Amanesoma Jɔn Aa Chwera Tɔn 17:25 - mzwDBL

²⁵ N Mɛdɛɛɡe, nɛra baa dɔ harɛ nɔ ta ɡbo liire aa hen jemɛ, kɛ n te jemɛ, asɛ banɔ nɔ ɡe jemɛ kɛŋɔ henee tom mɛ.

Amanesoma Jɔn Aa Chwera Tɔn 17:25 Referans Kwoze

Amanesoma Jɔn Aa Chwera Tɔn 17:11

N dɛ ba he be bela. Maa harɛ nɔ taa biɡri, kɛ ba te ɛɛ ka harɛ nɔ taa. Anomanta, n Mɛdɛɛɡe, kpɔ sɔn haa tɛ mɛ la kpeɡri tɔ ba nɛɛ kɛrɛdɛ ásɛ ba ɛ beŋkpoŋ ɡɛ n ne haa ɛ beŋkpoŋ la.

Amanesoma Jɔn Aa Chwera Tɔn 17:8

N bol waa haa baɡ mɛ la baɡ ba, asɛ ba sɛh a ta. Ba jemɔ kɛrɛdɛ kɛŋɔ he bee n le ba, dɛ yarada kɛ henee tom mɛ.

Amanesoma Jɔn Aa Chwera Tɔn 15:21

Anɔ bwaa baa ba n waa koeh dɛɛ ɛ heya, dɛkalkɛŋɔ baa naate waa tom mɛ la jemɛ.

Amanesoma Jɔn Aa Chwera Tɔn 7:29

N te jemɔ, dɛkalkɛ o bee n le, on tom mɛ n ba nɔ.”

Amanesoma Jɔn Aa Chwera Tɔn 16:27

N Mɛɛ ɡbabir dɛ nyin heya, dɛkalkɛŋɔ he dɛ nyin mɛ, dɛ yarada kɛŋɔ o bee n le ba.

Hibru 8:11

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘A wer kɛŋɔ he jemɛ Korowii’ kpa, dɛkalkɛŋɔ ba bechale ne nomonome bwa ɛɛ jem mɛɛ.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

Amanesoma Jɔn Aa Chwera Tɔn 10:15

kɛŋɔ n Mɛɛ aa jem mɛ asɛ n ɡe jemɔ la. Dɛ seo kwaraa yaa, mɛɛ kpɔ n nyuu charɛ dɛ lɛa.

Amanesoma Jɔn Aa Chwera Tɔn 8:55

Haa on jemɛ, kɛ n te jemɔ. Dɛ n ŋɔ maa on jemaa, dɛ n ɛ nyosonteŋni kɛ heya. N jemɔ asɛ dɛɛ no o deŋna wa.

Amanesoma Luk Aa Chwera Tɔn 10:22

Yeesu berɔ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ nemenɛ n ne nɛra maa dɛ nyin kɛ ń ɡel ba jemɔ la.”

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

1 Jɔn 1:9

Dɛ ya bol ya wechɔɡa baɡle Korowii aa, o ɛ nɛndɛɛɡe dɛ ɛ kasinteŋ te dɛɛ teŋɛ o nyobaɡa ta. Wɛɛ kpɔɔ kɛ yaa, dɛ́ laa doŋa bwa kpɔ ya nɛ.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

1 Kɔrent 15:34

Anomanta, hé ir dɛ́ ɡel he sie chɔ harɛ hɛɛ ɛ kɛrɛdɛ, dɛ bɛ wechɔɡa dɛɛ ɛ. He bini bane aa Korowii waa jemɛ kɛrɛdɛ. A ta sihiih ɛɛ tɛ heya aa?

1 Kɔrent 1:21

Ba ɡbaɡba wejema ɡelɔ baa Korowii jemɛ. Korowii kpɔ o wejema ɛa ɡɛ, dɛ ŋɔ a ɛo silɛɛ kɛ wɛɛ lɛ nɛra baa yarada Amanesoma yaa bola dɛɛ baɡle nɛra asɛ baa liira wesale la.

Tɔn Pɔɔl Aa Chwerɛ Rom Tena 3:26

Taraken waa ɡela Yeesu Kristo koh ya wechɔɡa waa dɛ sewɛ nɔ, o baɡlɔ kɛŋɔ o waa toɡrɔ. Nomɛlbwa waa dɛ yarada Yeesu dɛ kpɔ o te tɛo la, Korowii ɡelɔ o ɛ nɛndɛɛɡe o wa ɛɛ su o siwi.

