Amanesoma Jɔn Aa Chwera Tɔn 15:14 - mzwDBL

¹⁴ He dɛ teŋɛ n waa maa kpɔa tɛ heyaa la ta te naa, amɔ dɛ n daamanaree heya.

Amanesoma Jɔn Aa Chwera Tɔn 15:14 Referans Kwoze

Matiu 12:50

Nomɛlbwa waa dɛ ɛ waa n Mɛɛ waa lɔ nyundua aa dɛ nyin kɛ ó ɛ laanee n nime ne n nimambie ne n nya.”

1 Jɔn 5:3

Dɛ ya dɛ teŋɛ waa Korowii aa kpɔa tɛ yaa ta naa, anee dɛ́ baɡle kɛŋɔ ya dɛ nyinu. O waa la ta teŋa ɡe aa kpeɡe kohona tɛ yaa,

Jems 2:23

Belaa Korowii Tɔn waa la ɛ kpela kɛŋɔ baa ŋɔa ŋɔ, “Abraham yarada Korowii, asɛ o yarada nomanta, Korowii ŋɔ o ɛ nɛndɛɛɡe o waa su o siwi” la. Dɛ ba dɛ yerɔ Korowii dam.

Amanesoma Jɔn Aa Chwera Tɔn 14:21

Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

Amanesoma Jɔn Aa Chwera Tɔn 14:15

Yeesu berɔ ŋɔ, “He dɛ nyin n wa aa, hɛ́ɛ dɛɛ teŋɛ n waa maa kpɔa tɛ heyaa la taa.

Amanesoma Luk Aa Chwera Tɔn 12:4

Yabala, n dɛ ŋɔ he be ŋɔ, he bɛ nɛra baa dɛ ba wona kpo heyaa baa wola won ɛ waane kpa la ɔmɛ.

Amanesoma Jɔn Aa Chwera Tɔn 13:17

Dɛ he jemɛ ɡɛ waa nɔ dɛɛ ɛa ɡe te naa, hɛɛ na somee.

Aesaya 41:8

Kɛ he te, Israel tena haa ɛ n bonɔɔna, Jekɔb naanar maa le heya, n dam Abraham dwee,

Amanesoma Jɔn Aa Chwera Tɔn 2:5

O nya berɔ ŋɔ bonɔɔna baa dɛ do sene la be ŋɔ, “Dɛ o baa ŋɔ hé ɛ wobɛlbwa naa, hé ɛ.”

Amanesoma Jɔn Aa Chwera Tɔn 14:28

N bol he be he no kɛŋɔ ‘Mɛɛ kaaloo ásɛ dɛ berɛ ba he be.’ Dɛ he fe dɛ nyin mɛ naa, he sie fe ɛɛ lɛo kɛŋɔ maa kaa n Mɛɛ be, dɛkalkɛ o ɡwaa mɛ.

2 Webena 20:7

Henee Korowii yaa dɛ tomɛ. He doŋi nɛra ba fa aa soɡe harɛ nɔ ta le he nɛra Israel tena sie, dɛ kpɔ tɛ he dam Abraham naanar, o ɛ ba kon saŋ bɛlbwa dɛɛ la.

Yelsom 5:1

N sɛnodɛɛɡe ne n hanfale, n ba bodɛɛɡe maa du daa. N boa n konsɔɔhsoma ne korobo bwa nyoa. N di n tohvaahna ne n tohno, dɛ nyɔ n sen ne na-elne. N daamanar, hé di kondikwa dɛ nyɔ sen. Hé nyɔ ɡɛ bɛlbwa ɡɛ haa won.

Sɛɡla 18:24

Chamene tena kpɔe kohona dɛ chɔɡe, kɛ damsom bɛl ɡwaa lole.

Kaala 7:6

Asɛ Mosis ne Arɔn ɛ ɡɛ Korowii aa bol ba be bwa.

Rut Tɔn 3:6

Anomanta, o la pɛla la ta jwaana la ne la, asɛ dɛ ka ɛ ɡɛ Naomi aa baɡlo la.

1 Koranar 4:5

Netan bibaa Asaria chɔ harɛre nomonome nyoa. Netan bibaa Sabud ɛ sɔfo dɛ berɛ bol waa dɛɛ baɡle kooro,

2 Koranar 18:6

O kpɔ o te pɛl Korowii, o ta o nɛɛ teŋa ɡelɛ, dɛ do sie dɛɛ teŋɛ mmarare Korowii aa kpɔa tɛ Mosis la bwa ta.

Jeremia 32:23

Kɛ baa bala dɛ ba so o ta la, ba vɛh he Mmarare la, ba ta waa haa do ba a ta kɛɛ waa haa baɡ ba la ta teŋɛ. A waa he kpɔ wenaale nɔ bwa ba ta ba nɛɛ la.

Ɛsekeɛl 12:7

Anomanta, n ɛ ɡɛ Korowii aa do mɛ la. Bɔr aa chaahna la, n do n bone dɛ kpɔ le kɛ nɛn baa lawɔ dɛɛ kaa harɛfale ta la. Bɔr aa dɛ jo la, n kpɔ nɔɔra forɛ bɔɔ danjwɛɛ la ɡe ta, dɛ kpɔ n bone dawɛ n vam ta nɛra la bwa siwi ta dɛ le kaa.