Amanesoma Jɔn Aa Chwera Tɔn 12:40 - mzwDBL

⁴⁰ “Korowii tɔɔɡe ba sie, dɛ ɡel ba bambile do kpeɡri, ɡɛ aa ɛ ba sibie bɛ na, ásɛ ba liiree bini bɛ chaah ba no a mun, á ba ɛ kɛ baa charɛ ba liire dɛ́ ba o be ó chaah ba.”

Amanesoma Jɔn Aa Chwera Tɔn 12:40 Referans Kwoze

Aesaya 6:10

Korowii berɔ ŋɔ n be ŋɔ, “Ka ɡel nɛra nɔ bambile do kpeɡri, tɔɔɡe ba deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ba bambile lawa, bá berɛ ba n be ń lɛɛ ba.”

Amanesoma Luk Aa Chwera Tɔn 8:10

Anee o ŋɔ ba be ŋɔ, “Korowii ta o Kora bini wobɛlbwa kpɔe sɔh he te. Kɛ nɛra baa kaa la te, sɛɡla nee mɛɛ ba waa ba be bola, ásɛ a ɛ ɡɛ baa chwera ŋɔ, ‘Ba dɔ sibie kɛ baa na, dɛ dɔ deŋna kɛ baa no, baa waa mun jemɛ.’

Amanesoma Mak Aa Chwera Tɔn 4:12

ásɛ a ɛ ɡɛ baa chwera ŋɔ, ‘Baa nyiŋuu kohona, kɛ baa a mun jema ba baa noo kohona, kɛ baa a jema ba, dɛkalkɛ baa ba liire chara ba bwa, ásɛ Korowii kpɔ ba wechɔɡa kɛ ba.’ ”

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Amanesoma Jɔn Aa Chwera Tɔn 9:39

Asɛ Yeesu ŋɔ, “Nɛra waa bola dɛ́ pa bole waa n ba harɛ nɔ ta, ásɛ nyoŋa berɛ dɛɛ na, ásɛ banɔ la ɡe baa dɛ na la berɛ nyoŋa.”

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Hosia 14:4

Korowii ŋɔ, “Mɛɛ berɔ lawɛ n nɛra ba n be, dɛ́ nyin ba waa n bambile bwa ne, dɛkalkɛ n bandia toole ba nɛɛ kpa.

Hosia 6:1

Israel tena berɔ ŋɔ, “Hé ɡel ya berɛ kaa Korowii be. Onee toɡri ya ola, wɛɛ berɔ chah yaa. O do yaa bola, kɛ wɛɛ vɔrɔwe ya ŋwɛraa.

Ɛsekeɛl 12:2

“Nɛwɛnyini bie, deŋnekpeɡ tena binii he so la. Ba dɔ sibie kɛ baa na, dɛ dɔ deŋna ɡe kɛ baa waa no, dɛkalkɛ ba ɛ deŋnekpeɡ tena.

Jeremia 3:22

Hé berɛ ba, he nɛra he wa aa wola kasinteŋ dɔe, dɛ berɛ habɔɔ kpo Korowii. Wɛɛ chah heyaa dɛ́ ɡel he waa berɛ dɔ kasinteŋ. He ŋɔ, “Ya sɛoh ŋɔ yaa berɔ ba Korowii be, dɛkalkɛ onee Korowii yaa dɛ tomɛ.

Yela 147:3

O ɡelɔ nɛra ba bambile aa chɔɡa dɔ bolarawa, dɛ vɔrɔwe ba ŋwɛra.

Yela 41:4

N ŋɔ, “N Naa Korowii, na n sum, chaah mɛ, dɛkalkɛ n ɛ wechɔɡa, dɛ jo he nɛ.”

Yela 6:2

N Naa Korowii, n ɡwɛɡrɔ, n poori, na n sum. N hoɡa bini bwa dɛ wee mɛ, chaah mɛ.

Josua 11:20

Korowiirii saahna dɛ ɡel ba bambile do kpeɡri ba ka pu Israel tena yo, ásɛ Israel tena bɛ ba sum na, dɛ́ kpoo ba dɛ́ he ba. Gɛ Korowii aa ŋɔ Mosis be la.

Mmarare 29:4

Kɛ kpoŋe ba le fini Korowii saa he liire, dɛ tɛ heyaa sibie aa wola kasinteŋ laanee na, ne deŋna aa wola kasinteŋ laanee no.

Tɔn Pɔɔl Aa Chwerɛ Rom Tena 9:18

Naate Korowii tea aa toora kɛŋɔ ó sune o nɛɛ la, o nɛɛ wɛɛ sune. Naate ɡe o tea aa toora kɛŋɔ ó ɡel o deŋne do kpeɡri la, onee o ɡel o deŋne ɛɛ do kpeɡri.