Tɔn Pɔɔl Aa Chwerɛ Rom Tena 3:11

Nomɛlbwa toole dɛ jemɛ wa, nomɛlbwa toole dɛɛ nyin o Korowii bɔr dɛ́ tomɔ.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

We-ɛɛla 17:23

dɛkalkɛŋɔ maa dɛ ɡaaɡe he bwɛɛ nɔ ta dɛ na bɔra haa dɛ tomɛ la, n na kon haa dɛ ɛ saraha o ta, dɛ na kɛŋɔ baa chwerɛ bobɛl ŋɔ, ‘Ya dɛ tomɔ, kɛ yaa on jemɛ.’ Kon haa wola on jemɛ dɛ ɡee tomɔ la, o waa mɛɛ bol he be la. O sɔne Korowii.

Amanesoma Jɔn Aa Chwera Tɔn 17:23

N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.

Amanesoma Jɔn Aa Chwera Tɔn 17:21

N dɛ soŋe kɛ hé ɛ ba bwa beŋkpoŋ. N Mɛɛ, ɡɛ n ne haa ɛ beŋkpoŋ bɛl aa wola won daɡre o te o dɔŋ nɛɛ la, ɡɛɛ mɛɛ soŋe kɛ ya ne ba won ɛ beŋkpoŋ, ásɛ nɛra baa dɔ harɛ nɔ ta ɡbo liire bwa won yarada kɛŋɔ henee tom mɛ.

Amanesoma Jɔn Aa Chwera Tɔn 17:18

Gɛ haa tom mɛ harɛ nɔ ta la, ɡɛ tentenee n ɡee tom ba.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Amanesoma Jɔn Aa Chwera Tɔn 16:30

Ya nao name kɛŋɔ he jemɛ wobɛlbwa aa lɔ nɛn nyu bini mɔɔ wɛɛ pɛɛre. A ta chɛ kɛŋɔ bɛlbwa pɛɛre waane kpa. A ɡelɔ ya yarada kɛŋɔ Korowii bee he le.”

Amanesoma Jɔn Aa Chwera Tɔn 16:3

Anɔ bwaa baa ba heyaa ɛɛ, dɛkalkɛŋɔ baa n ne n Mɛɛ jemɛ.

Amanesoma Jɔn Aa Chwera Tɔn 8:19

Asɛ ba pɛɛro ŋɔ, “Leperaa he mɛɛ nɔ doɔ?” Anee o ŋɔ, “Gɛ haa wola men jemɛ nɔ, ɡɛɛ haa wola n Mɛɛ la ɡe jemɛ,” dɛ berɛ ŋɔ, “Dɛ he fe jem mɛ naa, he fe jemɛ n Mɛɛ la ɡe.”

Amanesoma Jɔn Aa Chwera Tɔn 6:19

O habɔteŋra la aa tawa dɛ kaa dɛ ɛ kwansini atoro kɛɛ anaarɛ la, ba nao kɛŋɔ Yeesu aa valɛ nee la sie dɛɛ ba ba be, asɛ ɔmee laɡ ba taeh.

Amanesoma Jɔn Aa Chwera Tɔn 3:17

Korowii aa tom mɛ harɛ la, o ta ŋɔe ŋɔ ń ba bol he waa dɛ́ pa heyaa bolchɔɡe. Kɛ o tom mɛ ŋɔ ń ba nyin ŋwɛnɛ tɛ heya, ásɛ o won lɛ heya.

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Aesaya 45:21

Hé cheme, dɛ́ bol he waa kɔɔto, ásɛ nɛra baa kpɔ waa daɡ ba la le jina dɛ́ kpɔ liire. Umee bol waa aa chiɡa taraken nɔ bil wubwa nɔ? Umee le saŋ la bwa dɛ bola ɔ? Men Korowii maa ɛ he Lɛɛ la laa aa? Dɔɔ bɛlbwa toole.

Wepila 16:5

Asɛ n no nyundua torome la waa chɔ neerare nyoa la kɛ waa ŋɔa, “Hen haa lole saŋ la bwa dɛ ba le fini, henee ɛ Korowii Waa Do Goroŋ dɛ ka tonɛ la, he waa haa bola dɛ pa nɛra bolchɔɡe la toɡrɔ,