Amanesoma Jɔn Aa Chwera Tɔn 18:18 - mzwDBL

¹⁸ Dɛ waa lole, anomanta, dɛ Sɔfonomoa bonɔɔna ne nɛra baa dɛ daah Korowii Dea la do nii hɔla ta dɛ cheɡ dɛɛ ŋwee, asɛ Pita ka ja ba nɛɛ dɛ ɡee ŋwee.

Amanesoma Jɔn Aa Chwera Tɔn 18:18 Referans Kwoze

Amanesoma Mak Aa Chwera Tɔn 14:54

Dɛ Pita teŋɛ ba nɛɛ bojaŋ dɛ ba jo nomoa la dem baah. Dɛ o ne soojare baa dɛ daah doonyoa la soɡo dɛɛ ŋwee nii.

Amanesoma Jɔn Aa Chwera Tɔn 18:25

Dɛ Seemɔn Pita ta cheɡɔ dɛɛ ŋwee nii la, asɛ ba bɔɔro ŋɔ, “Baa la habɔteŋra la bɛl laa hen aa?” Asɛ o tɔh pelepele ŋɔ, “Bɛl laa men!”

Amanesoma Jɔn Aa Chwera Tɔn 21:9

Baa baa chuɡe la, ba na hɔla nii asɛ pɛŋe dawɛ a doa, asɛ paanoo chɔ bela.

Amanesoma Mak Aa Chwera Tɔn 14:67

dɛ ba nao dɛ o dɛ ŋwee nii, dɛ nyiŋu jeiih ken dɛ ŋɔ, “Kɛ he ɡe fa teŋɛ Yeesu waa le Nasarɛt la nɛɛ laɔ?”

Sɛɡla 13:20

Kpɔ he te pɛl wejereme ásɛ dɛ jemɛ wa, kɛ nɛn o ne ɡɛne aa pɛa la, o dɛ na wahala.

Yela 1:1

Nɛra baa wola nɛnchɔɡa we-ɛɛla ta teŋɛ, baa wola waa wechɔɡ-ɛɛra aa dɛ ɛ ɛ, kɛɛ baa wola banɔ la baa dɛ mamɛ Korowii nɛɛ jae la, ba na som.

Mumpar 49:6

Maa ba nɛɛ ja ba wobɛlbwa baa vɔrɔwe ta. Ba baah diu waa, ba dɛ kpoo nɛra, dɛɛ ŋwɛne nae ɡe nakpale pɛɛpɛɛ á bɛ won valɛ.

1 Kɔrent 15:33

He bɛ ɡel nɛra ɛɛ neɡre heya. Danchɔɡe kpɔe dɛ chɔɡ dadɛɛɡe.

We-ɛɛla 4:23

Baa ɡel Pita ne Jɔn la, ba la ba bala la be dɛ ka baɡle ɡɛ Sɔfonomoa ne nomonome la aa bola la.

1 Koranar 19:9

Waa tel bela la, o kaa jo bwebɔɔ bini chɔ jwaana. Belaa Korowii bol waa Elaeja be ŋɔ, “Elaeja, bɔkwaa hɛɛ ɛ bonɔ nɔ?”

Amanesoma Luk Aa Chwera Tɔn 22:44

O tea bini aa chɔɡa kohona la, o soŋe Korowii siswɛm ne, asɛ bɔwɔb le o nɛɛ dɛ kor dɛɛ lee kɛŋɔ chal ken.

Amanesoma Jɔn Aa Chwera Tɔn 18:3

Anomanta, Judas na Sɔfonomonome ne Farisii tena, asɛ ba tɛo soojare ne nɛra baa dɛ daah Korowii Dea la bane. Asɛ ba kpɔ kandere ne kapɛle ne dɔmkwa, asɛ Judas kpɔ ba la bodɛɛɡe baa du daa la baah bela.