Amanesoma Jɔn Aa Chwera Tɔn 14:5 - mzwDBL

⁵ Anee Tɔmas pɛɛro ŋɔ, “N Dɔɔ, aah yaa wola bela haa dɛ kaa jemɛ nɔ, ɛrɛɛ yaa ba wona jemɛ ŋwɛnɛ dɛ́ ba he be bela ɔ?”

Amanesoma Jɔn Aa Chwera Tɔn 14:5 Referans Kwoze

Amanesoma Jɔn Aa Chwera Tɔn 11:16

Belaa Tɔmas baa dɛ yerɔ Didimas la ŋɔ o bala Yeesu habɔteŋra la be ŋɔ, “Hé ɡel ya pu nomoa ásɛ ya ne o bwa kaa, dɛ seo kwaraa yaa, yá ne ó sewɛ.”

Amanesoma Mak Aa Chwera Tɔn 9:19

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ.”

Amanesoma Jɔn Aa Chwera Tɔn 15:12

Waa maa kpɔa tɛ heyaa laanee la. Hɛ́ɛ nyin dɔŋa ɡɛ maa dɛ nyin heyaa la.

Amanesoma Luk Aa Chwera Tɔn 24:25

Anee Yeesu ŋɔ ba be ŋɔ, “Nfɛrɛ nyaara! Ɛrɛɛ haa wola Korowii keamere waa baa bola la yarada nɔɔ?

Matiu 10:3

Felep ne Batolomeo, ne Tɔmas ne Matiu o fa aa dɛ lɛ toɔ la, ne Jems waa ɛ Alfeɔs bie la dɛ Tadeɔs,

Amanesoma Jɔn Aa Chwera Tɔn 14:4

He jemɛ bela maa dɛ ba kaala la ŋwɛnɛ.”

Amanesoma Jɔn Aa Chwera Tɔn 16:5

Yeesu berɔ ŋɔ, “Taraken mɛɛ berɔ kaa Naate waa tom mɛ la be, kɛ he bini bɛlbwa ta men bɔɔrɛ bela maa dɛ ba kaala.