Amanesoma Jɔn Aa Chwera Tɔn 13:13 - mzwDBL

¹³ He dɛ yer mɛ he dɔɔ kɛɛ he nomoa aa, aŋwɛnɛ taa, dɛkalkɛ ɡɛɛ a do.

Amanesoma Jɔn Aa Chwera Tɔn 13:13 Referans Kwoze

Amanesoma Luk Aa Chwera Tɔn 6:46

Ɛrɛ waa hɛɛ yer mɛ he dɔɔ, haa wola waa maa dɛ bol he be ɛ nɔɔ?

Felepae 2:11

ásɛ nomɛlbwa sɛh kɛŋɔ Yeesu Kristoo nɛra bwa Dɔɔ, ásɛ o Mɛɛ Korowii dɔ jirima.

1 Kɔrent 12:3

Anomanta, n dɛ nyin kɛŋɔ he jemɛ ɡɛ waa nɔ kɛrɛdɛ, dɛ́ jemɛ kɛŋɔ nomɛlbwa waa dɛ bol waa Korowii Domadɛɛɡe la kpeɡri ne la, waa won taah Yeesu. Nomɛlbwa ɡe waa dɛ bol ŋɔ Yeesuu ya Dɔɔ la, dɛ Korowii Domadɛɛɡe la kpeɡrii ɡela wɛɛ ŋɔ ɡɛ la.

Amanesoma Jɔn Aa Chwera Tɔn 11:28

Maata aa bol ɡɛ tonɛ la, o berɔ la dem dɛ ka sɔh bol Mɛɛre be ŋɔ, “Nomoa la balɔ dɛɛ pɛɛ he wa.”

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

1 Kɔrent 8:6

Kɛ ya te be, Korowii lɔ beŋkpoŋ. Onee N Naa Korowii waa ta komɛlbwa, asɛ ya do le dɛɛ tomɔ la. Ya Dɔɔ ɡe lɔ beŋkpoŋ. Onee ya Dɔɔ Yeesu Kristo. O nɛɛ Korowii che dɛ ta komɛlbwa, asɛ ya ɡe che o nɛɛ dɛ dɔ mkpa.

Jems 2:19

He dɛ yarada kɛŋɔ Korowii beŋkpoŋii lole naa? A wer ɡa! Kɛ he ne Bɔnsam toromaa soɡe dabeŋkpoŋ ta. Ba ɡba dɛ yarada Korowii ɔmee ne bochela ne.

Amanesoma Luk Aa Chwera Tɔn 10:28

Anee Yeesu ŋɔ o be ŋɔ, “Kpelaa he ŋɔ. Dɛɛ ɛ ɡɛ, hɛɛ dɔ ɡɛ mkpa laanee.”

Amanesoma Luk Aa Chwera Tɔn 7:43

Anee Seemɔn chaŋo ŋɔ, “N dɛ lii kɛ naate o kem aa kana la, onee dɛ́ nyin baa la waa kohona.” Asɛ Yeesu ŋɔ, “Kpelaa he ŋɔ.”

Jeremia 1:12

O ŋɔ, “He bol kasinteŋ, kɛ n dɛ nyiŋi kɛŋɔ n waa maa bola la bwa ɛ ɡɛ.”

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Amanesoma Jɔn Aa Chwera Tɔn 11:2

A ɡɛ Mɛɛre nɔɔ fa fuɡe nosɔɔhsoma ɛ Yeesu nakpale dɛ kpɔ o nyumpona feera la. O nimambiee Lasorɔs o bwara aa dɛ weo nɔ.

Amanesoma Jɔn Aa Chwera Tɔn 11:3

Asɛ o nimambii la tomɛ nɛra ba ka ŋɔ Yeesu be ŋɔ, “N Dɔɔ, he dandɛɛɡe la bwara dɛ weo.”

Ɛfesos 6:9

Dɔɔranar, hɛ́ɛ ɛ he bonɔɔna ne toli ɡe kɛrɛdɛ, dɛ́ ɡel ba fiiɡa. He jemɔ kɛŋɔ he ne ba bwa Dɔɔ lɔ beŋkpoŋ nyundua. Waa bane nyine dɛɛ ɡwaa bane.