Amanesoma Jɔn Aa Chwera Tɔn 13:38 - mzwDBL

³⁸ Anee Yeesu berɛ bɔɔ ŋɔ, “Kpelaa kɛŋɔ hɛɛ won koh n waa sewaa? Kasinteŋ, n dɛ ŋɔ he be, jabal loɡle ne sii dɛ he tɔɔh kera atoro ŋɔ haa men jemɛ kwaraa.”

Amanesoma Jɔn Aa Chwera Tɔn 13:38 Referans Kwoze

Amanesoma Luk Aa Chwera Tɔn 22:34

Belaa Yeesu ŋɔ, “Ai, Pita! Jabal loɡle ne sii fini dɛ he tɔɔh kera atoro ŋɔ haa men jemɛ.”

Matiu 26:34

Belaa Yeesu ŋɔ Pita be ŋɔ, “Kasinteŋ, jabal loɡle ne sii fini, dɛ he tɔɔh kera atoro ŋɔ haa men jemɛ.”

Amanesoma Mak Aa Chwera Tɔn 14:30

Belaa Yeesu ŋɔ Pita be ŋɔ, “Kasinteŋ, jabal loɡle ne sii kera anɛ kere chɔmbibi ne dɛ he tɔɔh kera atoro ŋɔ haa men jemɛ kwaraa!”

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

1 Kɔrent 10:12

Anomanta, nomɛlbwa waa dɛ lii kɛŋɔ o cheɡɛ kiŋkiŋ Yeesu Kristo waa nɔ ta la, wɛ́ɛ nyiŋi kɛrɛdɛ dɛ bɛ naa ba lɔ.

Sɛɡla 29:23

He dɛ maŋkura he te naa, harɛɛ hɛɛ lɔ, kɛ he pwɛr he te naa, he dɛ dɔ duure.

Sɛɡla 28:26

Nomɛlbwa waa kpɔ o te ɛɛ dawɛ o ɡbaɡba liire ta la ɡɛnɔ, kɛ nɛn waa dɛ teŋɛ wejerema waa ta dɛ́ dɔ o nyu.

Amanesoma Luk Aa Chwera Tɔn 22:33

Anee Pita chaŋo ŋɔ, “N Dɔɔ, n cheɡɔ kɛ bá do n ne hen dea. Seo kwaraa yaa, n ne hɛɛ sewɔɔ.”

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Amanesoma Jɔn Aa Chwera Tɔn 16:31

Anee Yeesu bɔɔ ba ŋɔ, “He berɔ dɛɛ yarada mɛ taraken te naa?

We-ɛɛla 11:10

A ɡɛ waa nɔ ɛo kera atoro, asɛ kon la berɛ kaa nyundua kwaraa.