Amanesoma Jɔn Aa Chwera Tɔn 14:21 - mzwDBL

²¹ Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

Amanesoma Jɔn Aa Chwera Tɔn 14:21 Referans Kwoze

Amanesoma Jɔn Aa Chwera Tɔn 14:15

Yeesu berɔ ŋɔ, “He dɛ nyin n wa aa, hɛ́ɛ dɛɛ teŋɛ n waa maa kpɔa tɛ heyaa la taa.

1 Jɔn 5:3

Dɛ ya dɛ teŋɛ waa Korowii aa kpɔa tɛ yaa ta naa, anee dɛ́ baɡle kɛŋɔ ya dɛ nyinu. O waa la ta teŋa ɡe aa kpeɡe kohona tɛ yaa,

1 Jɔn 2:5

Nomɛlbwa waa dɛ teŋɛ Korowii waa ta la, onee dɛɛ nyin Korowii waa kɛrɛdɛ. Anɔ taa yaa ba cheɡa dɛ́ jemɛ kɛ ya ne Korowii pɛo.

2 Jɔn 1:6

Dɛ ya dɛ nyin dɔŋa aa, dɛ ya dɛ teŋɛ o waa la ta. O waa laanee kɛŋɔ dɔŋa nyina, ɡɛ haa noa loɡla la. Anomanta, hɛ́ɛ ɛ he wobɛlbwa dɔŋa nyina ta.

Mmarare 11:13

Anomanta, dɛ he teŋɛ Korowii Mmarare maa kpɔa dɛɛ tɛ heyaa fini nɔ ta, dɛ nyin Korowii dɛ tomɔ he bambile ne he hweera bwa ne naa,

Amanesoma Jɔn Aa Chwera Tɔn 16:27

N Mɛɛ ɡbabir dɛ nyin heya, dɛkalkɛŋɔ he dɛ nyin mɛ, dɛ yarada kɛŋɔ o bee n le ba.

Amanesoma Luk Aa Chwera Tɔn 11:28

Anee Yeesu ŋɔ, “Nɛra baa dɛ no Korowii Waa dɛɛ teŋɛ a ta laanee na som.”

Amanesoma Jɔn Aa Chwera Tɔn 15:14

He dɛ teŋɛ n waa maa kpɔa tɛ heyaa la ta te naa, amɔ dɛ n daamanaree heya.

Wepila 3:20

Hɛ́ɛ no! N cheɡɛ doonyoa dɛɛ lɔ ɡbera. Naate waa no n taa dɛ́ ba yaa mɛ la, mɛɛ jo o bee, n ne o pɛ nɔn di kwa.

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Amanesoma Jɔn Aa Chwera Tɔn 17:23

N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.

Yela 35:27

N Naa Korowii, ɡel banɔ la baa dɛ nyin n di boldɛɛɡe, ɛɛ do lɔŋɔre silɛɛ ne. Ásɛ baa bol ŋɔ, “Korowii kan ɡa, o sie lɛ o bonɔɔ wer waa doa ta.”

1 Jɔn 3:1

Hé na nyina ya Mɛɛ waa lɔ nyundua aa dɛ nyin yaa, dɛɛ yerɛ yaa o bii. Ya ɛ o bii kpela. A waa ɡela nɛra baa dɔ harɛ nɔ ta ɡbo liire aa wola yaa jemɛ la. Gɛ baa wola Korowii jemɛ la, ɡɛɛ baa wola ya ɡe jemɛ.

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

Jeremia 31:31

Korowii bolɔ ŋɔ, “Saŋ bɛl ɛɛ bao, ásɛ n ne Israel ne Juda tena bwa fɔwɛ fɔofale bɛl.

Amanesoma Jɔn Aa Chwera Tɔn 16:14

Onee dɛ́ tɛ mɛ jirima, dɛkalkɛ onee dɛ́ kpɔ n wobɛlbwa ba bol he be.

Amanesoma Jɔn Aa Chwera Tɔn 14:18

N baa kaa laa, maa heyaa ta kɛ bilalbii, mɛɛ berɔɔ ba he be.

2 Timoti 4:22

Yá Dɔɔ ja he nɛ. Ń Naa Korowii sune he nɛ dɛ́ cha he bwa sekwaraa.

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

We-ɛɛla 22:18

N na n Dɔɔ Yeesu, asɛ o ŋɔ n be ŋɔ, ‘Le Jerusalam warane. N waa nɔ haa dɛ di a danseɛ nɔ, Jerusalam tena aa a noe ba.’

2 Kɔrent 12:8

Kera atoro bwaa n soŋe Korowii kɛŋɔ o laa a ɡɛ waa nɔ kpɔ n nɛ,

Kaala 33:18

Anee Mosis ŋɔ o be ŋɔ, “Dɛ ɡɛɛ tenaa, amɔ te ɡel n na he jirima.”

Mmarare 7:13

Wɛɛ nyin heyaa dɛ́ swee heyaa andɛɛɡa, dɛ́ ɡel he mun ya kohona. Wɛɛ ɡeloo he loɡle, he kooni kwaa kɛŋɔ mea ne ɡrepore ne ɔlevere bwa do wer, ásɛ he kondɛɛra ɡe ya. A ɡɛ hɛɛra nɔ bwaa wɛɛ ba kpɔe tɛ heyaa harɛ la waa ŋwɛɛra baɡle he naawa ŋɔ wɛɛ kpɔɔ tɛ heyaa la ta.

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

2 Koranar 18:6

O kpɔ o te pɛl Korowii, o ta o nɛɛ teŋa ɡelɛ, dɛ do sie dɛɛ teŋɛ mmarare Korowii aa kpɔa tɛ Mosis la bwa ta.