Amanesoma Jɔn Aa Chwera Tɔn 15:15 - mzwDBL

¹⁵ Maa heyaa n bonɔɔna yerɛ kpa, dɛkalkɛ bonɔɔ naa won jemɛ o nomoa waa bini. N daamanaree mɛɛ yerɛ heyaa name te, dɛkalkɛ n ɡelɔ he jemɛ wobɛlbwa maa noa dɛ le n Mɛɛ be.

Amanesoma Jɔn Aa Chwera Tɔn 15:15 Referans Kwoze

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Matiu 13:11

Anee Yeesu chaŋ ba ŋɔ, “He te dɔ Korowii Kora ne a wejema a fa aa sɔah bwa dɛ jemɛ. Kɛ ba te ta dɔe.

Jems 2:23

Belaa Korowii Tɔn waa la ɛ kpela kɛŋɔ baa ŋɔa ŋɔ, “Abraham yarada Korowii, asɛ o yarada nomanta, Korowii ŋɔ o ɛ nɛndɛɛɡe o waa su o siwi” la. Dɛ ba dɛ yerɔ Korowii dam.

Kolosi 1:26

Korowii waa la fa sɔɔh saŋ la bwa, nɛra ta a mun jemɛ. Kɛ taraken te, o pili a bwa bini dɛ tɛ o nɛra ba wa aa toɡra,

Wepila 1:1

Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.

Ɛfesos 3:5

Korowii fa ta o wesɔɔhla bini pile baɡle saŋ la tena. Kɛ taraken o Domadɛɛɡe baɡle o nɛra baa ɛ o toromedɛɛɡa ne o keamedɛɛɡa la be,

Ɛfesos 1:9

Gɛ bwa Korowii aa ɛ Yeesu Kristo waa cheɡ o tetoora ta a fa sɔh yaa la, o berɔ pili a bwa bini tɛ yaa ya won jemɛ ɡɛ aa su o siwi o cheɡa ɡɛ saŋ la,

Amanesoma Jɔn Aa Chwera Tɔn 20:17

Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

Galaasia 4:6

Korowii aa dɛ nyin kɛŋɔ o baɡle kɛŋɔ o biirii yaa la nomanta, o tɛ yaa o Bie la Domadɛɛɡe la o so ya nɛ, asɛ ya won dɛɛ yerɔ ‘n Mɛɛ, n Mɛɛ’, kɛŋɔ bie aa dɛ yerɛ o mɛɛ ɡɛ la.

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

Amanesoma Jɔn Aa Chwera Tɔn 8:26

N fe dɔ he waa dɛ bol kohona he di bolchɔɡe a ta, kɛ maa bol. Naate waa tom mɛ la waa dɔ kasinteŋ nomanta, n wobɛlbwa maa bol nɛra be la ɛ waa aa le o be.”

Emɔs 3:7

Nemenɛ Korowii aa waanee ɛ, dɛ o ta a bini pile baɡle o bonɔɔna baa ɛ o keamere.

1 Pita 1:11

Dɛ Kristo Doma soɡe ba nɛɛ dɛɛ baɡle wahala Kristo aa dɛ ba nae, dɛ baɡle jirima aa dɛ ba bala wahala la habɔɔ. Ba takapɔ kɛŋɔ bá fee won jemɛ tɔpere aa dɛ ba chiɡa, ne ɡɛ aa dɛ ba ɛɛ.

Jems 1:1

Men Jems maa ɛ Korowii ne ya Dɔɔ Yeesu Kristo bonɔɔ laanee chwerɛ tɔn nɔ dɛɛ tɛ he Israel deene fi dɛ anɛ tena haa lɔ bobɛlbwa la. N dɛ na heya.

Faelemɔn 1:16

O ta he yom ɡbo ɛɛ kpa. O ɛ he nimedɛɛɡe ya Dɔɔ Yeesu be pera. Gɛ n kwara aa dɛ nyin o waa nɔ, n jemɔ kɛ he te ɛɛ nyin o waa ɡwaa ɡɛ, dɛkalkɛŋɔ o ɛ he yom ne he nime tenten ya Dɔɔ Yeesu be pera.

Amanesoma Jɔn Aa Chwera Tɔn 17:26

N ɡelɔ ba jemɛ, mɛɛ ɡeloo baa jemɛ, ásɛ ba won dɛɛ nyin dɔŋa ɡɛ haa dɛ nyin mɛ la, ásɛ n ne ba won pɛ.”

Amanesoma Jɔn Aa Chwera Tɔn 15:20

Hɛ́ɛ lii ɡɛ n fa aa bol he be ŋɔ, yom ta o dɔɔ ɡwaalɛ la. Dɛ ba ɛɛ mɛ hɔhɔrɔwa aa, ɡɛɛ baa ba he ɡe ɛɛ. Dɛ ba teŋɛ n webaɡla ta naa, baa teŋɛ he ɡe kwaa ta ɡɛɛ.

Amanesoma Jɔn Aa Chwera Tɔn 13:16

Kasinteŋ, n dɛ ŋɔ he be, yom ta o dɔɔ ɡwaalɛ, torome ɡe ta nɛn waa tomɔ ɡwaalɛ.

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.

We-ɛɛla 20:27

dɛkalkɛŋɔ n ta waa Korowii aa dɛ nyin la wobɛlbwa kpɔe sɔh heya.

Amanesoma Jɔn Aa Chwera Tɔn 4:19

Asɛ haah la ŋɔ, “Nomoa, maa naa nɔ, Korowii keamee hen.

Amanesoma Luk Aa Chwera Tɔn 10:23

Yeesu ne o habɔteŋra la ɡbo aa baa so la, o berɛ sie ta ba be, dɛ ŋɔ ba be ŋɔ, “He nɛra he siwi aa na wejena maa dɛ ɛ nɔ la, he na som.

Sɛɡla 18:24

Chamene tena kpɔe kohona dɛ chɔɡe, kɛ damsom bɛl ɡwaa lole.

Amanesoma Jɔn Aa Chwera Tɔn 16:12

N fe dɔ waa kohona dɛ́ bol baɡle heya, kɛ aa ɡwaa he nɛɛ kɛ he won no a mun buɡ nɔ ta.

Tɔn Pɔɔl Aa Chwerɛ Rom Tena 7:15

Waa maa dɛ ɛ kwaraa la nɔ, n ta wone jemɛ waa aa ɡela mɛɛ ɛa, dɛkalkɛŋɔ maa waa n fe aa dɛ nyin ɛɛ la ɛ. Waa maa wola nyin laanee mɛɛ ɛ.

1 Kɔrent 2:16

Korowii Tɔn bini ba pɛɛrɔ ŋɔ, “Nɛn besoo dɛ won jemɛ Korowii liire o? Umee dɛ won baɡlo waɔ?” Kɛ ya te dɔ Yeesu Kristo liire.