Amanesoma Jɔn Aa Chwera Tɔn 15:10 - mzwDBL

¹⁰ He dɛ teŋɛ waa maa kpɔa tɛ heyaa la ta naa, haa he tenee laa kpɔ n nyina maa dɛ nyin heyaa la ta, kɛŋɔ maa teŋɛ waa n Mɛɛ aa kpɔa tɛ mɛ la ta maa wola n te laa kpɔ o nyina ta la.

Amanesoma Jɔn Aa Chwera Tɔn 15:10 Referans Kwoze

Amanesoma Jɔn Aa Chwera Tɔn 14:15

Yeesu berɔ ŋɔ, “He dɛ nyin n wa aa, hɛ́ɛ dɛɛ teŋɛ n waa maa kpɔa tɛ heyaa la taa.

1 Jɔn 5:3

Dɛ ya dɛ teŋɛ waa Korowii aa kpɔa tɛ yaa ta naa, anee dɛ́ baɡle kɛŋɔ ya dɛ nyinu. O waa la ta teŋa ɡe aa kpeɡe kohona tɛ yaa,

1 Jɔn 2:5

Nomɛlbwa waa dɛ teŋɛ Korowii waa ta la, onee dɛɛ nyin Korowii waa kɛrɛdɛ. Anɔ taa yaa ba cheɡa dɛ́ jemɛ kɛ ya ne Korowii pɛo.

2 Pita 2:21

Dɛ ba fe ta Korowii ŋwɛnɛtoɡre la waa noɛ ka aa, a fe bɔ ba nɛɛ dɛ ɡwaa kɛŋɔ baa jemɛ Korowii ŋwɛnɛ la dɛ vɛh waa o ɡbaɡba aa ŋɔa báa ɛ la ɛɛ.

Amanesoma Jɔn Aa Chwera Tɔn 8:29

Naate waa tom mɛ la ja n nɛ, o ta men tae, dɛkalkɛ n dɛ ɛ anɔ la aa dɛ too o tea.”

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

1 Tesalonika 4:1

Anɔ la aa jaa la, yabala, waa la haa hwela ya be ɡɛ aa chɛ kɛ he so ásɛ Korowii sie lɛ he nɛɛ la, ɡɛɛ hɛɛ ɛ la. Ya cheɡɛ ya Dɔɔ Yeesu naa ta dɛɛ ja heyaa ŋɔ a chɛ kɛ he ɛ dɛ ɡwaa ɡɛ.

Amanesoma Jɔn Aa Chwera Tɔn 17:4

N tɛɛ jirima harɛ nɔ ta kɛŋɔ maa tonɛ toma haa kpɔa do n nɔn ta ŋɔ ń ɛ la bwa.

Amanesoma Jɔn Aa Chwera Tɔn 14:31

kɛ a chɛ kɛŋɔ harɛ nɔ ta nɛra bwa jemɛ kɛ n dɛ nyin n Mɛɛ la, a waa mɛɛ ɛ anɔ la bwa waa do mɛ ŋɔ ń ɛ la. Hé ir, yá le bonɔ.”

Amanesoma Jɔn Aa Chwera Tɔn 12:49

Dɛkalkɛ n ɡbabir kpeɡri ne laa mɛɛ bol waa nɔ. N Mɛɛ waa tom mɛ laanee do mɛ dɛ chaɡ mɛ ɡɛ maa bol o wa.

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

Amanesoma Jɔn Aa Chwera Tɔn 14:21

Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

1 Kɔrent 7:19

Ba kpɔ kere chɔɡɛ noo, a ta waane ɛɛ, ba ta kere kpɔe chɔɡɛ noo, a ta waane ɛɛ. Kɛ Korowii Waa la ta teŋaa ɛ kasinteŋ.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Aesaya 50:5

Nemenɛ Korowii ɡelɔ mɛɛ no waa mun. N ta deŋnekpeɡ ɛɛ dɛ berɛ habɔɔ kpoo.

Amanesoma Jɔn Aa Chwera Tɔn 8:55

Haa on jemɛ, kɛ n te jemɔ. Dɛ n ŋɔ maa on jemaa, dɛ n ɛ nyosonteŋni kɛ heya. N jemɔ asɛ dɛɛ no o deŋna wa.

Amanesoma Jɔn Aa Chwera Tɔn 10:18

Lao seo laa mɛɛ ba sewa nɔ. N tetoosewee mɛɛ ba sewa. N dɔ kpeɡri kɛ ń kpɔ n te tɛ dɛ́ sewɛ, dɛ́ berɛ dɔ kpeɡri kɛŋɔ ń ir seo ta. Gɛɛ n Mɛɛ ŋɔ ń ba ɛ.”

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

1 Jɔn 2:3

Ya teŋɛ o waa ta naa, anee dɛɛ ba yaa baɡla kɛ ya jemɔ.

1 Jɔn 2:6

Nomɛlbwa waa ŋɔa o ne Korowii pɛo la, a chɛ kɛŋɔ ó kpɔ Yeesu Kristo da la.

Kaala 7:6

Asɛ Mosis ne Arɔn ɛ ɡɛ Korowii aa bol ba be bwa.

2 Samoɛl 22:22

N dɛ teŋɛ Korowii Mmarare la ta, n ta habɔɔ berɛ kpo Korowii maa dɛ tomɔ la.

2 Koranar 18:6

O kpɔ o te pɛl Korowii, o ta o nɛɛ teŋa ɡelɛ, dɛ do sie dɛɛ teŋɛ mmarare Korowii aa kpɔa tɛ Mosis la bwa ta.