Amanesoma Jɔn Aa Chwera Tɔn 18:22 - mzwDBL

²² Yeesu aa chaŋe waa la ɡɛ la, dɛ Sɔfonomoa la bonɔɔ bɛl cheɡɛ o jwɛɛh asɛ dɛ kpaa o lwɛɛma, dɛ kɔro ŋɔ, “Kenii chɛ kɛ he chaŋe Sɔfonomoa aa?”

Amanesoma Jɔn Aa Chwera Tɔn 18:22 Referans Kwoze

Amanesoma Jɔn Aa Chwera Tɔn 19:3

Dɛ ba dɛ ba o be dɛɛ si, “Woowo, Juu tena kooro!” dɛɛ kpaa o lwɛrɛme.

Amanesoma Mak Aa Chwera Tɔn 14:65

Dɛ bane ta nentane dɛɛ ta o nɛ, asɛ bane ɡe kpɔ nɔɔra tɔ o sie dɛɛ lɔɔro dɛɛ tɔɔ kande dɛ ŋɔ ó jemɛ naate waa lɔɔ. Asɛ soojare baa dɛ daah bela la kpakpaa o lwɛrɛme.

Amanesoma Jɔn Aa Chwera Tɔn 18:3

Anomanta, Judas na Sɔfonomonome ne Farisii tena, asɛ ba tɛo soojare ne nɛra baa dɛ daah Korowii Dea la bane. Asɛ ba kpɔ kandere ne kapɛle ne dɔmkwa, asɛ Judas kpɔ ba la bodɛɛɡe baa du daa la baah bela.

Maeka 5:1

Jerusalam tena, hé boa he laa tena nyoa, laa tena chɔɔ bar bwɛjen la dɛ́ ba yo yaa. Baa kpɔ daa lɔ Israel kooro kaŋe sihiih kpoo o jirima tonɛ.

Jeremia 20:2

o ɡelɔ ba lɔɔ mɛ, dɛ do mɛ jɔɡrɔre. Bela bɛne Bɛnjamen Doonyoa nyunduabɔr, Korowii Dea bela.

Job Tɔn 16:10

Nɛra dɛ muɡli n baah ba dɛ warɛ dɛ bar mɛ cheme, dɛɛ kpaa n lwɛrɛme.

Amanesoma Jɔn Aa Chwera Tɔn 18:21

Amɔ ɛrɛɛ hɛɛ bɔɔ mɛ ɡɛ nɔɔ? Bɔɔ nɛra baa noa la, banee dɛ́ jemɛ waa maa baɡ ba dɛ́ baɡle.”