Amanesoma Jɔn Aa Chwera Tɔn 13:35 - mzwDBL

³⁵ Dɛ he dɛ nyin dɔŋa aa, aa ɡeloo nɛra bwa jemɛ kpela kɛŋɔ he ɛ n habɔteŋra.”

Amanesoma Jɔn Aa Chwera Tɔn 13:35 Referans Kwoze

1 Jɔn 2:10

Nomɛlbwa waa dɛ nyin o dɔŋ la do kɛŋɔ nɛn waa lɔ bochaah ta. Bochaah la nomanta, komɛlbwa toole dɛ́ ɡel ó lɔ nakpala dɛ́ chole.

Amanesoma Jɔn Aa Chwera Tɔn 17:21

N dɛ soŋe kɛ hé ɛ ba bwa beŋkpoŋ. N Mɛɛ, ɡɛ n ne haa ɛ beŋkpoŋ bɛl aa wola won daɡre o te o dɔŋ nɛɛ la, ɡɛɛ mɛɛ soŋe kɛ ya ne ba won ɛ beŋkpoŋ, ásɛ nɛra baa dɔ harɛ nɔ ta ɡbo liire bwa won yarada kɛŋɔ henee tom mɛ.

1 Jɔn 2:5

Nomɛlbwa waa dɛ teŋɛ Korowii waa ta la, onee dɛɛ nyin Korowii waa kɛrɛdɛ. Anɔ taa yaa ba cheɡa dɛ́ jemɛ kɛ ya ne Korowii pɛo.

2 Jɔn 1:5

Kɛ n bidɛɛɡe, taraken n dɛ soŋe, dɛɛ teŋɛ waa Korowii aa bola bil la ta. Wefala laa. Dɛ hɛ́ɛ nyin dɔŋa.