We-ɛɛla 28:26

‘Ka ŋɔ nɛra la be ŋɔ, “Hɛɛ noo kohona, kɛ haa a mun noe ba, hɛɛ nyiŋuu kohona, kɛ haa a jema ba.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

Ɛsekeɛl 14:9

N keame bɛlbwa baa neɡro o bol waane la, dɛ men Korowiirii neɡro o bol. N nɔn dawɛ naate nɛ, mɛɛ chɔɡo le Israel tena bini.

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

We-ɛɛla 15:3

Baa tom ba la, ba kaalɔ. Baa dɛ kaa la, ba kaa kpɔ harɛre ane baa dɛ yera Finiisia ne Samaria ta dɛɛ kaa, dɛɛ bol bela asɔre tena be ɡɛ nɛra baa wola Juu tena ɛɛ la aa bera dɛɛ yarada Yeesu dɛ kpɔ ba te tɛo. Ba ɡe aa no ɡɛ la, ba sie lɛo taeh.

Amanesoma Mak Aa Chwera Tɔn 6:52

Ba liire aa do toŋɡboŋ baa wola paanoo la waa la mun noɛ la, a ɡelɔ ba bwara hwah.

Aesaya 53:5

Ya wechɔɡa waa ba doo bol, ya wechɔɡa waa ba lɔɔro. Gɛ aa ɛ yá dɔ bosɔɔhna waa o dɔ deŋnetɛra, á che a ta ya dɔ bokpeɡa.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Kaala 14:17

Mɛɛ ɡeloo Ijipt tena deŋne do kpeɡri, ásɛ ba ti heya. Belaa mɛɛ ba n jirima dɔe dɛ́ le Ijipt kooro ne o laa tena ne kwaa aa do kɛ torɔɡore, dɛ nɛra baa dɛ so jaɡre ta la bwa nɛ.

Kaala 14:8

Korowii ɡelɔ Ijipt kooro la deŋne do kpeɡri, asɛ o ti Israel tena baa kpɔ silɛɛ le dɛɛ kaa la.

Kaala 14:4

Mɛɛ ɡeloo o deŋne do kpeɡri o ŋɔ wɛɛ ti baa. Mɛɛ pɔ o ne o laa tena nɛɛ dɛ́ dɔ jirima. Ásɛ Ijipt tena bwa jemɛ kɛŋɔ menee Korowii kpela.” Anomanta, ɡɛɛ Israel tena ɛ.

Kaala 7:13

Anɔ bwa habɔɔ, dɛ Ijipt kooro deŋne ta kpeɡri o ŋɔ waa ba waa la munii no ɡɛ Korowii aa bola la.

Kaala 7:3

Kɛ mɛɛ ɡeloo kooro la deŋne do kpeɡri dɛ bɛ he be no, ásɛ dɛ n ɛ nyokpowaa kohona harɛ la ta kwaraa naa, waa he bee no.

Kaala 4:21

Belaa Korowii berɛ ŋɔ o be ŋɔ, “Haa bera dɛɛ kaa Ijipt harɛ ta nɔ, na kɛŋɔ kpeɡri maa tɛɛ he kpɔ dɛɛ ɛ nyokpowaa la, hɛɛ ɛa Ijipt kooro siwi taa. Kɛ mɛɛ ɡeloo o deŋne do kpeɡri, waa wola ɡel n nɛra la kaa.

1 Koranar 22:20

Ate, Korowii pɛɛ ŋɔ, ‘Umee dɛ́ neɡre Kooro Ahab ásɛ o la Ramɔt Gelead dɛ́ ka yoo ba ásɛ ba kpoo bela ɔ?’ Korowii dɔm baa cheɡa baro nyundua la bwa waa koɡrɔ. Bane ŋɔ ken, bane ɡe ŋɔ ken.

Kaala 9:12

Kɛ Korowii ɡelɔ Ijipt kooro deŋne do kpeɡri o ta Mosis ne Arɔn be noɛ ɡɛ waa bola la.

Kaala 10:1

Belaa Korowii ŋɔ Mosis be ŋɔ, “La Ijipt kooro be, n ɡelɔ o ne o nomonome deŋne do kpeɡri ɡɛ aa ɛ ń won ɡel ba na n nyokpowe-ɛɛla ba baah,

Kaala 11:10

Mosis ne Arɔn ɛ nyokpowe-ɛɛla nɔ bwa kooro sie. Korowii ɡelɔ o deŋne ta do kpeɡri o ta ɡelɛ Israel tena la le o harɛ ta kaa.

Aesaya 6:9

O ŋɔ, “La dɛ́ ka ŋɔ Jerusalam tena be ŋɔ, ‘Hɛ́ɛ no n waa kohonaa, kɛ haa a mun noe ba, hɛɛ nyiŋi a bini kohonaa, kɛ haa waa aa dɛ ba chiɡa jema ba.’ ”

Amanesoma Jɔn Aa Chwera Tɔn 12:39

Gɛɛ a do ba ta waa la yaradae, asɛ Aesaya berɛ bol ja ŋɔ,