Amanesoma Jɔn Aa Chwera Tɔn 15:9 - mzwDBL

⁹ Gɛ n Mɛɛ la aa dɛ nyin mɛ laanee n ɡee nyin heya. Anomanta, he bɛ he te laa kpɔ n nyina maa dɛ nyin heyaa la ta bwa.

Amanesoma Jɔn Aa Chwera Tɔn 15:9 Referans Kwoze

Amanesoma Jɔn Aa Chwera Tɔn 17:26

N ɡelɔ ba jemɛ, mɛɛ ɡeloo baa jemɛ, ásɛ ba won dɛɛ nyin dɔŋa ɡɛ haa dɛ nyin mɛ la, ásɛ n ne ba won pɛ.”

1 Jɔn 2:28

N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Amanesoma Jɔn Aa Chwera Tɔn 15:13

Nyina bɛlbwa toole dɛ ɡwaa kɛŋɔ nɛn aa wona koh o daamanar waa dɛ sewɛ.

Amanesoma Jɔn Aa Chwera Tɔn 15:11

N baɡle heyaa waa nɔ ásɛ he dɔ n silɛɛ dɔŋ, ásɛ he sie lɛ ka tonɛ.

Ɛfesos 3:18

ásɛ he ne Korowii nɛra ba wa aa toɡra la bwa won jemɛ ɡɛ Yeesu Kristo nyina aa kana dɛ do luŋri, aa wola jaɡa dɔe bwa.

Tɔn Jud Aa Chwera 1:20

N dandɛɛɡa, hé te swɛɛ siwi dɛ́ɛ cha dɔŋa dɛ́ won che kiŋkiŋ, ásɛ he yarada haa dɔa Yeesu Kristo ŋwɛnɛɡoroŋ nɔ ta la do kan kohona. Hɛ́ɛ soŋe Korowii o Domadɛɛɡe la kpeɡri ne.

Amanesoma Jɔn Aa Chwera Tɔn 3:35

Korowii nyin o Bie la taeh, dɛ kpɔ wobɛlbwa kpeɡri do o nɔn ta.