Amanesoma Jɔn Aa Chwera Tɔn 16:20 - mzwDBL

²⁰ Kasinteŋ, n dɛ ŋɔ he be, he loo ɛɛ kuu he wi, ásɛ nɛra baa dɔ harɛ nɔ ta ɡbo liire sie lɛ. He tea bini ɛɛ chɔɡoo, kɛ he tebinichɔɡ la ɛɛ berɛ heyaa silɛɛ.

Amanesoma Jɔn Aa Chwera Tɔn 16:20 Referans Kwoze

Jems 1:2

Yabala, dɛ wobɛlbwa pu heyaa dɛ ɛ wekpeɡa aa, hé ɡel he sie lɛ.

Matiu 5:4

Nɛra baa dɛ wi taraken la, ba na som, dɛkalkɛ Korowii ɛɛ larawe ba bwaraa.

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.

Amanesoma Mak Aa Chwera Tɔn 16:10

Mɛɛre laŋɔ dɛ ka ŋɔ nɛra ba fa aa dɛ teŋɛ Yeesu nɛɛ la be waa la waa naa la. Waa la ba be dɛ ba koh Yeesu seo la waa dɛɛ ɛ lwe dɛɛ wi siniire mɛrmɛr ken.

Jeremia 31:25

Mɛɛ ɡeloo nɛra ba bambile aa chɔɡa la dɔ bokpeɡfala, ásɛ dɛ tɛ nomɛlbwa lɔr aa kpoo o ɡwɛɡre kondikwaa o di.”

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Amanesoma Luk Aa Chwera Tɔn 24:21

Kɛ ya te, ya fa dɔ hwɛɡa kɛ onee naate o fe aa dɛ ba dɛ ba lɛ Israel tena la. Waa nɔ aa chiɡa tɔpera atoroo la.

Yela 30:11

He ɡelɔ n suna dii berɛ silɛɛ, mɛɛ sa, dɛ ɡel n soh n wii, dɛ kpɔ silɛɛ tɔ mɛ kɛŋɔ yal.

Yela 30:5

O baah diu waa, aa biɡri dɛ o sɔɔhnɔ, kɛ o nyina waa dɛ nyin nɛn lole saŋ bɛlbwa. Yaa won dɛɛ wi jwaana, kɛ tɔɔ ne pera dɛ silɛɛ ɡboo.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

Amanesoma Luk Aa Chwera Tɔn 24:17

Belaa Yeesu bɔɔ ba ŋɔ, “Bɔkwa waa he valɛ dɛɛ ba dɛɛ bol dɔŋa be nɔɔ?” Asɛ ba jaɡɛ che sum ne surumm ken.

Amanesoma Luk Aa Chwera Tɔn 23:27

Dɛ nɛnlaa tenten teŋɛ o nɛ, ba bini bane ɛ haahna dɛ kpɔ nɔɔra dawɛ nyu dɛɛ dooɡe lɔŋɔre dɛ wi dɛɛ tɛo.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Wepila 18:7

Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.

Wepila 11:10

Nɛra baa lɔ harɛ nɔ ta ɛɛ koh ba seo la waa ba sie lɛ ba baah sɔɔh ba. Baa chemoo dɛ́ lɛ sie, dɛ́ kɛ dɔŋa kwa, dɛkalkɛŋɔ a ɡɛ Korowii toroma banɛ la fa kpɔ wahala ta ba nɛɛ taeh.

We-ɛɛla 5:41

Baa le nomonome la be, dɛ ba sie lɛo kohona kɛŋɔ Korowii aa tɛɛ ba sɔn dɛ ɡel ba ɡe maɡa nɔ dɔŋ won koh Yeesu waa dɛ di sihiih ne weweele la.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Amanesoma Jɔn Aa Chwera Tɔn 16:6

Maa bol ɡɛ waa nɔ he be nomanta, he tea bini chɔɡɔ.

Amanesoma Luk Aa Chwera Tɔn 22:62

Ate, Pita le buse dɛ ka wi kɛrɛdɛ.

Amanesoma Luk Aa Chwera Tɔn 22:45

Waa soŋe Korowii tonɛ dɛ berɛ la o habɔteŋra la be la, lokua kohona nomanta, dɛ ba chɔɔɡe doromi.

Amanesoma Luk Aa Chwera Tɔn 6:21

He banɔ la lɔr aa dɛ kpo heyaa taraken la na som, dɛkalkɛ hɛɛ ba vaɡɔɔ. He banɔ la haa dɛ wi taraken la na som, dɛkalkɛ hɛɛ ba mamɔɔ.

Amanesoma Mak Aa Chwera Tɔn 14:72

Buɡ la ta, dɛ jabal nɛɛtena sio, asɛ Pita lii ɡɛ Yeesu aa ŋɔ o be ŋɔ, “Jabala ne sii kera anɛ dɛ he tɔɔh kera atoro bwa ŋɔ haa men jemɛ bwa” la. Waa lii a ɡɛ waa nɔ la, dɛ o dɛ wi.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Yela 97:11

Nii dɛ chaah nɛra ba wa aa toɡra sie, nɛra ba wa aa wera ɡe ɛɛ dɔ silɛɛ.

Job Tɔn 20:5

nyubinikpeɡ tena silɛɛ aa biɡri, nɛra baa wola Korowii jemɛ dɔ silɛɛ, kɛ aa ɡɛɛ ka.

1 Tesalonika 1:6

Hé nyiŋi yaa dɛ́ kpɔ ya ne ya Dɔɔ da la. Haa no Korowii Waa la dɛ yaradaa la, he na wahala ɡa, kɛ he wono lɛ Korowii Waa la silɛɛ aa le Korowii Domadɛɛɡe la be ne.

Amanesoma Jɔn Aa Chwera Tɔn 20:20

Waa bol ɡɛ la, o kpɔ o nɔɔra ne o loŋi baɡ ba, asɛ ba sie lɛ kohona kɛŋɔ baa na ba Dɔɔ la.

Matiu 21:38

Nɛra la aa dena na o bie la, ba den ŋɔ, ‘Yoowa, koo te la ɡbaɡba biee la. Hé ɡel ya lawɔ dɛ́ kpoo, ásɛ o mɛɛ kapɛrɛ la bwa berɛ ya kwa.’