Amanesoma Jɔn Aa Chwera Tɔn 18:20 - mzwDBL

²⁰ Anee o ŋɔ, “Tɔpere bɛlbwaa mɛɛ baɡla nɛra baah ta ba bwa ɛɛ no. Korowii Dea ne cheremi deene ya Juu tena bwa aa dɛ cheme a bini la, belaa mɛɛ baɡla. N ta sɔeh dɛ baɡle wobɛlbwa ɡe bwa.

Amanesoma Jɔn Aa Chwera Tɔn 18:20 Referans Kwoze

Amanesoma Jɔn Aa Chwera Tɔn 7:26

Na, onee cheɡɛ nɛra baah ta dɛɛ bol waa asɛ ba bwa tɔ nyoa che la. Nomonome ken nao kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la.

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Aesaya 48:16

Hé suuh tel n be, dɛ́ ba no waa nɔ. Le waa nɔ mumpar bwa n ta wobɛlbwa bolɛ a sɔh heya, n wobɛlbwa maa bol la, a dɛ ɛ kpela.” Nemenɛ Korowii cheɡɛ o Doma ta, dɛ tom mɛ.

Amanesoma Luk Aa Chwera Tɔn 21:37

Dɛ tɔpere bɛlbwaa Yeesu bol waa dɛɛ baɡ ba Korowii Dea, asɛ bɔr baa jo aa, o yon kaa bwe bɛl baa dɛ yerɔ Ɔlevere Bwejen la doa dɛ́ ka chɔ.

Amanesoma Jɔn Aa Chwera Tɔn 7:4

Nomɛlbwa waa dɛ nyin kɛ nɛra jemɛ o waa la, waa o waa ɛɛ dɛɛ sɔh. Anomanta, ɡel nɛra bwa na he we-ɛɛla nɔ.”

Amanesoma Luk Aa Chwera Tɔn 4:15

O la ba cheremi deene bini dɛ ka bol Korowii Waa nɛra be, ba bwa kpɛɛro.

Matiu 26:55

Anee Yeesu pɛɛ nɛra la ŋɔ, “Ŋwɛɛree men he kpɔ keri ne ɡule dɛɛ ba dɛ́ ba laɡ mɛ naa? Tɔpere bɛlbwaa n ne heyaa yon so Korowii Dea bela, ásɛ mɛɛ baɡle nɛra wa, kɛ he ta men bela lawɛ.

Matiu 9:35

Yeesu ɡaaɡe bwɛjena ne anjeɡre bwa ta, dɛ bol Korowii Kora Amanesoma baɡ ba ba cheremi deene, dɛ chah nɛra baa we weela te bɛlbwa soo siwi.

Aesaya 45:19

N ta wobɛlbwa bolɛ sɔh, kɛɛ dɛ che biro ta bol waa harɛ nɔ ta bobɛlbwa. N ta Israel tena be ŋɔe ŋɔ, ‘Hé nyin n bɔr pɛɛpɛɛ.’ Menee Korowii, Kasinteŋ ɡboo n bwa, waa aa wera dɛ toɡre ɡboo mɛɛ bol.”

Amanesoma Jɔn Aa Chwera Tɔn 8:26

N fe dɔ he waa dɛ bol kohona he di bolchɔɡe a ta, kɛ maa bol. Naate waa tom mɛ la waa dɔ kasinteŋ nomanta, n wobɛlbwa maa bol nɛra be la ɛ waa aa le o be.”

Amanesoma Jɔn Aa Chwera Tɔn 8:2

Bɔr aa dɛ chaah chɔmbibi la, o berɛ kaa Korowii Dea. Belaa nɛnlaa ba o be dɛ ba baro cheme, asɛ o so harɛ dɛɛ chaɡ ba Korowii Wa.

Amanesoma Jɔn Aa Chwera Tɔn 7:28

Dɛ Yeesu cheɡɛ Korowii Dea bela dɛɛ bol wa. Aa ba ɡɛ la o kpɔ takpeɡ ŋɔ, “He jem mɛ dɛ jemɛ bela maa lea. N ɡbaɡba kpeɡri ne laa n ba. Korowii waa ɛ kasinteŋ te laanee tom mɛ. Haa on jemɛ.

Amanesoma Jɔn Aa Chwera Tɔn 7:14

Baa di Kukure tɔpera la tel baah ta la, Yeesu kaa jo Korowii Dea dɛ pa mun dɛɛ baɡle nɛra Korowii Wa.

Matiu 26:65

Belaa Sɔfonomoa la laa o ɡbaɡba laala waa doa la laa kɛɛ dɛ ŋɔ, “Hé no musu wa! Bɔkwa danseɛ yá berɛ dɛɛ nyin jaɔ? Kɛ he bwa no musu waa nɔ waa dena bol nɔ?

We-ɛɛla 26:26

N Naa kooro Aɡrepa te jemɛ waa maa dɛ bol nɔ bwa. A waa maa wola waa bola o sie ɔmɛ la. N jemɔ kɛŋɔ a bɛlbwa ta o habɔɔ leɛ, dɛkalkɛŋɔ a bɛlbwa ta waa baa sɔah ɛ ɛɛ.

Matiu 24:26

Dɛ nomɛl ŋɔ he be ŋɔ Kristo la lɔ kpɔɡ bini naa, he bɛ bela la. Dɛ nomɛl ɡe ŋɔ, ‘Nyiŋi na, o sɔh dea nɔ bini’ naa, he bɛ yarada,

Yela 40:9

He nɛra baa cheme warɛ aa, n dɛ bol amanesoma aa dɛ ba mkpa ne, maa n nyoa tɔ. N Naa Korowii, he ɡbabir jemɔ kɛ maa a bolaa ɡel.

Yela 22:22

Mɛɛ bol he waa haa ɛa n nɛra bee, mɛɛ kpɛɛree ba chema binii.

Amanesoma Mak Aa Chwera Tɔn 8:32

O bol ɡɛ waa nɔ ba be kaih ken. Anee Pita lawɔ le bokɛre dɛ kaoh ŋɔ o bɛ ɡɛ bol.

Amanesoma Jɔn Aa Chwera Tɔn 6:59

Kapeeneɔm cheremi deaa Yeesu do dɛɛ baɡle nɛra waa dɛ bol a ɡɛ waa nɔ.

Amanesoma Jɔn Aa Chwera Tɔn 18:21

Amɔ ɛrɛɛ hɛɛ bɔɔ mɛ ɡɛ nɔɔ? Bɔɔ nɛra baa noa la, banee dɛ́ jemɛ waa maa baɡ ba dɛ́ baɡle.”