

Mmarare 21:23

he bɛ ɡel o saɡɛ daa la ta tɔɔ per. Hé nyiŋi dɛ́ huɡo awola tenten, ásɛ dɛ bɛ doŋa ba kah harɛ Korowii haa dɛ tomɔ nɔ aa kpɔa dɛɛ ba heyaa tɛɛ he so o ta la. Dɛkalkɛŋɔ Korowii taah nomɛlbwa waa saɡɛ daa ta sewɛ.”

Yela 22:16

N dɔma bar mɛ cheme, kɛŋɔ nyootena aa wara dɛ tɔ mɛ do baah ta, dɛɛ toɡri n nɔɔra ne nakpale.

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

We-ɛɛla 7:59

Baa dɛ foɡro bwea la, dɛ o yerɛ Yeesu, dɛɛ ŋɔ, “N Dɔɔ Yeesu, n kpɔ n lileo dɛɛ do he nɔn ta dɛ́ sewɛ!”

Amanesoma Jɔn Aa Chwera Tɔn 10:33

Anee ba chaŋe ŋɔ, “He wedɛɛɡa te ɛɛ waa laa yaa ba he kpoe nɔ, kɛ he musu waa haa dɛ bol la waa. Nɛwɛnyinii hen, kɛ he berɔ dɛɛ baɡle kɛŋɔ he ɛ Korowii.”

Amanesoma Jɔn Aa Chwera Tɔn 10:31

Belaa Juu tena la pa bwea ja ŋɔ baa foɡroo kpo.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

Amanesoma Jɔn Aa Chwera Tɔn 18:31

Asɛ Paelet ŋɔ ba be ŋɔ, “Hé ɡbabir kpɔɔ kaa ka bol o waa ɡɛ he Mmara aa dɛ chaɡle.” Anee ba ɡe chaŋo ŋɔ, “Ya ta ŋwɛnɛ dɔe kɛŋɔ yá bol nɛn waa dɛ pao bolchɔɡe bá kpoo.”

Amanesoma Jɔn Aa Chwera Tɔn 21:19

O bol anɔ dɛ kpɔ dɛɛ baɡle seo la soo Pita aa dɛ ba sewa, á che a ta Korowii dɔ jirima. Waa bol ɡɛ tonɛ la, o ŋɔ Pita be ŋɔ, “Dɛɛ teŋɛ n nɛ.”